| ᠮᠦᠰᠢᠶᠡᠵᠦ ᠤᠷᠭᠤᠬᠤ ᠨᠠᠷᠠ ᠨᠢ ᠮᠥᠩᠬᠡ ᠶᠢᠨ ᠬᠤᠲᠤᠭ ᠲᠠᠢ᠂ ᠮᠣᠷᠢ ᠲᠠᠢ ᠠᠭᠤᠳᠠᠮ ᠲᠠᠯᠠ ᠨᠢ | ᠲᠣᠪᠴᠢᠶᠠᠨ ᠤ ᠨᠢᠭᠤᠴᠠ ᠲᠠᠢ ᠮᠢᠨᠤ ᠡᠬᠡ ᠣᠷᠣᠨ ᠤ ᠠᠷᠪᠠᠨ ᠰᠠᠷᠠ ᠭᠡᠵᠦ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶᠢᠨ ᠤᠶᠠᠩᠭᠠ | ᠳᠠᠭᠤᠤ ᠴᠠᠯᠭᠢᠯᠠᠭᠰᠠᠨ᠂ ᠥᠭᠡᠳᠡ ᠡᠰᠡᠷᠡᠭ᠂ ᠥᠯᠵᠡᠢ ᠵᠢᠷᠭᠠᠯ ᠲᠠᠢ᠂ ᠤᠳᠬᠠ ᠭᠦᠨᠵᠡᠭᠡᠢ ᠤᠯᠠᠷᠢᠯ ᠶᠤᠮᠰᠠᠨ᠃ | ᠬᠠᠯᠢᠭᠤᠷᠠᠭᠰᠠᠨ ᠰᠢᠰᠢ ᠶᠢᠨ ᠲᠠᠷᠢᠶᠠ ᠨᠢ ᠠᠯᠮᠤᠷᠠᠳ ᠰᠢᠭ᠋ ᠤᠯᠠᠶᠢᠲᠠᠯᠠ ᠪᠣᠯᠪᠠᠰᠤᠷᠠᠭᠠᠳ ᠬᠠᠩᠬᠤᠯᠤᠭᠰᠠᠨ | ᠦᠨᠦᠷ ᠨᠢ ᠬᠤᠩᠭᠤᠷ ᠨᠠᠮᠤᠷ ᠤᠨ ᠡᠷᠬᠡ ᠰᠠᠯᠬᠢᠨ ᠳᠤ ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠣᠪᠬᠢᠰ ᠠᠩᠬᠢᠯᠬᠤ ᠳᠤ ᠬᠠᠨᠠᠶᠢᠵᠤ | ᠰᠡᠬᠦᠶᠢᠭᠰᠡᠨ ᠪᠤᠭᠤᠷᠤᠯ ᠠᠭᠤᠯᠠᠰ ᠨᠢ ᠥᠭᠡᠳᠡ ᠪᠠᠨ ᠥᠨᠳᠡᠯᠵᠡᠭᠡᠳ ᠬᠠᠩᠭᠠᠢ ᠳᠤ ᠲᠦᠭᠡᠭᠰᠡᠨ ᠬᠦᠷᠡᠩ ᠴᠢᠯᠠᠭᠤᠳ | ᠨᠢ ᠳᠣᠲᠣᠷᠠ ᠠᠴᠠ ᠪᠠᠨ ᠭᠡᠷᠡᠯᠲᠦᠨᠡ᠃ | ᠬᠠᠳᠤᠵᠤ ᠬᠤᠷᠢᠶᠠᠬᠤ ᠮᠠᠰᠢᠨ ᠤ ᠳᠠᠭᠤᠤ᠂ ᠬᠥᠮᠥᠨ ᠵᠤᠨ ᠤ ᠬᠥᠭᠰᠡᠵᠦ ᠲᠤᠬᠳᠤᠯᠤᠬᠰᠠᠨ ᠢᠨᠢᠶᠡᠳᠦ ᠭᠦᠭ | ᠨᠡᠶᠢᠯᠡᠵᠦ ᠬᠥᠳᠡᠭᠡ ᠨᠤᠲᠤᠭ ᠠᠴᠠ ᠬᠥᠬᠡ ᠣᠭᠲᠠᠷᠭᠤᠢ ᠳᠤ ᠬᠦᠩᠭᠢᠨᠡᠬᠦ ᠪᠠᠷ ᠬᠥᠲᠥᠯ ᠪᠦᠷᠬᠦᠭᠰᠡᠨ ᠬᠤᠨᠢᠨ | ᠰᠦᠷᠦᠭ ᠤᠨ ᠢᠶᠠᠨ ᠳᠡᠷᠭᠡᠳᠡ ᠬᠥᠭᠡᠷᠦᠬᠦᠨ ᠪᠦᠰᠡᠭᠦᠢ ᠰᠠᠨᠠᠭᠠᠨ ᠤ ᠪᠠᠨ ᠠᠶᠠ ᠪᠠᠷ ᠳᠠᠭᠤᠤ ᠠᠶᠠᠯᠬᠤ ᠳᠤ ᠡᠷᠭᠢ ᠶᠢᠨ | ᠴᠤᠤᠷᠢᠶᠠ ᠠᠮᠢᠯᠠᠨ ᠲᠡᠯᠡᠷᠡᠵᠦ ᠡᠶᠡ ᠨᠠᠶᠢᠷᠰᠠᠭ ᠴᠠᠭ ᠡᠷᠢᠨ ᠤ ᠪᠡᠯᠭᠡ ᠲᠡᠮᠳᠡᠭ ᠰᠢᠭ ᠰᠡᠳᠬᠢᠯ ᠳᠤ ᠳᠠᠩᠳᠠ ᠠᠶᠠᠲᠠᠢ | ᠰᠠᠨᠠᠭᠳᠠᠨᠠ᠃ | ᠠᠭᠤᠤ ᠶᠡᠭᠡ ᠡᠬᠡ ᠣᠷᠣᠨ ᠤ ᠮᠢᠨᠢ ᠠᠷᠪᠠᠨ ᠰᠠᠷᠠ ᠢᠷᠠᠭᠤ ᠨᠠᠶᠢᠷᠠᠭ ᠰᠢᠭ᠋ ᠭᠤᠶᠤ ᠠ᠋᠃ | ᠴᠠᠭ ᠬᠤᠭᠤᠴᠠᠭᠠ ᠶᠢ ᠰᠡᠷᠭᠡᠢ ᠲᠠᠨᠢᠳᠠᠭ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ ᠨᠠᠭᠤᠷ ᠤᠨ ᠤᠰᠤᠨ ᠳᠠᠭᠠᠨ | ᠨᠤᠷᠭᠢᠯᠳᠤᠨ ᠱᠤᠩᠪᠠᠨᠠ᠃ ᠤᠳᠠᠯ ᠦᠭᠡᠢ ᠶᠡᠭᠡ ᠨᠡᠭᠦᠳᠡᠯ ᠡᠬᠢᠯᠡᠬᠦ ᠭᠡᠵᠦ ᠪᠠᠶᠢᠭᠠ ᠳᠠᠭᠠᠨ ᠵᠢᠷᠦᠬᠡᠨ ᠤ ᠪᠠᠨ | ᠦᠭᠡ ᠶᠢ ᠨᠠᠭᠤᠷ ᠲᠠᠭᠠᠨ ᠰᠢᠪᠡᠨᠡᠭᠡ ᠴᠦ ᠶᠤᠮ ᠤᠤ︖ ᠨᠠᠭᠤᠷ ᠨᠢ ᠠᠷ ᠲᠠᠳᠠᠨ ᠮᠡᠯᠮᠡᠷᠡᠨᠡ᠃ ᠤᠰᠤ ᠪᠠᠨ | ᠠᠷᠭᠠᠳᠠᠵᠤ ᠵᠢᠭᠠᠰᠤ ᠨᠢ ᠴᠣᠯᠭᠢᠨᠠ᠃ ᠬᠥᠪᠡᠭᠡᠨ ᠳᠤᠨᠢ ᠤᠷᠭᠤᠭᠰᠠᠨ ᠬᠤᠯᠤᠰᠤ ᠵᠡᠭᠡᠰᠦ ᠱᠤᠤᠭᠢᠨᠠ᠃ ᠮᠢᠨᠤ ᠡᠬᠡ | ᠣᠷᠣᠨ ᠤ ᠶᠠᠭᠤ ᠪᠦᠭᠦᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠤ ᠬᠤᠯᠪᠤᠭᠠ ᠲᠠᠢ ᠴᠦ ᠪᠢᠯᠢᠦ︖ | ᠲᠡᠷᠲᠡᠭᠡ ᠬᠥᠨᠳᠡᠢ ᠶᠢᠨ ᠶᠡᠭᠡ ᠤᠢ ᠶᠢ ᠪᠠᠷᠠᠯᠠᠬᠤ ᠳᠤ ᠠᠯᠳᠠᠨ ᠰᠢᠷᠭᠠᠯ ᠨᠠᠪᠴᠢᠰ ᠭᠠᠵᠠᠷ ᠤᠨ ᠭᠦᠨ | ᠤᠷᠤᠭᠤ ᠰᠢᠪᠠᠭᠤ ᠰᠢᠭ᠋ ᠨᠢᠰᠦᠨᠡ᠃ ︽ᠨᠠᠪᠴᠢᠰ ᠦᠨᠳᠦᠰᠦ ᠪᠠᠨ ᠬᠠᠶᠢᠵᠤ ᠡᠪᠦᠯᠵᠢᠶᠡ ᠶᠢᠨ ᠶᠢᠷᠲᠢᠨᠴᠦ ᠠᠴᠠ | ᠤᠷᠢᠨ ᠳᠤᠯᠠᠭᠠᠨ ᠴᠠᠭ ᠢ ᠤᠭᠲᠤᠬᠤ ᠭᠡᠵᠦ ᠵᠢᠳᠬᠦᠨ ᠲᠡᠮᠡᠦᠯᠵᠦ ᠪᠠᠶᠢᠭᠠ ᠴᠦ ᠶᠤᠮ ᠤᠤ︾ ᠭᠡᠵᠦ ᠰᠠᠨᠠᠬᠤ | ᠬᠤᠷᠣᠮ ᠬᠠᠷᠢ ᠤᠯᠤᠰ ᠠᠴᠠ ᠬᠡᠳᠦᠨ ᠮᠢᠩᠭᠠᠨ ᠤ ᠭᠠᠵᠠᠷ ᠢ ᠲᠣᠪᠴᠢᠯᠠᠨ ᠡᠬᠡ ᠣᠷᠣᠨ ᠳᠠᠭᠠᠨ ᠪᠤᠴᠠᠨ ᠢᠷᠡᠭᠰᠡᠨ | ᠨᠢᠭᠡᠨ ᠮᠣᠷᠢᠨ ᠤ ᠦᠯᠢᠭᠡᠷ ᠤᠢ ᠤᠬᠠᠭᠠᠨ ᠳᠤ ᠭᠢᠯᠠᠰᠬᠢᠨ ᠪᠠᠭᠤᠬᠤ ᠪᠠᠷ ︽ᠡᠬᠡ ᠣᠷᠣᠨ ᠲᠠᠢ ᠬᠥᠮᠥᠨ ᠡᠷᠬᠡ | ᠵᠢᠷᠭᠠᠯ ᠲᠠᠢ᠂ ᠡᠵᠢ ᠲᠠᠢ ᠬᠥᠮᠥᠨ ᠥᠶᠥᠭ ᠳᠤᠯᠠᠭᠠᠨ︾ ᠭᠡᠵᠦ ᠪᠢ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠳᠦᠳᠦᠨᠡᠵᠦ ᠭᠠᠷᠤᠯᠠ᠃ | | ᠠᠭᠤᠯᠵᠠᠭᠰᠠᠨ ᠬᠥᠮᠥᠨ ᠲᠠᠢ ᠳᠤᠤᠭᠠᠷᠬᠤ ᠵᠠᠪ ᠦᠭᠡᠢ᠂ ᠤᠨᠠᠭᠰᠠᠨ ᠮᠠᠯᠠᠭᠠᠢ ᠪᠠᠨ ᠠᠪᠬᠤ ᠴᠢᠯᠦᠭᠡ ᠦᠭᠡᠢ | ᠨᠠᠮᠤᠷ ᠤᠨ ᠤᠯᠠᠷᠢᠯ ᠭᠡᠵᠦ ᠶᠠᠷᠢᠳᠠᠭ ᠪᠤᠯᠪᠠᠴᠦ ᠠᠶᠢᠯ ᠬᠤᠳᠠ ᠶᠢᠨ ᠬᠢ ᠡᠬᠡ ᠤᠯᠤᠰ ᠤᠨ ᠮᠢᠨᠢ ᠮᠡᠨᠳᠦᠯᠡᠭᠰᠡᠨ | ᠠᠷᠪᠠᠨ ᠰᠠᠷᠠ ᠬᠡᠮᠡᠨ ᠬᠦᠨᠳᠦᠳᠬᠡᠨ ᠳᠡᠭᠡᠵᠢᠯᠡᠵᠦ ᠪᠠᠶᠠᠷᠯᠠᠨ ᠪᠡᠯᠭᠡᠯᠡᠨᠡ᠃ ᠲᠥᠪ ᠦᠨᠡᠨ ᠢ ᠰᠢᠲᠦᠭᠰᠡᠨ ᠮᠢᠨᠤ ᠡᠬᠡ | ᠣᠷᠣᠨ ᠬᠢᠭᠡᠳ ᠡᠶᠡ ᠵᠣᠬᠢᠴᠠᠩᠭᠤᠢ ᠠᠷᠠᠳ ᠲᠦᠮᠡᠨ ᠤ ᠬᠦᠰᠡᠯ ᠪᠤᠳᠤᠯ ᠢ ᠲᠡᠭᠷᠢ ᠠᠳᠠᠯᠠ ᠣᠶᠢᠯᠠᠭᠠᠴᠢᠬᠠᠭᠠᠳ | ᠴᠠᠭᠠᠨᠠ ᠠᠴᠠ ᠪᠠᠨ ᠬᠥᠬᠡᠷᠡᠵᠦ ᠲᠤᠶᠠᠭᠠᠷᠠᠬᠤ ᠴᠦ ᠶᠤᠮ ᠤᠤ | ᠭᠦᠨ ᠴᠡᠩᠬᠡᠷ ᠣᠭᠲᠠᠷᠭᠤᠢ ᠪᠠᠷ ᠮᠥᠩᠭᠦᠨ ᠴᠠᠭᠠᠨ ᠨᠢᠰᠬᠡᠯ ᠬᠦᠩᠭᠢᠨᠡᠵᠦ ᠭᠠᠷᠤᠨᠠ᠃ ᠡᠪᠦᠭᠡ ᠮᠢᠨᠢ | ᠤᠳᠠᠲᠠᠯᠠ ᠬᠠᠷᠠᠵᠤ ᠵᠣᠭᠰᠣᠭᠰᠠᠨ ᠢᠶᠠᠨ᠄ ︽ᠨᠢᠳᠤᠨᠤᠨ ᠪᠢ ᠨᠢᠰᠬᠡᠯ ᠳᠤ ᠰᠠᠭᠤᠵᠤ ᠪᠡᠭᠡᠵᠢᠩ ᠣᠷᠣᠭᠠᠳ ᠤᠯᠤᠰ ᠤᠨ | ᠪᠠᠶᠠᠷ ᠢ ᠤᠭᠲᠤᠭᠰᠠᠨ ᠶᠤᠮ᠃ ᠶᠠᠭᠠᠬᠢᠭᠰᠠᠨ ᠰᠠᠶᠢᠬᠠᠨ ᠪᠤᠢ︖ ᠲᠢᠶᠠᠨ ᠠᠨ ᠮᠧᠨ ᠠᠭᠤᠳᠠᠮ ᠲᠠᠯᠠᠪᠠᠢ ᠳᠤ | ᠬᠥᠮᠥᠨ ᠤ ᠲᠠᠯᠠᠢ ᠴᠡᠴᠡᠭ ᠤᠨ ᠶᠢᠷᠲᠢᠨᠴᠦ ᠭᠡᠪᠡᠯ ᠨᠢᠭᠡ ᠯᠡ ᠦᠭᠡ᠃ ᠳᠠᠭᠤᠯᠠᠵᠤ ᠪᠥᠵᠢᠭᠯᠡᠭᠡᠳ ᠶᠣᠰᠣᠲᠠᠢ ᠠᠵᠠ | ᠵᠢᠷᠭᠠᠯ ᠪᠢᠯᠬᠠᠭᠰᠠᠨ ᠠᠮᠤᠭᠤᠯᠠᠩ ᠣᠷᠣᠨ ᠭᠡᠵᠦ ᠮᠡᠳᠡ᠃ ᠠᠰᠠᠷ ᠪᠠᠷᠢᠯᠭᠠ ᠨᠢ ᠲᠡᠭᠷᠢ ᠰᠢᠭᠦᠷᠡᠵᠦ᠂ ᠶᠡᠭᠡ ᠪᠠᠭᠠ | ᠮᠠᠰᠢᠨ ᠲᠡᠷᠭᠡ ᠬᠤᠶᠢᠰᠢ ᠤᠷᠤᠭᠰᠢ ᠪᠠᠨ ᠰᠦᠯᠵᠢᠯᠳᠦᠭᠡᠳ ᠪᠢᠳᠡᠨ ᠤ ᠪᠠᠷᠠᠭᠤᠨ ᠮᠠᠩᠬᠠᠨ ᠤ ᠰᠢᠷᠭᠤᠯᠵᠢ ᠠᠴᠠ ᠴᠦ | ᠤᠯᠠᠨ᠃ ᠤᠯᠤᠰ ᠭᠡᠷ ᠤᠨ ᠬᠥᠭᠵᠢᠯ ᠢ ᠵᠦᠢᠷᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ᠃ ᠬᠥᠮᠥᠨ ᠪᠦᠭᠦᠨ ᠤ ᠴᠢᠷᠠᠢ ᠳᠤ | ᠢᠨᠢᠶᠡᠮᠰᠦᠭᠯᠡᠯ ᠲᠣᠳᠣᠷᠠᠭᠠᠳ ᠡᠶᠡ ᠵᠣᠬᠢᠴᠠᠩᠭᠤᠢ ᠭᠡᠳᠡᠭ ᠨᠢ ᠭᠠᠶᠢᠬᠠᠯᠲᠠᠢ︕ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠳᠤ ᠪᠣᠯᠤᠭᠰᠠᠨ | ᠪᠣᠯ ᠡᠪᠦᠭᠡᠨ ᠪᠢ ᠶᠠᠷᠠ ᠭᠦᠷᠦᠨᠡ ᠭᠡᠵᠦ ᠭᠤᠨᠵᠢ ᠶᠢᠨ ᠵᠣᠭᠤᠭ ᠠ᠋᠃ ᠨᠠᠮ ᠪᠠ ᠡᠬᠡ ᠣᠷᠣᠨ ᠤ ᠬᠠᠶᠢᠷᠠ ᠶᠢ | ᠨᠠᠰᠤᠨ ᠳᠠᠭᠠᠨ ᠮᠠᠷᠲᠠᠬᠤ ᠦᠭᠡᠢ᠃ ᠣᠮᠪᠣᠯᠣ ᠳᠣᠮᠪᠣᠯᠤ ᠪᠠᠨ ᠪᠢᠴᠢᠭ ᠰᠠᠶᠢᠨ ᠦᠵᠡᠭᠦᠯᠵᠦ ᠲᠦᠷᠦ ᠵᠠᠰᠠᠭ ᠲᠤ | ᠬᠡᠷᠡᠭᠴᠡᠭᠡ ᠲᠠᠢ ᠬᠥᠮᠥᠨ ᠪᠣᠯᠭᠠᠨ ᠬᠥᠮᠥᠵᠢᠭᠦᠯᠦᠨᠡ ᠁︾ ᠭᠡᠵᠦ ᠤᠷᠮᠠ ᠲᠠᠢ ᠶᠠᠷᠢᠲᠠᠯᠠ ᠬᠠᠵᠠᠭᠤ ᠳᠤᠨᠢ | ᠪᠠᠶᠢᠭᠰᠠᠨ ᠵᠡᠭᠦᠨ ᠬᠥᠷᠰᠢ ᠶᠢᠨ ᠰᠠᠴᠡᠨᠳᠦ ᠡᠪᠦᠭᠡ᠄ ︽ᠵᠠᠨᠠ ᠪᠠᠶᠠᠨ ᠤ ᠵᠠᠷᠤᠴᠠ ᠪᠠᠶᠢᠬᠤ ᠳᠠᠭᠠᠨ ᠬᠥᠨᠥᠭ ᠲᠠᠢ | ᠰᠦ ᠶᠢ ᠨᠢ ᠰᠠᠨᠠᠮᠰᠠᠷ ᠦᠭᠡᠢ ᠭᠦᠨᠳᠡᠵᠦ ᠤᠨᠠᠭᠠᠭᠠᠳ ᠡᠬᠡᠨᠡᠷ ᠲᠤᠨᠢ ᠠᠷᠠᠰᠤ ᠪᠠᠨ ᠱᠠᠭᠠᠯᠤᠭᠤᠯᠤᠭᠰᠠᠨ ᠢᠶᠠᠨ | ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ ᠤᠤ︖︾ ᠭᠡᠵᠦ ᠬᠡᠦᠬᠡᠳ ᠦᠶᠡ ᠶᠢᠨ ᠬᠢᠨᠢ ᠤᠴᠠᠷᠠᠯ ᠢ ᠳᠤᠷᠠᠳᠬᠤ ᠪᠠᠷ ᠡᠪᠦᠭᠡ ᠮᠢᠨᠢ | ᠬᠠᠳᠠᠭᠠᠨᠠᠲᠠᠯᠠ ᠢᠨᠢᠶᠡᠭᠡᠳ᠄ ︽ᠶᠠᠭᠤᠨ ᠳᠤ ᠮᠠᠷᠲᠠᠬᠤ ᠶᠤᠮ ᠪᠤᠢ︖ᠡᠷᠭᠢᠴᠡᠭᠦᠯᠬᠦ ᠪᠠᠷ ᠶᠠᠰᠤ ᠱᠠᠷᠬᠢᠷᠠᠭᠠᠳ︾ | ᠭᠡᠰᠡᠨ ᠢᠶᠠᠨ᠄ ︽ᠬᠠᠷᠠᠩᠭᠤᠢ ᠴᠠᠭ ᠭᠡᠵᠦ ᠲᠠᠮᠤ ᠶᠢᠨ ᠣᠷᠣᠨ ᠥᠭᠡᠷᠡ ᠤᠤ ᠳ᠋ᠠ︖ ᠡᠷᠬᠡ ᠴᠢᠯᠦᠭᠡᠲᠦ ᠤᠳᠤ | ᠦᠶᠡ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠲᠡᠭᠷᠢ ᠭᠠᠵᠠᠷ ᠤᠨ ᠵᠥᠷᠢᠶᠡ ᠲᠠᠢ ᠁︾ ᠬᠡᠮᠡᠨ ᠪᠠᠭᠠ ᠶᠢᠨ ᠦᠶᠡ ᠳᠤ | ᠴᠣᠬᠢᠭᠳᠠᠭᠰᠠᠨ ᠪᠠᠷᠠᠭᠤᠨ ᠮᠥᠷᠥᠨ ᠤ ᠰᠢᠷᠬᠠ ᠪᠠᠨ ᠲᠡᠮᠲᠡᠷᠬᠢᠯᠡᠲᠡᠯᠡ ᠰᠡᠴᠡᠨᠳᠦ ᠡᠪᠦᠭᠡ ᠰᠡᠳᠬᠢᠯ ᠢ ᠨᠢ | ᠵᠣᠪᠠᠭᠠᠬᠤ ᠠᠴᠠ ᠬᠢᠴᠢᠶᠡᠵᠦ᠄︽ᠱᠠᠩᠬᠠᠢ ᠶᠢᠨ ᠥᠨᠳᠥᠷ ᠠᠰᠠᠷ ᠢ ᠥᠯᠢᠢᠵᠦ ᠬᠠᠷᠠᠭᠠᠳ ᠮᠠᠯᠠᠭᠠᠢ ᠪᠠᠨ ᠤᠰᠤᠨ ᠳᠤ | ᠤᠨᠠᠭᠠᠭᠰᠠᠨ ᠢᠶᠠᠨ ᠪᠤᠳᠤᠪᠠᠯ ᠢᠨᠢᠶᠡᠳᠦ ᠴᠢᠨᠢ ᠬᠦᠷᠬᠦ ᠦᠭᠡᠢ ᠤᠤ︖︾ ᠬᠡᠮᠡᠨ ᠦᠭᠡ ᠶᠢᠨ ᠵᠢᠯᠣᠭᠤ ᠪᠠᠨ | ᠡᠷᠭᠢᠭᠦᠯᠪᠡ᠃ | ︽ᠰᠠᠴᠡᠨᠳᠤ ᠳᠡᠭᠦᠦᠳᠡᠢ ᠮᠢᠨᠢ᠂ ᠠᠮᠢᠳᠤ ᠶᠠᠪᠤᠪᠠᠯ ᠠᠯᠳᠠᠨ ᠠᠶᠠᠭᠠᠨ ᠠᠴᠠ ᠤᠰᠤ ᠤᠤᠭᠤᠨᠠ ᠭᠡᠵᠦ ᠲᠠᠷᠡ ᠠ᠋᠃ | ᠡᠬᠡ ᠣᠷᠣᠨ ᠤ ᠪᠠᠨ ᠬᠥᠭᠵᠢᠯ ᠬᠤᠪᠢᠷᠠᠯ ᠢ ᠨᠢᠳᠦ ᠪᠠᠷ ᠢᠶᠠᠨ ᠦᠵᠡᠵᠦ ᠰᠡᠳᠬᠢᠯ ᠲᠡᠨᠢᠭᠦᠨ ᠶᠠᠪᠤᠨᠠ ᠭᠡᠭᠴᠢ ᠪᠢᠳᠡ | ᠬᠤᠶᠠᠷ ᠲᠤ ᠥᠭᠡᠷᠡ ᠶᠠᠮᠠᠷ ᠵᠢᠷᠭᠠᠯ ᠪᠠᠶᠢᠬᠤ ᠪᠤᠢ︖ ᠡᠪ ᠬᠠᠮᠲᠤ ᠨᠠᠮ ᠪᠠᠶᠢᠭᠰᠠᠨ ᠳᠠᠭᠠᠨ ᠲᠦᠷᠦ ᠮᠢᠨᠢ ᠪᠠᠶᠢᠨᠠ᠃ | ᠲᠠᠪᠢᠨ ᠵᠢᠷᠭᠤᠭᠠᠨ ᠦᠨᠳᠦᠰᠦᠲᠡᠨ ᠲᠦᠪᠰᠢᠨ ᠠᠮᠤᠭᠤᠯᠠᠩ ᠪᠠᠶᠢᠨᠠ ᠁︾ ᠭᠡᠵᠦ ᠬᠤᠶᠠᠷ ᠡᠪᠦᠭᠡ ᠶᠢᠨ ᠶᠠᠷᠢᠶᠠ | ᠦᠷᠭᠦᠯᠵᠢᠯᠡᠨᠡ᠃ | ︽ᠮᠠᠨ ᠤ ᠵᠠᠯᠠᠭᠤ ᠦᠶᠡ ᠲᠠᠢ ᠠᠳᠠᠯᠢᠳᠬᠠᠪᠠᠯ ᠤᠳᠤ ᠶᠢᠨ ᠬᠡᠦᠬᠡᠳ ᠶᠠᠭᠠᠬᠢᠭᠰᠠᠨ ᠪᠤᠶᠠᠨ ᠲᠠᠢ ᠪᠤᠢ︖ | ᠲᠠᠷᠢᠶᠠ ᠤᠷᠤᠭᠤᠯᠬᠤ ᠠᠴᠠ ᠮᠠᠰᠢᠨ᠂ ᠭᠠᠳᠠᠭᠰᠢ ᠭᠠᠷᠬᠤ ᠳᠤ ᠮᠠᠰᠢᠨ᠃ ᠬᠤᠭᠤᠯᠠ ᠪᠤᠳᠠᠭᠠ ᠪᠡᠯᠡᠳᠬᠡᠬᠦ ᠳᠤ | ᠴᠠᠭᠢᠯᠭᠠᠨ ᠲᠣᠭᠤᠭᠠ᠂ ᠬᠠᠷᠢᠯᠴᠠᠨ ᠵᠣᠭᠤᠭᠳᠠᠬᠤ ᠠᠴᠠ ᠭᠠᠷ ᠤᠲᠠᠰᠤ ᠁︾ ᠭᠡᠵᠦ ᠡᠮᠡᠭᠡ ᠵᠡᠭᠦᠨ ᠠᠶᠢᠯ ᠤᠨ | ᠵᠢᠩᠶᠡᠷᠮᠡ ᠡᠮᠡᠭᠡ ᠲᠠᠢ ᠠᠭᠤᠯᠵᠠᠬᠤ ᠪᠣᠯᠭᠠᠨ ᠰᠡᠳᠬᠢᠯ ᠢᠶᠠᠨ ᠠᠭᠤᠵᠢᠷᠠᠲᠠᠯᠠ ᠶᠠᠷᠢᠯᠴᠠᠨᠠ᠃ | ᠥᠭᠡᠳᠡ ᠡᠰᠡᠷᠡᠭ ᠠᠷᠪᠠᠨ ᠰᠠᠷᠠ ᠭᠡᠵᠦ ᠦᠨᠡᠬᠡᠷ ᠭᠦᠷ ᠬᠥᠭᠵᠢᠶᠡᠨ ᠲᠠᠢ᠂ ᠬᠥᠭᠵᠢᠯ ᠪᠠᠶᠠᠰᠤᠯ ᠲᠠᠢ ᠴᠠᠭ | ᠮᠥᠴᠡ ᠪᠠᠶᠢᠵᠤ ᠳ᠋ᠠ᠃ᠦᠳᠡᠰᠢ ᠶᠢᠨ ᠬᠥᠰᠢᠭᠡ ᠪᠠᠭᠤᠬᠤ ᠪᠠᠷ ᠠᠶᠢᠯ ᠪᠣᠯᠭᠠᠨ ᠤ ᠪᠡᠶᠡ ᠪᠣᠯᠪᠠᠰᠤᠷᠠᠬᠤ ᠶᠡᠭᠡ | ᠲᠠᠯᠠᠪᠠᠢ ᠳᠤ ᠨᠠᠷᠠᠨ ᠡᠨᠧᠷᠭᠢ ᠶᠢᠨ ᠴᠠᠭᠢᠯᠭᠠᠨ ᠳ᠋ᠧᠩ ᠳᠤᠸᠠᠯᠠᠭᠠᠳ ᠬᠥᠭᠰᠢᠨ ᠨᠠᠰᠤᠲᠠᠳ ᠠᠴᠠ ᠬᠥᠭᠡᠷᠦᠬᠦᠨ | ᠪᠠᠭᠠᠴᠤᠳ ᠭᠦᠷᠳᠡᠯᠡ ᠬᠤᠷᠠᠵᠤ ᠴᠤᠭᠯᠠᠷᠠᠭᠠᠳ ᠳᠠᠭᠤᠯᠠᠬᠤ ᠨᠢ ᠳᠠᠭᠤᠯᠠᠵᠤ᠂ ᠪᠥᠵᠢᠭᠯᠡᠬᠦ ᠨᠢ ᠪᠥᠵᠢᠭᠯᠡᠭᠡᠳ᠂ ᠪᠡᠶᠡ | ᠪᠣᠯᠪᠠᠰᠤᠷᠠᠬᠤ ᠨᠢ ᠪᠣᠯᠪᠠᠰᠤᠷᠠᠭᠠᠳ ᠬᠤᠳᠠ ᠶᠢᠨ ᠦᠵᠡᠮᠵᠢᠲᠦ ᠴᠡᠴᠡᠷᠯᠢᠭ ᠠᠴᠠ ᠳᠣᠣᠷᠠᠳᠠᠬᠤ ᠦᠭᠡᠢ ᠬᠥᠭᠵᠢᠶᠡᠨ | ᠨᠠᠷᠭᠢᠶᠠᠨ᠂ ᠭᠦᠷ ᠪᠠᠶᠠᠷ ᠲᠠᠢ ᠭᠡᠳᠡᠭ ᠨᠢ᠃ | ᠰᠢᠨᠡ ᠬᠥᠳᠡᠭᠡ ᠶᠢ ᠬᠤᠭᠤᠷᠣᠨᠳᠤ ᠨᠢ ᠬᠤᠯᠪᠣᠭᠰᠠᠨ ᠱᠦᠢᠨᠢ ᠶᠢᠨ ᠵᠠᠮ ᠤᠨ ᠬᠤᠶᠠᠷ ᠲᠠᠯᠠ ᠶᠢᠨ ᠳ᠋ᠧᠩ | ᠦᠳᠡᠰᠢ ᠶᠢᠨ ᠭᠦᠨ ᠢᠶᠠᠷ ᠭᠡᠷᠡᠯᠳᠦᠨ ᠰᠠᠴᠤᠷᠠᠭᠠᠳ ᠡᠳᠦᠷ ᠮᠡᠲᠦ ᠲᠤᠩᠭᠠᠯᠠᠭ ᠠᠵᠢ᠃ ᠲᠡᠷᠭᠡ ᠬᠥᠰᠬᠡ | ᠵᠥᠷᠢᠯᠳᠦᠵᠦ ᠬᠥᠮᠥᠨ ᠤ ᠬᠥᠯ ᠤᠨ ᠴᠢᠮᠡᠭᠡ ᠬᠠᠷᠠᠩᠭᠤᠢ ᠶᠢ ᠦᠷᠭᠦᠭᠡᠵᠦ ᠰᠠᠶᠢᠬᠠᠨ ᠵᠡᠭᠦᠳᠦ ᠶᠢ ᠮᠢᠨᠢ | ᠲᠡᠷᠭᠡᠯᠰᠢᠭᠦᠯᠦᠨᠡ᠃ | ᠠᠮᠢᠳᠤᠷᠠᠯ ᠤᠨ ᠲᠦᠪᠰᠢᠨ ᠳᠡᠭᠡᠭᠰᠢᠯᠡᠬᠦ ᠶᠢ ᠳᠠᠭᠠᠯᠳᠤᠨ ᠬᠥᠮᠥᠨ ᠵᠤᠨ ᠤ ᠦᠵᠡᠯ ᠤᠬᠠᠮᠰᠠᠷ ᠴᠦ ᠲᠠᠪᠰᠢᠨᠠ᠃ | ᠬᠡᠨ ᠠᠯᠢᠨ ᠢᠶᠠᠨ ᠬᠠᠪᠰᠤᠷᠴᠤ ᠳᠡᠮᠵᠢᠬᠦ᠂ ᠲᠡᠳᠬᠦᠵᠦ ᠲᠤᠰᠠᠯᠠᠬᠤ ᠪᠠᠷ ᠠᠮᠢ ᠨᠠᠰᠤᠨ ᠤ ᠦᠨᠡ ᠦᠷᠳᠡᠭ ᠢᠶᠠᠨ | ᠪᠠᠳᠠᠷᠠᠭᠤᠯᠵᠤ ᠴᠢᠳᠠᠨᠠ ᠭᠡᠳᠡᠭ ᠢ ᠬᠥᠮᠥᠰ ᠲᠣᠳᠣ ᠲᠠᠨᠢᠵᠤ᠂ ᠥᠪᠡᠷ ᠥᠪᠡᠷ ᠤᠨ ᠬᠦᠴᠦᠨ ᠴᠢᠳᠠᠯ᠂ ᠠᠪᠢᠶᠠᠰ | ᠪᠢᠯᠢᠭ ᠢᠶᠠᠨ ᠰᠣᠷᠢᠨᠠ᠃ ᠭᠡᠬᠦ ᠳᠡᠭᠡᠨ ᠰᠢᠨᠡ ᠬᠥᠳᠡᠭᠡ ᠠᠴᠠ ᠡᠬᠢᠯᠡᠭᠡᠳ ᠬᠥᠭᠵᠢᠭᠰᠡᠨ ᠬᠤᠳᠠ ᠭᠦᠷᠳᠡᠯᠡ ᠡᠶᠡ | ᠡᠪ ᠲᠠᠢ᠂ ᠡᠯᠢᠭᠡᠰᠡᠭ ᠳᠣᠲᠣᠨᠣᠰᠤᠭ ᠠᠵᠤ ᠲᠦᠷᠦᠵᠦ ︽ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠠᠨ ᠨᠢᠭᠡ ᠭᠡᠷ ᠪᠦᠯᠢ︾ ᠭᠡᠳᠡᠭ | ᠰᠡᠳᠬᠢᠯ ᠤᠨ ᠦᠭᠡ ᠨᠢ ᠳᠡᠯᠡᠬᠡᠢ ᠶᠢᠨ ᠠᠩᠬᠠᠷᠤᠯ ᠢ ᠲᠠᠲᠠᠨᠠ᠃ ᠠᠷᠪᠠᠨ ᠰᠠᠷᠠ ᠣᠷᠣᠭᠰᠠᠨ ᠠᠴᠠ ᠨᠠᠭᠠᠰᠢ ᠠᠪᠤ | ᠮᠢᠨᠢ ᠬᠡᠨ ᠠᠴᠠ ᠴᠦ ᠡᠷᠲᠡ ᠪᠣᠰᠴᠤ᠂ ᠭᠠᠴᠠᠭᠠ ᠶᠢᠨ ᠠᠯᠪᠠᠨ ᠭᠡᠷ ᠲᠡᠶᠢᠰᠢ ᠬᠠᠷᠠᠵᠤ ᠬᠤᠩᠭᠤᠷ ᠨᠠᠮᠤᠷ ᠤᠨ | ᠵᠢᠪᠠᠷ ᠲᠤ ᠨᠠᠮᠢᠷᠠᠨ ᠮᠠᠨᠳᠤᠬᠤ ᠤᠯᠤᠰ ᠤᠨ ᠲᠤᠭ ᠲᠤ ᠮᠡᠬᠦᠶᠢᠨ ᠶᠣᠰᠣᠯᠠᠬᠤ ᠶᠢᠨ ᠳᠠᠭᠠᠤ ᠤᠷᠤᠭᠤᠯ ᠨᠢ ᠣᠪᠣᠷ | ᠲᠤᠪᠤᠷ ᠬᠥᠳᠡᠯᠦᠨᠡ᠃ ᠡᠬᠡ ᠣᠷᠣᠨ ᠳᠠᠭᠠᠨ ᠦᠨᠡᠨᠴᠢ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠵᠦ ᠪᠠᠶᠢᠭᠠ ᠨᠢ ᠢᠯᠡᠷᠬᠡᠢ᠃ ᠡᠨᠡ | ᠥᠷᠯᠥᠭᠡ ᠮᠥᠨ ᠴᠦ ᠵᠤᠷᠰᠢᠯ ᠶᠣᠰᠣᠭᠠᠷ ᠢᠶᠠᠨ ᠪᠣᠰᠣᠭᠠᠳ ᠤᠷᠭᠤᠨ ᠰᠠᠴᠤᠷᠠᠬᠤ ᠤᠯᠤᠰ ᠤᠨ ᠲᠤᠭ ᠵᠦᠭ | ᠬᠠᠷᠠᠵᠤ ᠮᠡᠬᠦᠶᠢᠨ ᠶᠣᠰᠣᠯᠠᠬᠤ ᠳᠤ ᠡᠵᠢ ᠮᠢᠨᠢ ᠠᠷᠤ ᠠᠴᠠ ᠨᠢ ᠬᠠᠷᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ ︽ᠠᠷᠪᠠᠨ ᠰᠠᠷᠠ | ᠰᠠᠭᠠᠲᠠᠬᠤ ᠪᠣᠯᠭᠠᠨ ᠠᠪᠤ ᠶᠢᠨ ᠴᠢᠨᠢ ᠰᠦᠵᠢᠭ ᠨᠡᠮᠡᠭᠳᠡᠳᠡᠭ ᠶᠤᠮ᠃ ᠪᠤᠷᠬᠠᠨ ᠰᠢᠲᠦᠬᠦ ᠦᠭᠡᠢ ᠴᠦ ᠨᠠᠮ᠂ ᠡᠬᠡ | ᠤᠯᠤᠰ ᠢᠶᠠᠨ ᠰᠢᠲᠦᠨᠡ ᠭᠡᠳᠡᠭ ᠠᠪᠤ ᠶᠢᠨ ᠴᠢᠨᠢ ᠠᠷᠠᠨᠰᠢᠨ︾ ᠭᠡᠵᠦ ᠬᠤᠭᠤᠯᠠ ᠴᠠᠢ ᠪᠠᠨ ᠲᠥᠬᠦᠭᠡᠷᠴᠢᠬᠡᠭᠡᠳ ︽ᠬᠡ᠂ | ᠬᠡ ᠁︾ ᠢᠨᠢᠶᠡᠨᠡ᠃ ᠡᠨᠡ ᠦᠶᠡ ᠳᠤ ᠡᠮᠡᠭᠡ ᠮᠢᠨᠢ ᠡᠵᠢ ᠶᠢᠨ ᠦᠭᠡ ᠡᠯᠭᠦᠨ ︽ᠨᠠᠮ ᠲᠦᠷᠦ ᠬᠤᠶᠠᠷ | ᠪᠠᠶᠢᠬᠤ ᠳᠠᠭᠠᠨ ᠰᠠᠶ᠋ᠢ ᠪᠢᠳᠡ ᠡᠷᠬᠡ ᠴᠢᠯᠦᠭᠡ ᠲᠠᠢ ᠠᠮᠢᠳᠤᠷᠠᠵᠤ ᠣᠷᠣᠰᠢᠳᠠᠭ ᠪᠢᠰᠢᠦ︖︾ ᠭᠡᠵᠦ ᠥᠪᠡᠷ ᠤᠨ | ᠬᠢ ᠪᠠᠨ ᠶᠠᠷᠢᠨᠠ᠃ ᠲᠡᠶᠢᠮᠦ ᠠ᠋᠂ ᠲᠠᠪᠤᠨ ᠣᠳᠣᠲᠤ ᠤᠯᠤᠰ ᠤᠨ ᠲᠤᠭ ᠢᠶᠠᠨ ᠬᠠᠷᠠᠬᠤ ᠪᠣᠯᠭᠠᠨ ᠮᠢᠨᠤ ᠵᠢᠷᠦᠬᠡ | ᠳᠣᠭᠳᠣᠯᠵᠤ᠂ ᠬᠠᠮᠤᠭ ᠪᠡᠶᠡ ᠬᠥᠩᠭᠡᠷᠡᠭᠡᠳ ᠬᠡᠶᠢᠮᠣᠷᠢ ᠮᠠᠨᠳᠤᠭᠰᠠᠨ ᠰᠢᠭ᠋ ᠪᠤᠳᠤᠬᠳᠠᠨᠠ᠃ | ︽ᠲᠦᠷᠦ ᠶᠢᠨ ᠮᠢᠨᠢ ᠲᠤᠭ᠂ ᠲᠦᠮᠡᠨ ᠤ ᠮᠢᠨᠢ ᠲᠦᠰᠢᠭ᠃ ᠨᠠᠮᠢᠷᠠᠬᠤ ᠪᠠᠷ ᠨᠠᠷᠠ ᠲᠤᠶᠠᠭᠠᠷᠠᠵᠤ᠂ ᠨᠠᠶᠢᠷᠠᠮᠳᠠᠭᠤ | ᠣᠷᠣᠰᠢᠬᠤᠢ ᠶᠢᠨ ᠵᠦᠩ ᠰᠤᠪᠢᠩ ᠪᠠᠭᠤᠨᠠ︾ ᠭᠡᠵᠦ ᠪᠢ ᠪᠠᠶᠠᠨ ᠲᠠᠩᠰᠤᠭ ᠨᠠᠮᠤᠷ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ | ᠲᠡᠭᠷᠢ ᠶᠢ ᠪᠠᠷᠠᠯᠠᠬᠤ ᠳᠤ ᠰᠡᠳᠬᠢᠯ ᠳᠣᠲᠣᠷᠠ ᠠᠮᠤᠭᠤᠯᠠᠩ ᠲᠦᠷᠦ ᠶᠢᠨ ᠲᠠᠪᠤᠨ ᠣᠳᠣᠲᠤ ᠤᠯᠠᠭᠠᠨ ᠲᠤᠭ ᠪᠣᠯᠵᠤ | ᠭᠡᠷᠡᠯᠳᠦᠨ ᠰᠠᠴᠤᠷᠠᠨᠠ ᠁ | ᠠᠷᠪᠠᠨ ᠰᠠᠷᠠ - ᠲᠡᠦᠬᠡ ᠶᠢᠨ ᠭᠡᠷᠡᠯ ᠭᠢᠯᠪᠠᠭᠠ᠂ ᠲᠤᠶᠠᠭᠠ ᠲᠠᠲᠠᠭᠰᠠᠨ ᠪᠠᠶᠠᠷ ᠤᠨ ᠴᠢᠷᠠᠢ᠂ ᠲᠥᠪᠯᠡᠷᠡᠵᠦ | ᠨᠢᠭᠲᠠᠷᠠᠬᠤ ᠶᠢᠨ ᠲᠤᠩᠭᠠᠯᠠᠭ ᠤᠬᠠᠭᠠᠨ᠂ ᠲᠡᠮᠡᠦᠯᠵᠦ ᠬᠦᠷᠬᠦ ᠢᠷᠡᠭᠡᠳᠦᠢ ᠶᠢᠨ ᠠᠯᠳᠠᠨ ᠵᠢᠭᠦᠷ ᠠ᠋︕ | | | | |