| ᠦᠷᠡ ᠰᠣᠶᠣᠭᠠᠯᠠᠨ ᠬᠥᠷᠥᠰᠥ ᠪᠠᠨ ᠥᠨᠳᠡᠶᠢᠯᠭᠡᠵᠦ᠂ ᠬᠠᠪᠤᠷ ᠬᠠᠪᠤᠷ ᠪᠣᠯᠵᠤᠭᠠ ᠶᠣᠰᠣᠭᠠᠷ ᠢᠶᠠᠨ ᠠᠷᠤ | ᠭᠠᠵᠠᠷ ᠰᠠᠭᠠᠲᠠᠨᠠ᠃ | ᠬᠤᠳᠠ ᠶᠢᠨ ᠲᠡᠭᠦᠷᠭᠡ ᠶᠢᠨ ᠨᠠᠮ ᠲᠣᠭᠲᠠᠭᠤᠨ ᠭᠤᠣᠯ ᠤᠨ ᠬᠥᠪᠡᠭᠡᠨ ᠳᠤ ᠠᠯᠬᠤᠯᠠᠨ᠂ ᠨᠠᠭᠤᠷ ᠲᠠᠭᠠᠨ | ᠪᠤᠴᠠᠭᠰᠠᠨ ᠰᠢᠪᠠᠭᠤᠳ ᠤᠨ ᠨᠤᠷᠭᠢᠶᠠᠨ ᠢ ᠪᠠᠭ᠋ᠠᠷᠬᠠᠵᠤ᠂ ᠨᠢᠭᠡᠨ ᠳᠠᠭᠤᠤ ᠳᠤ ᠰᠣᠭᠲᠣᠭᠤᠷᠠᠬᠤ ᠳᠤ ᠨᠤᠲᠤᠭ ᠤᠨ | ᠢᠶᠠᠨ ᠬᠠᠪᠤᠷ ᠢ ᠡᠷᠬᠡ ᠦᠭᠡᠢ ᠮᠥᠷᠥᠭᠡᠳᠦᠨᠡᠮ᠃ | ︽ᠡᠬᠡ ᠨᠤᠲᠤᠭ ᠤᠨ ᠮᠢᠨᠢ ᠬᠠᠪᠤᠷ ᠠ᠋ ᠭᠡᠵᠦ᠂ ᠡᠵᠢ ᠶᠢᠨ ᠮᠢᠨᠢ ᠰᠡᠳᠬᠢᠯ ᠰᠢᠭ ᠤᠶᠠᠬᠠᠨ ᠴᠠᠭ᠂ ᠡᠩᠭᠡᠷ ᠤᠨ | ᠴᠠᠰᠤ ᠰᠡᠮᠡᠷᠡᠨ ᠬᠠᠭᠵᠠᠷᠠᠵᠤ᠂ ᠡᠮᠵᠡᠭᠬᠡᠨ ᠢᠷᠭᠤᠢ ᠳᠡᠯᠭᠡᠷᠡᠳᠡᠭ ᠴᠠᠭ ᠠ᠋ ᠁︾ ᠡᠬᠡ ᠨᠤᠲᠤᠭ ᠤᠨ ᠢᠶᠠᠨ | ᠬᠠᠪᠤᠷ ᠢ ᠪᠢ ᠥᠭᠡᠷᠡ ᠬᠠᠮᠢᠭᠠ ᠠᠴᠠ ᠴᠦ ᠣᠯᠤᠭᠠ ᠦᠭᠡᠢ᠃ ᠲᠡᠷᠡ ᠰᠠᠶᠢᠬᠠᠨ ᠭᠠᠵᠠᠷ ᠤᠰᠤ ᠲᠠᠢ ᠪᠠᠨ ᠭᠦᠢ | ᠶᠢᠨ ᠬᠤᠯᠪᠤᠭᠠ ᠲᠠᠢ ᠪᠣᠯᠬᠤᠷ᠂ ᠲᠡᠨᠳᠡ ᠨᠢᠯᠬᠠ ᠪᠠᠭᠠ ᠶᠢᠨ ᠮᠢᠨᠢ ᠳᠤᠷᠠᠳᠬᠠᠯ ᠮᠥᠩᠬᠡᠷᠡᠭᠡ ᠪᠣᠯᠬᠤᠷ᠂ ᠲᠡᠨᠳᠡ | ᠰᠡᠳᠬᠢᠯ ᠤᠨ ᠬᠠᠶᠢᠷᠠᠲᠠᠢ ᠰᠠᠳᠤᠨ ᠲᠦᠷᠦᠯ ᠮᠢᠨᠢ ᠪᠠᠶᠢᠭᠠ ᠪᠣᠯᠬᠤᠷ᠂ ᠮᠥᠷᠥᠭᠡᠳᠦᠯ ᠤᠨ ᠡᠷᠬᠡᠨ ᠳᠤ ᠶᠠᠭᠤ ᠪᠣᠯᠭᠠᠨ | ᠨᠢ ᠲᠡᠶᠢᠮᠦ ᠯᠡ ᠳᠣᠲᠣᠨᠣᠬᠠᠨ᠂ ᠲᠡᠶᠢᠮᠦ ᠯᠡ ᠬᠠᠶᠢᠷᠠᠯᠠᠯᠲᠠᠢ᠃ | ᠬᠠᠪᠤᠷ ᠴᠠᠭ ᠢ ᠬᠥᠮᠥᠰ ᠲᠥᠯᠵᠢᠬᠦ ᠬᠠᠪᠤᠷ᠂ ᠠᠮᠢᠯᠠᠯ ᠤᠨ ᠡᠷᠢᠨ ᠭᠡᠵᠦ ᠵᠦᠢᠷᠯᠡᠳᠡᠭ᠂ ᠬᠠᠪᠤᠷ ᠴᠠᠭ ᠢ | ᠬᠥᠮᠥᠰ ᠬᠠᠶᠢᠯ ᠤᠨ ᠤᠰᠤᠨ ᠤ ᠭᠡᠰᠬᠦ ᠠᠴᠠ ᠡᠬᠢᠯᠡᠨ ᠶᠠᠷᠢᠳᠠᠭ᠂ ᠬᠠᠪᠤᠷ ᠴᠠᠭ ᠢ ᠬᠥᠮᠥᠰ ᠲᠥᠯ ᠤᠨ ᠮᠠᠶᠢᠯᠠᠭᠠᠨ᠂ | ᠰᠢᠪᠠᠭᠤᠳ ᠤᠨ ᠲᠠᠭᠤᠨ ᠢᠶᠠᠷ ᠵᠢᠷᠤᠭᠯᠠᠨ᠂ ᠡᠪᠦᠯ ᠤᠨ ᠬᠦᠢᠲᠡᠨ ᠳᠤ ᠲᠠᠭᠠᠷᠠᠬᠰᠠᠨ ᠰᠡᠳᠬᠢᠯ ᠢᠶᠠᠨ | ᠳᠤᠯᠠᠭᠠᠴᠠᠭᠤᠯᠳᠠᠭ᠃ ᠮᠢᠨᠤ ᠤᠢ ᠲᠤᠶᠢᠨ ᠳᠠᠬᠢ ᠬᠠᠪᠤᠷ ᠨᠢ ᠡᠭᠡᠭᠡ ᠯᠡ ᠨᠠᠳᠠᠳᠤ ᠲᠦᠷᠦᠭᠰᠡᠨ ᠨᠤᠲᠤᠭ ᠤᠨ ᠢᠶᠠᠨ | ᠶᠠᠭᠤ ᠪᠦᠭᠦᠨ ᠢ ᠰᠠᠨᠠᠨ ᠮᠥᠷᠥᠭᠡᠳᠦᠭᠡᠷᠡᠢ ᠭᠡᠵᠦ ᠬᠤᠪᠢᠳᠠᠵᠤ ᠥᠭᠭᠦᠭᠰᠡᠨ ᠤᠯᠠᠷᠢᠯ ᠰᠢᠭ᠋᠂ ᠬᠠᠮᠢᠭᠠ ᠶᠠᠪᠤᠭᠰᠠᠨ ᠴᠤ | ᠨᠤᠲᠤᠭ ᠲᠠᠭᠠᠨ ᠪᠠᠶᠢᠭᠰᠠᠨ ᠦᠶᠡ᠂ ᠦᠢᠯᠡ ᠤᠴᠠᠷᠠᠯ᠂ ᠵᠣᠭᠤᠭ ᠪᠠᠶᠠᠰᠤᠯ ᠶᠠᠭᠤ ᠪᠦᠭᠦᠨ ᠪᠤᠳᠤᠬᠳᠠᠭᠠᠳ ᠪᠠᠶᠢᠬᠤ | ᠶᠢ ᠶᠠᠭᠠᠬᠢᠶᠠ᠃ ᠬᠠᠪᠤᠷ ᠬᠠᠪᠤᠷ ᠢᠶᠠᠷ ᠡᠵᠢ ᠮᠢᠨᠢ ᠭᠤᠯᠣᠩᠬᠠᠢ ᠠᠪᠤᠭᠤᠯᠬᠤ ᠭᠡᠵᠦ ᠲᠣᠶᠢᠭ ᠤᠨ ᠳᠠᠭᠤᠤ ᠪᠠᠨ | ᠠᠶᠠᠯᠳᠠᠭ᠂ ᠠᠪᠤ ᠮᠢᠨᠢ ᠠᠳᠤᠭᠤ ᠪᠠᠨ ᠳᠡᠯᠯᠡᠬᠦ ᠭᠡᠵᠦ ᠤᠷᠭᠠ ᠪᠠᠨ ᠵᠠᠰᠠᠭᠠᠳ ᠬᠥᠭᠡᠷᠳᠡᠭ᠂ ᠥᠬᠢᠨ ᠳᠡᠭᠦᠦ ᠲᠠᠢ ᠪᠠᠨ | ᠪᠢᠳᠠ ᠬᠤᠶᠠᠭᠤᠯᠠ ᠬᠤᠷᠠᠭᠠ ᠤᠭᠵᠢᠬᠤ ᠭᠡᠵᠦ ᠪᠤᠯᠢᠶᠠᠯᠳᠤᠳᠠᠭ᠃ ᠡᠪᠡᠰᠦᠨ ᠣᠪᠣᠭᠠᠨ ᠠᠴᠠ ᠡᠳᠦᠷᠵᠢᠨ ᠲᠠᠬᠢᠶᠠᠨ | ᠥᠨᠳᠡᠭᠡ ᠡᠷᠢᠵᠦ᠂ ᠵᠠᠷᠢᠮ ᠳᠠᠭᠠᠨ ᠬᠤᠷᠢ ᠭᠤᠴᠢᠭᠠᠳ ᠥᠨᠳᠡᠭᠡ ᠣᠯᠣᠭᠠᠳ ᠬᠠᠭᠠ ᠪᠠᠶᠠᠷᠯᠠᠵᠤ᠂ ᠭᠡᠷ ᠲᠡᠭᠡᠨ | ᠠᠪᠤᠭᠠᠳ ᠢᠷᠡᠪᠡᠯ ᠬᠠᠭᠠᠰ ᠨᠢ ᠥᠷᠯᠥᠭᠡ ᠦᠳᠡᠰᠢ ᠶᠢᠨ ᠬᠦᠢᠲᠡᠨ ᠳᠤ ᠬᠥᠯᠳᠡᠴᠢᠬᠡᠭᠰᠡᠨ ᠪᠠᠶᠢᠳᠠᠭ᠃ ᠮᠠᠨ ᠤ | ᠰᠠᠷᠠᠪᠴᠢᠨ ᠳᠤ ᠬᠡᠭᠡᠷᠡ ᠶᠢᠨ ᠲᠠᠬᠳᠠᠭᠠ ᠡᠭᠦᠷᠯᠡᠭᠡᠳ ᠵᠢᠯ ᠪᠣᠯᠭᠠᠨ ᠤ ᠬᠠᠪᠤᠷ ᠤᠨ ᠡᠬᠢ ᠪᠠᠷ ᠳᠡᠭᠳᠡᠭᠡᠬᠡᠢ ᠪᠠᠨ | ᠨᠡᠪᠴᠢᠭᠦᠯᠬᠦ ᠦᠶᠡ ᠳᠤ ᠥᠬᠢᠨ ᠳᠡᠭᠦᠦ ᠪᠢᠳᠠ ᠬᠤᠶᠠᠭᠤᠯᠠ ᠡᠳᠦᠷᠵᠢᠨ ᠳᠡᠭᠳᠡᠭᠡᠬᠡᠢ ᠶᠢᠨ ᠬᠢᠨᠢ ᠪᠤᠶᠢᠵᠢᠯᠳᠡ ᠶᠢ | ᠬᠠᠷᠠᠵᠤ ᠰᠠᠭᠤᠳᠠᠭ᠃ ᠳᠤᠯᠠᠭᠠᠨ ᠡᠳᠦᠷ ᠭᠠᠷᠪᠠᠯ ᠬᠡᠳᠦᠨ ᠨᠠᠶᠢᠵᠢ ᠲᠠᠢ ᠪᠠᠨ ᠠᠭᠤᠯᠠᠨ ᠳᠤ ᠭᠠᠷᠴᠤ ᠬᠠᠭᠤᠷᠠᠢ | ᠲᠦᠯᠡᠭᠡ ᠲᠡᠭᠦᠨ᠂ ᠬᠠᠶᠠ ᠳᠡᠯᠭᠡᠷᠡᠭᠰᠡᠨ ᠴᠡᠩᠬᠡᠷ ᠢᠷᠭᠤᠢ ᠶᠢ ᠪᠠᠭ᠋ᠠᠷᠬᠠᠨ᠂ ᠬᠡᠳᠦᠨ ᠠᠷᠤᠭ ᠠᠷᠭᠠᠯ ᠣᠪᠣᠭᠠᠯᠠᠨ ᠠᠪᠤ | ᠡᠵᠢ ᠳᠡᠭᠡᠨ ᠵᠢᠭᠠᠯᠬᠠᠨ ᠲᠤᠰᠠ ᠪᠣᠯᠵᠤ ᠪᠠᠶᠢᠭᠰᠠᠨ ᠳᠠᠭᠠᠨ ᠥᠪᠡᠷ ᠢ ᠪᠠᠨ ᠲᠣᠮᠣ ᠬᠥᠮᠥᠨ ᠪᠣᠯᠴᠢᠬᠠᠵᠠᠢ ᠭᠡᠵᠦ | ᠣᠮᠣᠷᠬᠠᠨ ᠪᠠᠷᠳᠠᠮᠨᠠᠳᠠᠭ ᠪᠠᠶᠢᠭᠰᠠᠨ᠃ ᠬᠥᠮᠥᠨ ᠤ ᠵᠡᠷᠭᠡ ᠳᠤ ᠬᠦᠷᠬᠦ ᠶᠢ ᠶᠠᠭᠠᠷᠠᠵᠤ ᠪᠠᠶᠢᠭᠰᠠᠨ ᠬᠡᠦᠬᠡᠳ ᠨᠠᠰᠤ ᠮᠢᠨᠢ | ᠶᠠᠭᠠᠬᠢᠭᠰᠠᠨ ᠴᠦ ᠬᠥᠭᠡᠷᠦᠬᠦᠨ ᠪᠢᠯᠡ︕ ᠬᠡᠦᠬᠡᠳ ᠨᠠᠰᠤ ᠶᠢ ᠠᠪᠴᠤ ᠬᠤᠴᠣᠷᠤᠭᠰᠠᠨ ᠪᠣᠯᠬᠤᠷ ᠬᠥᠳᠡᠭᠡ | ᠨᠤᠲᠤᠭ ᠤᠨ ᠮᠢᠨᠢ ᠬᠠᠪᠤᠷ ᠬᠡᠵᠢᠶᠡᠳᠡ ᠵᠢᠷᠦᠬᠡ ᠰᠡᠳᠬᠢᠯ ᠳᠤ ᠬᠤᠨᠣᠭᠰᠢᠨ᠂ ᠮᠥᠷᠥᠭᠡᠳᠦᠯ ᠤᠨ ᠤᠶᠠᠩᠭᠠ ᠪᠠᠷ | ᠨᠠᠮᠠᠶᠢ ᠪᠦᠪᠡᠶᠢᠯᠡᠭᠰᠡᠭᠡᠷ᠃ | ᠬᠡᠦᠬᠡᠨ ᠢᠶᠠᠨ ᠡᠷᠭᠢᠵᠦ ᠦᠵᠡᠬᠦ ᠪᠠᠷ ᠬᠤᠳᠠ ᠳᠤ ᠢᠷᠡᠭᠡᠳ ᠭᠡᠳᠦ ᠬᠤᠨᠣᠭᠰᠠᠨ ᠠᠪᠤ ᠮᠢᠨᠢ ᠠᠵᠢᠯ ᠶᠠᠭᠠᠷᠠᠤ | ᠪᠠᠷ ᠰᠢᠯᠲᠠᠭᠯᠠᠨ ᠠᠷᠤ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠪᠠᠷ ᠪᠣᠯᠣᠯᠠ᠃ ᠰᠠᠯᠵᠤ ᠶᠠᠳᠠᠭᠰᠠᠨ ᠴᠦ ᠶᠠᠭᠠᠬᠢᠬᠤ ᠪᠤᠢ᠂ ᠪᠢ ᠠᠪᠤ | ᠪᠠᠨ ᠭᠠᠯᠲᠤ ᠲᠡᠷᠭᠡᠨ ᠳᠤ ᠭᠠᠷᠭᠠᠬᠤ ᠪᠠᠷ ᠮᠥᠷᠯᠡᠨ ᠵᠣᠭᠰᠣᠵᠤ ᠪᠠᠶᠢᠭᠰᠠᠭᠠᠷ ᠭᠡᠨᠡᠳᠲᠡ ᠶᠠᠭ ᠯᠡ ᠴᠠᠭ ᠣᠷᠣᠨ ᠵᠠᠢ | ᠠᠯᠤᠰᠯᠠᠭᠠᠳ ᠰᠤᠷᠤᠬᠴᠢ ᠪᠠᠶᠢᠬᠤ ᠦᠶᠡ ᠳᠡᠭᠡᠨ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠬᠤ ᠭᠡᠵᠦ ᠬᠡᠶᠢᠷᠬᠡᠨ ᠳᠣᠭᠳᠣᠯᠵᠤ ᠪᠠᠶᠢᠬᠤ | ᠰᠢᠭ᠋ ᠪᠣᠯᠣᠯᠠ᠃ ᠨᠢᠭᠡ ᠪᠤᠳᠤᠪᠠᠯ ᠬᠥᠮᠥᠨ ᠭᠡᠵᠦ ᠬᠡᠵᠢᠶᠡᠳᠡ ᠯᠡ ᠨᠤᠲᠤᠭ ᠵᠦᠭ ᠢᠶᠠᠨ ᠲᠡᠮᠡᠦᠯᠳᠡᠭ ᠨᠡᠭᠦᠳᠡᠯᠴᠢᠨ | ᠪᠠᠶᠢᠵᠠᠢ ᠳ᠋ᠠ᠂ ᠬᠥᠭᠡᠷᠦᠬᠦᠢ᠃ ᠪᠢ ᠠᠪᠤ ᠪᠠᠨ᠂ ᠮᠥᠷᠥᠭᠡᠳᠦᠯ ᠲᠠᠢ ᠪᠠᠨ ᠬᠠᠮᠲᠤ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠬᠤ ᠭᠠᠯᠲᠤ | ᠲᠡᠷᠭᠡᠨ ᠳᠡᠭᠡᠷᠡ ᠭᠠᠷᠭᠠᠴᠢᠬᠠᠭᠠᠳ᠂ ᠤᠯᠠᠨ ᠤ ᠤᠷᠤᠰᠬᠠᠯ ᠳᠤᠮᠳᠠᠭᠤᠷ ᠭᠡᠶᠦᠷᠡᠨ᠂ ᠨᠤᠲᠤᠭ ᠤᠨ ᠢᠶᠠᠨ ᠬᠠᠪᠤᠷ ᠢ | ᠮᠥᠷᠥᠭᠡᠳᠦᠨ ᠮᠥᠷᠥᠭᠡᠳᠦᠨ ᠠᠯᠬᠤᠯᠠ᠃ ᠵᠠᠮ ᠤᠨ ᠬᠠᠵᠠᠭᠤ ᠶᠢᠨ ᠤᠨᠵᠢᠭᠢᠷ ᠤᠳᠠ ᠭᠥᠯᠥᠭᠡᠯᠡᠴᠢᠬᠡᠯᠡ᠃ ᠭᠦᠢᠯᠡᠰᠦᠨ | ᠬᠤᠸᠠᠷ ᠴᠦ ᠳᠡᠯᠭᠡᠷᠡᠭᠡᠳ᠂ ᠪᠤᠯᠪᠠᠷᠠᠢ ᠶᠠᠭᠠᠨ ᠲᠡᠯᠪᠢ ᠨᠢ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠵᠢᠭᠠᠯ ᠬᠡᠦᠬᠡᠨ ᠤ ᠬᠠᠴᠠᠷ ᠰᠢᠭ᠋ | ᠳᠤᠯᠠᠯᠵᠠᠨᠠ᠃ | ᠰᠡᠳᠬᠢᠯ᠂ ᠨᠢᠳᠦ ᠰᠢᠭ ᠵᠠᠶᠢᠷᠲᠤᠪᠠ᠃ ᠮᠢᠨᠤ ᠨᠤᠲᠤᠭ ᠤᠨ ︽ᠲᠦᠷᠪᠡᠨ ᠴᠠᠭ︾ ᠳᠠᠭᠤᠤ ᠠᠶᠠ ᠡᠭᠡᠰᠢᠭ ᠲᠠᠢ | ᠪᠠᠨ ᠰᠡᠳᠬᠢᠯ ᠠᠴᠠ ᠮᠢᠨᠢ ᠤᠨᠳᠤᠷᠤᠭᠠᠳ᠂ ᠵᠢᠷᠦᠬᠡ ᠶᠢ ᠮᠢᠨᠢ ᠪᠦᠪᠡᠶᠢᠯᠡᠭᠡᠳ ᠬᠤᠯᠠ ᠶᠢᠨ ᠬᠤᠯᠠᠬᠢ ᠨᠤᠲᠤᠭ ᠤᠨ | ᠮᠢᠨᠢ ᠬᠠᠪᠤᠷ ᠤᠨ ᠰᠠᠯᠬᠢᠨ ᠲᠠᠢ ᠨᠢ ᠬᠠᠮᠲᠤ ᠪᠠᠶᠠᠰᠤᠨ ᠪᠥᠵᠢᠵᠦ ᠪᠠᠶᠢᠨᠠᠮ᠃ | ᠬᠠᠪᠤᠷ ᠤᠨ ᠴᠠᠭ ᠨᠢ ᠪᠣᠯᠣᠭᠠᠳ ᠢᠷᠡᠪᠡᠯ | ᠬᠠᠭᠳᠠ ᠨᠣᠭᠤᠭᠠ ᠨᠢ ᠬᠥᠬᠡᠷᠡᠭᠡᠳ | ᠬᠠᠪᠤᠷᠵᠢᠶᠠᠨ ᠳᠠᠭᠠᠨ ᠰᠠᠭᠤᠶᠠ ᠭᠡᠬᠦᠯᠡᠷ | ᠨᠤᠲᠤᠭ ᠮᠢᠨᠢ ᠲᠠᠷᠠᠤ | ᠭᠠᠵᠠᠷ ᠮᠢᠨᠢ ᠬᠤᠯᠠ ᠪᠠᠶᠢᠨᠠ ᠳ᠋ᠠ | ᠭᠠᠯᠭᠢᠭᠤᠯᠵᠠᠭᠠᠶᠠ ᠪᠢᠳᠠ ᠁ | | | | |