| ᠡᠪᠦᠯ ᠤᠨ ᠠᠩᠬᠠᠨ ᠤ ᠴᠠᠰᠤ ᠤᠨᠠᠭᠰᠠᠨ ᠡᠳᠦᠷ ᠴᠠᠰᠤ ᠰᠢᠭ᠋ ᠴᠠᠭᠠᠬᠠᠨ᠂ ᠴᠠᠰᠤ ᠰᠢᠭ᠋ ᠵᠥᠭᠡᠯᠡᠬᠡᠨ | ᠬᠥᠮᠥᠨ ᠤ ᠰᠡᠳᠬᠢᠯ ᠢ ᠳᠠᠭᠢᠨ ᠨᠢᠭᠡ ᠤᠳᠠᠭᠠ ᠣᠯᠵᠤ ᠬᠠᠷᠠᠭᠰᠠᠨ ᠪᠢᠯᠡ᠃ | ᠡᠨᠡ ᠡᠳᠦᠷ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠭᠠᠳ ᠸᠠᠩ ᠡᠭᠡᠴᠢ ᠶᠢᠨ ᠳᠤ ᠬᠦᠷᠬᠦ ᠪᠠᠷ ᠪᠣᠯᠤᠭᠰᠠᠨ ᠶᠤᠮ᠃ | ᠵᠠᠮ ᠳᠠᠭᠠᠨ ᠸᠠᠩ ᠡᠭᠡᠴᠢ ᠲᠠᠢ ᠬᠤᠶᠠᠭᠤᠯᠠ ᠨᠣᠭᠤᠭᠠ ᠶᠢᠨ ᠵᠠᠬᠠ ᠪᠠᠷ ᠳᠠᠭᠠᠷᠢᠬᠤ ᠪᠠᠷ ᠪᠣᠯᠪᠠ᠃ ᠲᠡᠷᠭᠡ | ᠵᠣᠭᠰᠤᠭᠠᠬᠤ ᠪᠠᠶᠢᠷᠢ ᠣᠯᠬᠤ ᠦᠭᠡᠢ ᠨᠣᠭᠤᠭᠠ ᠶᠢᠨ ᠵᠠᠬᠠ ᠪᠣᠯᠬᠤᠷ ᠵᠠᠮ ᠤᠨ ᠳᠦᠷᠢᠮ ᠭᠤᠷᠢᠮ ᠴᠦ ᠠᠯᠠᠭᠠ᠃ | ᠮᠠᠰᠢᠨ ᠲᠠᠢ ᠨᠢ ᠶᠠᠭᠠᠬᠢᠬᠤ ᠳᠤᠷᠠ ᠲᠠᠢ ᠪᠣᠯ ᠵᠣᠷᠢᠭ ᠢᠶᠠᠷ ᠢᠶᠠᠨ ᠵᠣᠳᠣᠵᠤ ᠪᠠᠶᠢᠬᠤ ᠨᠢ᠃ ᠸᠠᠩ ᠡᠭᠡᠴᠢ ᠭᠤᠶᠤ | ᠮᠠᠰᠢᠨ ᠢᠶᠠᠨ ᠰᠦᠯᠵᠢᠯᠳᠦᠭᠰᠡᠨ ᠬᠥᠮᠥᠨ ᠤᠯᠠᠨ ᠤ ᠤᠷᠤᠰᠬᠠᠯ ᠳᠤᠮᠳᠠᠭᠤᠷ ᠨᠠᠭᠠᠰᠢ ᠴᠠᠭᠠᠰᠢ ᠨᠡᠯᠢᠶᠡᠳ | ᠶᠤᠭᠤᠭᠤᠯᠵᠤ ᠪᠠᠶᠢᠵᠤ ᠳᠥᠩᠭᠡᠵᠢ ᠨᠢᠭᠡ ᠪᠠᠶᠢᠷᠢ ᠣᠯᠵᠤ ᠬᠤᠶᠠᠭᠤᠯᠠ ᠲᠡᠷᠭᠡᠨ ᠠᠴᠠ ᠪᠠᠭᠤᠪᠠ᠃ | ᠪᠦᠭᠦᠶᠢᠯᠡ ᠨᠣᠭᠤᠭᠠ ᠶᠢᠨ ᠳᠡᠯᠭᠡᠰᠢ ᠬᠤᠳᠠᠯᠳᠤᠭᠠ ᠶᠢ ᠪᠠᠷᠤᠭ ᠪᠦᠷ ᠥᠩᠭᠡᠷᠡᠵᠦ ᠬᠠᠮᠤᠭ ᠳᠣᠲᠣᠷ | ᠵᠠᠬᠠ ᠶᠢᠨ ᠬᠥᠭᠰᠢᠨ ᠤ ᠡᠮᠦᠨᠡ ᠬᠦᠷᠴᠦ ᠢᠷᠡᠳᠡᠯᠡ ᠥᠨᠳᠥᠷ ᠦᠰᠦᠭᠡᠢ ᠲᠠᠢ ᠱᠠᠬᠠᠢ ᠡᠮᠦᠰᠦᠭᠰᠡᠨ ᠪᠢ ᠡᠶᠢᠮᠦ | ᠴᠠᠰᠤᠨ ᠳᠤ ᠡᠩᠬᠦᠯ ᠳᠤᠩᠬᠤᠯ ᠵᠠᠮ ᠢᠶᠠᠷ ᠡᠳᠦᠢ ᠬᠤᠯᠠ ᠠᠯᠬᠤᠭᠰᠠᠨ ᠳᠠᠭᠠᠨ ᠭᠠᠰᠢᠭᠤ ᠳᠠᠭᠤ ᠳᠠᠯᠪᠢᠬᠤ ᠳᠤ | ᠳᠥᠬᠦᠵᠦ ᠪᠢᠯᠡ᠃ | ᠨᠣᠭᠤᠭᠠ ᠴᠠᠭᠠ ᠪᠠᠨ ᠠᠪᠴᠤ ᠲᠡᠷᠭᠡᠨ ᠳᠤᠨᠢ ᠭᠠᠷᠴᠤ ᠰᠠᠭᠤᠬᠤ ᠳᠠᠭᠠᠨ ᠶᠠᠭᠠᠬᠢᠭᠠᠳ ᠵᠠᠪᠠᠯ ᠳᠡᠷᠡ | ᠬᠥᠭᠰᠢᠨ ᠤ ᠨᠣᠭᠤᠭᠠ ᠶᠢ ᠠᠪᠳᠠᠭ ᠢ ᠨᠢ ᠸᠠᠩ ᠡᠭᠡᠴᠢ ᠠᠴᠠ ᠠᠰᠠᠭᠤᠪᠠ᠃ | ᠳᠥᠷᠥᠭᠦᠥ ᠬᠤᠶᠠᠷ ᠤᠳᠠᠭᠠ ᠴᠦ ᠨᠠᠳᠠ ᠲᠠᠢ ᠬᠠᠮᠲᠤ ᠪᠦᠷ ᠯᠡ ᠲᠡᠷᠡ ᠬᠥᠭᠰᠢᠨ ᠠᠴᠠ ᠨᠣᠭᠤᠭᠠ | ᠠᠪᠤᠭᠰᠠᠨ ᠢ ᠨᠢ ᠪᠢ ᠰᠠᠨᠠᠵᠤ ᠣᠯᠣᠭᠰᠠᠨ ᠶᠤᠮ᠃ | ᠸᠠᠩ ᠡᠭᠡᠴᠢ ᠢᠨᠢᠶᠡᠭᠡᠳ᠄︽ᠵᠣᠬᠢᠶᠠᠯ ᠪᠢᠴᠢᠳᠡᠭ ᠬᠥᠮᠥᠨ ᠪᠣᠯᠬᠤᠷ ᠬᠠᠰᠢᠯᠠ ᠥᠭᠡᠷᠡ᠂ ᠶᠠᠭᠤᠮᠠᠨ ᠳᠤ | ᠠᠵᠢᠭᠴᠢ ᠰᠣᠨᠢᠭᠤᠴᠢ ᠪᠠᠶᠢᠨᠠ᠃ ᠮᠠᠨ ᠤ ᠬᠠᠮᠲᠤ ᠠᠵᠢᠯᠯᠠᠭᠴᠢ ᠲᠠᠨᠢᠳᠠᠭ ᠬᠥᠮᠥᠨ ᠲᠠᠢ ᠴᠤᠭ ᠣᠯᠠᠨᠲᠠ ᠢᠷᠡᠭᠰᠡᠨ | ᠴᠦ ᠬᠡᠨ ᠨᠢ ᠴᠦ ᠢᠩᠭᠢᠵᠦ ᠠᠰᠠᠭᠤᠵᠤ ᠪᠠᠶᠢᠭᠠ ᠦᠭᠡᠢ︾ ᠭᠡᠳ ᠲᠡᠷᠡ ᠬᠥᠭᠰᠢᠨ ᠠᠴᠠ ᠨᠣᠭᠤᠭᠠ ᠠᠪᠳᠠᠭ | ᠦᠯᠢᠭᠡᠷ ᠢᠶᠠᠨ ᠶᠠᠷᠢᠵᠤ ᠪᠢᠯᠡ᠃ | - ᠤᠤᠯ ᠨᠢ ᠪᠢ ᠴᠦ ᠲᠡᠷᠡ ᠬᠥᠭᠰᠢᠨ ᠢ ᠤᠪᠠᠶᠢᠯᠠᠵᠤ ᠪᠠᠶᠢᠭᠠ ᠦᠭᠡᠢ᠃ ᠡᠩ ᠤᠨ ᠨᠣᠭᠤᠭᠠ | ᠬᠤᠳᠠᠯᠳᠤᠳᠠᠭ ᠯᠡ ᠬᠥᠮᠥᠨ ᠰᠢᠳᠡ᠃ ᠬᠠᠷᠢᠨ ᠨᠢᠭᠡ ᠤᠳᠠᠭᠠ ᠨᠥᠭᠦᠭᠡ ᠬᠥᠭᠰᠢᠨ᠂ ᠬᠠᠭᠤᠷᠮᠠᠭ ᠵᠠᠭᠤᠨ ᠵᠣᠭᠤᠰ | ᠣᠯᠴᠢᠬᠠᠭᠠᠳ ᠤᠬᠢᠯᠠᠵᠤ ᠪᠠᠶᠢᠭᠰᠠᠨ ᠲᠠᠢ ᠳᠠᠭᠠᠷᠠᠵᠠᠢ᠃ ᠬᠥᠭᠰᠢᠨ ᠨᠢᠭᠡ ᠲᠠᠯᠠ ᠪᠠᠷ ᠤᠬᠢᠯᠠᠵᠤ ᠥᠭᠡᠯᠡᠵᠦ ᠨᠥᠭᠦᠭᠡ | ᠲᠠᠯᠠ ᠪᠠᠷ ᠥᠨᠥ ᠵᠠᠭᠤᠨ ᠳᠡᠪᠢᠰᠬᠡᠷᠲᠦ ᠶᠢ ᠦᠢᠷᠡᠮᠡᠭ ᠪᠤᠯᠳᠠᠯᠠ ᠤᠷᠠᠵᠤ ᠤᠷᠭᠢᠵᠤ ᠪᠠᠶᠢᠯᠠ᠃ ᠬᠠᠵᠠᠭᠤ ᠳᠤᠨᠢ ᠨᠢᠭᠡ | ᠵᠠᠯᠠᠭᠤᠪᠲᠤᠷ ᠪᠦᠰᠡᠭᠦᠢ᠂ ᠬᠥᠭᠰᠢᠨ ᠢ ᠵᠢᠮᠡᠯᠡᠨ ᠪᠤᠷᠤᠭᠤᠰᠢᠶᠠᠵᠤ ︽ᠪᠢᠲᠡᠭᠡᠢ ᠤᠷᠠᠵᠤ ᠤᠷᠭᠢ ᠭᠡᠬᠦ ᠳᠤ ᠬᠥᠮᠥᠨ ᠤ | ᠢᠳᠬᠠᠯ ᠢ ᠰᠤᠨᠤᠰᠬᠤ ᠦᠭᠡᠢ᠃ ᠴᠢᠨᠦ ᠡᠨᠡ ᠬᠥᠮᠥᠨ ᠶᠠᠭᠠᠬᠢᠭᠰᠠᠨ ᠵᠥᠷᠢᠭᠦᠳ ᠶᠤᠮ᠃ ᠮᠥᠨ ᠡᠭᠡᠭᠡ ᠠᠳᠠᠯᠢ | ᠵᠠᠷᠤᠵᠤ ᠲᠡᠶᠢᠯᠥᠨᠡ᠃ ᠪᠢ ᠪᠦᠷ ᠭᠡᠳᠤ ᠤᠳᠠᠭᠠ ᠵᠠᠷᠤᠵᠤ ᠴᠢᠳᠠᠭᠰᠠᠨ︾ ᠭᠡᠵᠦ ᠪᠠᠶᠢᠨᠠ᠃ | - ᠪᠣᠯᠵᠠᠢ᠂ ᠪᠠᠶᠢᠴᠢᠬᠠᠶᠠ᠃ ᠪᠢ ᠬᠠᠭᠤᠷᠮᠠᠭ ᠵᠣᠭᠤᠰ ᠣᠯᠣᠭᠠᠳ ᠵᠣᠪᠠᠵᠤ ᠰᠢᠨᠠᠯᠤᠯᠠ᠃ ᠥᠭᠡᠷᠡ | ᠬᠥᠮᠥᠨ ᠳᠤ ᠵᠠᠷᠤᠵᠤ ᠳᠡᠶᠢᠯᠭᠦ ᠪᠠᠷ ᠪᠤᠳᠤᠬᠰᠠᠨ ᠴᠦ ᠪᠤᠰᠤᠳ ᠬᠥᠮᠥᠨ ᠮᠥᠨ ᠥᠪᠡᠷ ᠲᠠᠢ ᠮᠢᠨᠢ ᠠᠳᠠᠯᠢ ᠵᠣᠪᠠᠵᠤ | ᠭᠠᠰᠠᠯᠤᠨᠠ᠃ ᠳᠡᠭᠡᠭᠦ ᠪᠠᠷ ᠢᠶᠠᠨ ᠪᠠᠶᠢᠴᠢᠬᠠᠶᠠ᠃ ᠪᠤᠰᠤᠳ ᠢ ᠵᠣᠪᠠᠭᠠᠵᠤ ᠶᠠᠭᠤ ᠬᠢᠨᠡ᠃ ᠬᠤᠶᠠᠷ ᠡᠳᠦᠷ ᠵᠦᠭᠡᠷ | ᠵᠦᠳᠡᠷᠡᠭᠰᠡᠨ ᠢᠶᠠᠷ ᠪᠤᠳᠤᠴᠢᠬᠠᠶᠠ ᠭᠡᠵᠦ ᠪᠠᠶᠢᠨᠠ᠃ | ᠶᠠᠭ ᠡᠨᠡ ᠦᠶᠡ ᠳᠤ ᠨᠣᠭᠤᠭᠠ ᠰᠣᠩᠭᠤᠵᠤ ᠵᠣᠭᠰᠣᠭᠰᠠᠨ ᠸᠠᠩ ᠡᠭᠡᠴᠢ ᠬᠥᠭᠰᠢᠨ ᠤ ᠦᠭᠡ ᠶᠢ | ᠰᠣᠨᠣᠰᠤᠭᠠᠳ ᠮᠠᠰᠢ ᠲᠤᠬᠳᠤᠯᠤᠬᠰᠠᠨ ᠶᠤᠮ ᠭᠡᠨᠡ᠃ | - ᠴᠢ ᠪᠤᠳᠤᠯ ᠳ᠋ᠠ᠃ ᠲᠡᠷᠡ ᠬᠥᠮᠥᠨ ᠬᠡᠳᠦᠢ ᠰᠠᠶᠢᠨ ᠬᠥᠮᠥᠨ ᠪᠤᠢ᠃ ᠥᠪᠡᠷ ᠢᠶᠠᠨ ᠬᠤᠬᠢᠷᠠᠪᠠᠴᠤ | ᠥᠷᠥᠭᠡᠯ ᠤᠨ ᠲᠥᠯᠥᠭᠡ ᠪᠣᠳᠣᠯᠬᠢᠯᠠᠵᠤ ᠪᠠᠶᠢᠨᠠ᠃ ᠡᠶᠢᠮᠦ ᠨᠢᠭᠡ ᠵᠢᠭᠠᠬᠠᠨ ᠳᠡᠯᠭᠡᠭᠦᠷ ᠡᠳᠦᠷ ᠤᠨ ᠬᠡᠳᠦᠢ ᠯᠡ | ᠵᠣᠭᠤᠰ ᠣᠯᠴᠢᠬᠠᠨᠠ ᠪᠤᠢ᠃ ᠲᠡᠷᠡ ᠡᠮᠦᠰᠴᠦ ᠵᠡᠭᠦᠵᠦ ᠪᠠᠶᠢᠬᠤ᠂ ᠲᠡᠷᠡ ᠭᠠᠷ ᠬᠤᠷᠤᠭᠤ ᠶᠢ ᠨᠢ ᠬᠠᠷᠠ᠃ ᠠᠷᠪᠢᠯᠠᠵᠤ | ᠭᠠᠮᠨᠠᠵᠤ ᠳᠤᠲᠠᠵᠤ ᠳᠤᠨᠳᠠᠷᠠᠵᠤ ᠠᠮᠢᠳᠤᠷᠠᠵᠤ ᠢᠷᠡᠭᠰᠡᠨ ᠤ ᠬᠢᠨᠢ ᠭᠡᠷᠡᠴᠢ ᠰᠢᠤ᠃ ᠭᠡᠲᠡᠯᠡ ᠠᠷᠢᠭᠤᠨ | ᠰᠡᠳᠬᠢᠯ ᠢᠶᠠᠨ ᠵᠣᠪᠠᠯ ᠵᠦᠳᠡᠭᠦᠷᠢ᠂ ᠶᠠᠳᠠᠭᠤ ᠬᠤᠭᠤᠰᠤᠨ ᠵᠡᠷᠭᠡ ᠠᠷᠭᠠᠴᠠᠭᠠ ᠦᠭᠡᠢ ᠠᠮᠢᠳᠤᠷᠠᠯ ᠳᠠᠭᠠᠨ | ᠪᠤᠯᠢᠶᠠᠭᠳᠠᠴᠢᠬᠠᠭᠠ ᠦᠭᠡᠢ᠂ ᠬᠡᠪ ᠢᠶᠠᠷ ᠨᠢ ᠦᠯᠡᠳᠡᠭᠡᠭᠰᠡᠭᠡᠷ᠃ ᠡᠨᠡ ᠨᠢ ᠯᠡ ᠬᠥᠮᠥᠨ ᠢ ᠳᠣᠭᠳᠣᠯᠤᠭᠤᠯᠬᠤ ᠶᠤᠮ᠃ | ᠬᠥᠮᠥᠨ ᠢ ᠵᠣᠭᠤᠰ ᠲᠠᠢ ᠤᠤ ᠵᠣᠭᠤᠰ ᠦᠭᠡᠢ ᠤᠤ᠂ ᠴᠢᠳᠠᠪᠤᠷᠢ ᠲᠠᠢ ᠤᠤ ᠴᠢᠳᠠᠪᠤᠷᠢ ᠦᠭᠡᠢ ᠤᠤ ᠭᠡᠳᠡᠭ ᠢᠶᠠᠷ ᠨᠢ | ᠬᠡᠮᠵᠢᠶᠡᠯᠡᠳᠡᠭ ᠦᠭᠡᠢ᠃ ᠬᠠᠷᠢᠨ ᠶᠠᠳᠠᠭᠤ ᠴᠦ ᠪᠠᠢ᠂ ᠪᠠᠶᠠᠨ ᠴᠦ ᠪᠣᠯᠤᠭ᠂ ᠤᠭ ᠢᠶᠠᠨ ᠮᠠᠷᠲᠠᠬᠤ᠂ ᠬᠥᠮᠥᠨ ᠴᠢᠨᠠᠷ ᠢᠶᠠᠨ | ᠨᠡᠶᠢᠭᠡᠮ ᠴᠠᠭ ᠤᠨ ᠰᠠᠯᠬᠢᠨ ᠳᠤ ᠬᠡᠶᠢᠰᠬᠡᠭᠡ ᠦᠭᠡᠢ ᠯᠡ ᠬᠥᠮᠥᠨ ᠴᠢᠨᠢ ᠵᠢᠩᠬᠢᠨᠢ ᠬᠥᠮᠥᠨ ᠮᠥᠰᠥ ᠲᠠᠢ ᠬᠥᠮᠥᠨ | ᠰᠢᠦ᠃ ᠲᠡᠷᠡ ᠤᠴᠢᠷ ᠠᠴᠠ ᠡᠬᠢᠯᠡᠭᠡᠳ ᠪᠢ ᠳᠠᠩᠳᠠ ᠡᠨᠡ ᠬᠥᠭᠰᠢᠨ ᠠᠴᠠ ᠨᠣᠭᠤᠭᠠ ᠬᠤᠳᠠᠯᠳᠤᠨ ᠠᠪᠤᠨᠠ᠃ | ᠬᠠᠶᠠ ᠳᠠᠭᠠᠨ ᠨᠣᠭᠤᠭᠠ ᠪᠠᠨ ᠳᠡᠯᠭᠡᠭᠡ ᠦᠭᠡᠢ ᠪᠠᠶᠢᠭᠰᠠᠨ ᠴᠦ ᠪᠢ ᠳᠡᠯᠭᠡᠬᠦ ᠶᠢ ᠨᠢ ᠬᠦᠯᠢᠶᠡᠵᠦ ᠵᠣᠭᠰᠣᠵᠤ | ᠪᠠᠶᠢᠭᠠᠳ ᠠᠪᠳᠠᠭ᠃ ᠬᠥᠭᠰᠢᠨ ᠠᠳᠡ ᠨᠣᠭᠤᠭᠠ ᠪᠠᠨ ᠬᠤᠳᠠᠯᠳᠤᠵᠤ ᠯᠡ ᠪᠠᠶᠢᠭᠠ ᠴᠠᠭ ᠲᠤ ᠪᠢ ᠵᠠᠪᠠᠯ | ᠲᠡᠭᠦᠨ ᠠᠴᠠ ᠯᠡ ᠨᠣᠭᠤᠭᠠ ᠶᠢ ᠨᠢ ᠠᠪᠤᠨᠠ᠃ ᠶᠠᠷᠢᠶᠠᠨ ᠦᠭᠡᠢ ᠬᠥᠭᠰᠢᠨ ᠡᠨᠡ ᠤᠴᠢᠷ ᠢ ᠮᠡᠳᠡᠬᠦ ᠦᠭᠡᠢ ᠰᠢᠳᠡ᠃ | ᠨᠠᠮᠠ ᠶᠢ ᠴᠦ ᠲᠠᠨᠢᠬᠤ ᠴᠦ ᠪᠢᠰᠢ ᠳ᠋ᠠ᠃ ᠮᠢᠨᠤ ᠡᠨᠡ ᠬᠢᠳᠡᠯ ᠬᠡᠳᠦᠶᠢᠪᠡᠷ ᠥᠴᠥᠬᠡᠨ ᠪᠤᠯᠪᠠᠴᠤ ᠪᠢ ᠪᠠᠶᠠᠷᠲᠠᠢ | ᠪᠠᠶᠢᠳᠠᠭ᠃ | ᠦᠷᠭᠦᠢ ᠴᠠᠭᠠᠨ ᠴᠠᠰᠤᠨ ᠤ ᠳᠤᠮᠳᠠ ᠡᠶᠢᠮᠦ ᠦᠯᠢᠭᠡᠷ ᠰᠣᠨᠣᠰᠴᠤ᠂ ᠰᠡᠳᠬᠢᠯ ᠮᠢᠨᠢ ᠰᠠᠶ᠋ᠢ ᠶᠢᠨ ᠴᠠᠰᠤ ᠮᠡᠲᠦ | ᠤᠶᠠᠷᠠᠨ ᠬᠠᠶᠢᠯᠵᠤ ᠪᠢᠯᠡ᠃ | ᠪᠢ ᠸᠠᠩ ᠡᠭᠡᠴᠢ ᠶᠢᠨ ᠬᠠᠵᠠᠭᠤ ᠳᠤ ᠲᠡᠷᠭᠡᠨ ᠴᠣᠩᠬᠤ ᠪᠠᠷ ᠵᠡᠭᠡᠯᠢ ᠶᠢᠨ ᠴᠠᠰᠤ ᠬᠠᠷᠠᠵᠤ ᠨᠠᠮ ᠳᠤᠭᠤᠢ | ᠰᠠᠭᠤᠯᠠ᠃ ᠠᠰᠠᠷ ᠲᠠᠭᠲᠤ᠂ ᠵᠡᠭᠡᠯᠢ ᠭᠤᠳᠤᠮᠵᠢ᠂ ᠤᠷᠭᠤᠭᠠ ᠮᠣᠳᠣᠳ ᠁ ᠴᠠᠰᠤᠨ ᠳᠤ ᠬᠤᠴᠢᠭᠳᠠᠭᠰᠠᠭᠠᠷ᠃ | ᠴᠠᠰᠤᠨ ᠳᠤ ᠠᠷᠢᠭᠤᠰᠤᠬᠰᠠᠭᠠᠷ᠃ | ᠪᠢ ᠳᠠᠭᠢᠭᠠᠳ ᠸᠠᠩ ᠡᠭᠡᠴᠢ ᠶᠢ ᠬᠠᠷᠠᠪᠠ᠃ ᠪᠤᠭᠤᠷᠤᠯ ᠭᠡᠵᠢᠭᠡ ᠲᠠᠢ ᠪᠦᠰᠡᠭᠦᠢ᠃ | - ᠡᠭᠡᠴᠢ ᠠ᠋᠂ ᠴᠢ ᠰᠠᠶᠢᠬᠠᠨ ᠬᠥᠮᠥᠨ ᠰᠢᠤ ᠭᠡᠬᠦ ᠳᠤ᠂ | - ᠶᠠᠭᠤᠨ ᠰᠠᠶᠢᠬᠠᠨ ᠶᠤᠮ︖ ᠵᠠᠯᠠᠭᠤ ᠳᠠᠭᠠᠨ ᠴᠦ ᠰᠠᠶᠢᠬᠠᠨ ᠪᠠᠶᠢᠵᠤ ᠦᠵᠡᠭᠡ ᠦᠭᠡᠢ᠃ ᠤᠳᠤ ᠨᠡᠩ | ᠬᠥᠭᠰᠢᠨ ᠰᠠᠮᠠᠭᠠᠨ ᠨᠢᠭᠡ ᠁ ᠭᠡᠪᠡ᠃ | - ᠪᠢ ᠴᠦ ᠡᠨᠡ ᠬᠥᠭᠰᠢᠨ ᠤ ᠨᠣᠭᠤᠭᠠ ᠶᠢ ᠬᠤᠳᠠᠯᠳᠤᠨ ᠠᠪᠬᠤ ᠶᠢ ᠳᠤᠷᠠᠯᠠᠴᠢᠬᠠᠯᠠ ᠭᠡᠬᠦ ᠳᠤ ᠸᠠᠩ | ᠡᠭᠡᠴᠢ ᠬᠠᠭ᠋ᠠᠵᠤ ᠴᠠᠴᠠᠲᠠᠯᠠ ᠪᠠᠨ ᠢᠨᠢᠶᠡᠵᠦ ᠪᠢᠯᠡ᠃ | ᠰᠡᠳᠬᠢᠯ ᠨᠢ ᠥᠶᠥᠭ᠂ ᠲᠠᠪᠠᠲᠠᠢ᠂ ᠲᠤᠩᠭᠠᠯᠠᠭ ᠬᠥᠮᠥᠰ ᠨᠡᠶᠢᠭᠡᠮ ᠶᠢᠷᠲᠢᠨᠴᠦ ᠶᠢ ᠵᠥᠪ ᠰᠠᠶᠢᠬᠠᠨ | ᠬᠠᠶᠢᠷᠠᠯᠠᠵᠤ ᠴᠢᠳᠠᠨᠠ᠂ ᠠᠷᠢᠭᠤᠰᠬᠠᠵᠤ ᠴᠢᠳᠠᠨᠠ᠃ | ᠡᠷᠬᠢᠮ ᠲᠠ ᠨᠣᠭᠤᠭᠠ ᠬᠤᠳᠠᠯᠳᠤᠭᠴᠢ ᠬᠥᠭᠰᠢᠨ ᠰᠢᠭ᠂ ᠡᠰᠡᠬᠦᠯᠡ ᠸᠠᠩ ᠡᠭᠡᠴᠢ ᠰᠢᠭ ᠲᠡᠶᠢᠮᠤ ᠵᠢᠵᠢᠭᠬᠡᠨ | ᠬᠢᠳᠡᠯ ᠶᠠᠪᠤᠳᠠᠯ ᠢᠶᠠᠷ ᠬᠥᠮᠥᠨ ᠤ ᠰᠠᠶᠢᠬᠠᠨ ᠬᠠᠶᠢᠷᠠ ᠶᠢ ᠦᠷᠭᠦᠯᠵᠢᠯᠡᠭᠦᠯᠵᠦ ᠪᠠᠶᠢᠭᠰᠠᠨ ᠤᠤ︖ ᠰᠠᠶᠢᠬᠠᠨ | ᠰᠡᠳᠬᠢᠯ ᠤᠨ ᠰᠡᠷᠵᠢᠮ ᠢᠶᠠᠨ ᠡᠷᠭᠦᠵᠦ ᠪᠥᠮᠪᠥᠷᠴᠡᠭ ᠢᠶᠠᠨ ᠪᠦᠪᠡᠶᠢᠯᠡᠵᠦ ᠰᠠᠭᠤᠭᠠ ᠬᠡᠨ ᠨᠢᠭᠡ ᠨᠢ ᠲᠠ ᠪᠠᠶᠢᠭᠠ ᠤᠤ᠃ | | ᠲᠡᠶᠢᠮᠤ ᠯᠡ ᠪᠠᠶᠢᠬᠤ ᠶᠣᠰᠣᠲᠠᠢ ᠭᠡᠵᠦ ᠠᠩᠬᠠᠨ ᠤ ᠴᠠᠰᠤ ᠰᠢᠪᠡᠨᠡᠨ ᠪᠤᠳᠠᠷᠠᠨᠠ᠃ | | |