ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠲᠥᠪ ᠤᠨ ᠷᠠᠳᠢᠤ᠋ ᠲᠧᠯᠸᠢᠰ ᠤᠨ ᠶᠡᠷᠦᠩᠬᠡᠢ ᠬᠤᠷᠢᠶᠠᠨ ᠤ ᠮᠣᠩᠭᠤᠯ ᠷᠠᠳᠢᠤ᠋ ᠶᠢᠨ | ᠸᠢᠴᠠᠲ ᠲᠠᠪᠴᠠᠩ ᠢᠶᠠᠷ ᠲᠠ ᠪᠦᠬᠦᠨ ᠳᠡᠭᠡᠨ ᠥᠯᠵᠡᠶᠢᠲᠦ ᠲᠡᠭᠦᠰ ᠡᠳᠦᠷ ᠤᠨ ᠠᠮᠤᠷ ᠠᠮᠤᠭᠤᠯᠠᠩ ᠢ ᠠᠶᠢᠯᠠᠤᠨᠬᠠᠨ᠂ | ᠡᠳᠦᠷ ᠪᠦᠷᠢ ᠡᠩᠬᠡ ᠵᠢᠷᠭᠠᠯ ᠲᠠᠢ᠂ ᠰᠠᠷᠠ ᠪᠣᠯᠭᠠᠨ ᠰᠠᠶᠢᠨ ᠤ ᠢᠷᠦᠭᠡᠯ ᠲᠠᠢ ᠪᠠᠶᠢᠬᠤ ᠶᠢᠨ ᠵᠥᠩᠨᠡᠯ ᠢ | ᠳᠡᠪᠰᠢᠭᠦᠯᠵᠦ ᠪᠠᠶᠢᠨᠠ᠃ | | ᠴᠠᠭᠠᠨ ᠰᠠᠷᠠ ᠪᠣᠯ ᠳᠤᠮᠳᠠᠳᠤ ᠶᠢᠨ ᠠᠷᠠᠤᠨ ᠢᠷᠭᠡᠦᠨ ᠤᠨ ᠳᠤᠮᠳᠠ ᠬᠠᠮᠤᠭ ᠤᠨ ᠥᠪᠡᠳᠡᠭᠰᠢ᠂ ᠬᠠᠮᠤᠭ ᠤᠨ | ᠣᠨᠴᠠᠯᠢᠭ ᠲᠠᠢ ᠥᠷᠭᠡᠨ ᠳᠡᠯᠭᠡᠷ ᠲᠡᠮᠳᠡᠭᠯᠡᠭᠳᠡᠳᠡᠭ ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷ ᠤᠨ ᠨᠢᠭᠡ ᠨᠢ ᠪᠣᠯᠣᠨᠠ᠃ ᠠᠷᠠᠤᠨ ᠤᠨ | ᠳᠤᠮᠳᠠ ᠡᠨᠡ ᠡᠳᠦᠷ ᠢ ᠴᠠᠭᠠᠨ ᠰᠠᠷᠠ ᠪᠤᠶᠤ ᠰᠦᠨ ᠰᠠᠷᠠ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶᠢᠭᠰᠠᠨ ᠢ ᠲᠡᠦᠬᠡ ᠶᠢᠨ | ᠲᠡᠮᠳᠡᠭᠯᠡᠯ ᠳᠤ ᠪᠢᠴᠢᠵᠦ ᠦᠯᠡᠳᠡᠭᠡᠵᠡᠢ᠃ | | ᠬᠠᠭᠤᠴᠢᠨ ᠵᠢᠯ ᠬᠠᠩᠭᠢᠷᠠᠨ ᠣᠣᠨᠴᠤ᠂ ᠰᠢᠨᠡ ᠵᠢᠯ ᠰᠢᠯᠵᠢᠨ ᠢᠷᠡᠵᠦ ᠪᠤᠢ ᠪᠠᠶᠠᠷ ᠶᠡᠭᠡ ᠶᠣᠰᠤᠯᠠᠯ ᠤᠨ | ᠬᠡᠶᠢᠮᠤᠷᠢ ᠵᠣᠯᠪᠣᠭᠠ ᠲᠠᠢ 2024 ᠣᠨ ᠤ 2 ᠳ᠋ᠤᠭᠠᠷ ᠰᠠᠷᠠ ᠳᠤ᠂ ᠲᠥᠪ ᠤᠨ ᠷᠠᠳᠢᠤ᠋ ᠲᠧᠯᠸᠢᠰ ᠤᠨ ᠶᠡᠷᠦᠩᠬᠡᠢ | ᠬᠤᠷᠢᠶᠠᠨ ᠤ ᠰᠤᠷᠪᠤᠯᠵᠢᠯᠠᠭᠴᠢ ᠪᠡᠭᠡᠵᠢᠩ ᠬᠤᠲᠠ ᠶᠢᠨ ᠬᠤᠶᠢᠲᠦ ᠭᠤᠷᠪᠠᠳᠤᠭᠠᠷ ᠪᠦᠰᠡᠯᠡᠭᠦᠷ ᠵᠠᠮ ᠤᠨ | ᠤᠶᠢᠷᠠᠯᠴᠠᠭᠠᠬᠢ ᠵᠡᠭᠦᠨ ᠬᠤᠲᠠ ᠲᠣᠭᠤᠷᠢᠭ ᠤᠨ ᠭᠦᠸᠧ ᡁᠢ ᠵᠢᠶᠠᠨ ᠭᠤᠳᠤᠮᠵᠢ ᠶᠢᠨ ᠨᠢᠭᠡᠨ ᠭᠡᠷ ᠬᠤᠷᠢᠶᠠᠯᠠᠯ ᠳᠤ | ᠰᠠᠭᠤᠭᠠ ᠰᠠᠯᠵᠢᠤᠨ᠂ ᠸᠠᠩ ᠱᠢ ᠶᠢᠩ ᠬᠤᠶᠠᠷ ᠨᠠᠰᠤᠲᠠᠨ ᠤ ᠳᠤ ᠬᠦᠷᠬᠦ ᠳᠤ ᠲᠡᠳᠡ ᠬᠤᠶᠠᠷ ᠮᠠᠨᠢ ᠰᠡᠦᠨᠬᠢᠯ | ᠥᠨᠳᠦᠷ ᠢᠶᠠᠷ ᠴᠠᠭᠠᠨ ᠰᠠᠷᠠ ᠶᠢᠨ ᠴᠠᠢ ᠢᠳᠡᠭᠡ ᠪᠠᠷ ᠵᠣᠴᠢᠯᠠᠵᠤ᠂ ᠰᠤᠷᠪᠤᠯᠵᠢᠯᠠᠭᠠ ᠶᠢ ᠮᠠᠨᠢ ᠬᠦᠯᠢᠶᠡᠭᠰᠡᠨ ᠶᠤᠮ᠃ | | | ᠥᠪᠤᠷ ᠮᠣᠩᠭᠤᠯ ᠤᠨ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠠᠪᠠᠭᠠ ᠬᠤᠰᠢᠭᠤᠨ ᠤ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ | ᠪᠠᠶᠠᠨᠰᠢᠯᠢ ᠭᠠᠴᠠᠭᠠᠨ ᠳᠤ 1968 ᠣᠨ ᠳᠤ ᠰᠡᠬᠡᠭᠡᠲᠡᠨ ᠢᠶᠠᠷ ᠪᠠᠭᠤᠭᠰᠠᠨ ᠸᠠᠩ ᠱᠢ ᠶᠢᠩ ᠨᠠᠰᠤᠲᠠᠨ 50 ᠭᠠᠷᠤᠢ | ᠵᠢᠯ ᠤᠨ ᠡᠮᠦᠨᠡᠬᠢ ᠬᠥᠳᠡᠭᠡ ᠨᠤᠲᠤᠭ ᠢᠶᠠᠷ ᠴᠠᠭᠠᠨ ᠰᠠᠷᠠ ᠢ ᠬᠡᠷᠬᠢᠨ ᠥᠩᠭᠡᠷᠡᠭᠦᠯᠵᠦ ᠪᠠᠶᠢᠭᠰᠠᠨ ᠲᠠᠯᠠ ᠪᠠᠷ | ᠢᠩᠭᠢᠵᠦ ᠬᠠᠭᠤᠴᠢᠯᠠᠯᠠ᠄ | | ᠠᠯᠠᠭᠠᠨ ᠤ ᠵᠢᠷᠤᠭᠠᠰᠤ ᠦᠵᠡᠭᠳᠡᠬᠦ ᠲᠡᠳᠦᠢ ᠦᠥᠷ ᠤᠨ ᠴᠠᠭᠠᠨ ᠭᠡᠭᠡ ᠪᠠᠷ ᠬᠦᠮᠦᠰ ᠮᠣᠷᠢ ᠲᠡᠮᠡᠭᠡ ᠣᠨᠣᠵᠤ | ᠠᠶᠢᠯ ᠰᠠᠭᠠᠬᠠᠯᠲᠠ ᠪᠠᠷ ᠲᠣᠭᠤᠷᠢᠵᠦ ᠰᠢᠨᠡᠯᠡᠳᠡᠭ᠂ ᠲᠡᠷᠡ ᠦᠶᠡ ᠳᠤ ᠪᠢᠳᠡ ᠨᠠᠰᠤ ᠪᠠᠭᠠ ᠪᠠᠶᠢᠭᠰᠠᠨ ᠤ ᠳᠡᠭᠡᠷᠡ | ᠬᠥᠳᠡᠭᠡ ᠨᠤᠲᠤᠭ ᠤᠨ ᠴᠠᠭᠠᠨ ᠰᠠᠷᠠ ᠶᠢ ᠠᠩᠬᠠ ᠥᠩᠭᠡᠷᠡᠭᠦᠯᠵᠦ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠶᠡᠭᠡ ᠯᠡ ᠪᠠᠶᠠᠷᠯᠠᠯᠳᠤᠨ | ᠲᠡᠮᠡᠭᠡ ᠤᠨᠤᠵᠤ ᠱᠤᠤᠮᠠᠵᠠ ᠭᠠᠨᠵᠤᠭᠠᠯᠠᠨ ᠠᠶᠢᠯ ᠪᠣᠯᠭᠠᠨ ᠢᠶᠠᠷ ᠠᠶᠢᠯᠴᠢᠯᠠᠵᠤ᠂ ᠠᠬᠠᠮᠠᠤᠨ ᠨᠠᠰᠤᠲᠠᠨ ᠲᠠᠢ | ᠠᠭᠤᠯᠵᠠᠨ᠂ ︽ᠠᠮᠤᠷ ᠰᠠᠶᠢᠨ ᠰᠢᠨᠡᠯᠡᠪᠡᠦ ᠤᠤ︖︾ ᠭᠡᠵᠦ ᠵᠣᠯᠭᠠᠳᠠᠭ ᠪᠠᠶᠢᠯᠠ᠃ ᠲᠡᠭᠡᠬᠦ ᠳᠤ ᠠᠬᠠᠮᠠᠤᠨ | ᠲᠣᠮᠣᠭᠠᠲᠠᠤᠨ ᠬᠠᠷᠢᠭᠤ ᠳᠤᠨᠢ᠄ ︽ᠪᠣᠷᠯᠤᠩ ᠭᠡᠷᠰᠡᠩ ᠲᠠᠢ᠂ ᠥᠶᠦᠭ ᠴᠠᠤᠨᠬᠤᠯᠠᠩ᠂ ᠥᠩ ᠳᠠᠷᠭᠤᠨ ᠰᠠᠶᠢᠬᠠᠨ | ᠰᠢᠨᠡᠯᠡᠵᠦ ᠪᠠᠶᠢᠨᠠ ᠤᠤ︖︾ ᠭᠡᠵᠦ ᠮᠡᠨᠳᠦ ᠮᠡᠳᠡᠯᠴᠡᠨ ᠰᠢᠨᠡᠯᠡᠵᠦ᠂ ᠪᠢᠳᠡ ᠠᠶᠢᠯ ᠪᠦᠬᠦᠨ ᠤ ᠢᠳᠡᠭᠡᠨ ᠤ | ᠳᠡᠭᠡᠵᠢ ᠶᠢ ᠠᠮᠰᠠᠨ᠂ ᠥᠯᠵᠡᠶᠢᠲᠦ ᠰᠢᠬᠢᠷ ᠪᠣᠭᠤᠷᠰᠤᠭ ᠢ ᠨᠢ ᠭᠠᠷ ᠢᠶᠠᠨ ᠳᠡᠯᠭᠡᠨ ᠲᠣᠰᠴᠤ ᠠᠪᠤᠭᠠᠤᠨ ᠬᠡᠮᠨᠡᠨ | ᠢᠳᠡᠵᠦ᠂ ᠭᠠᠮᠨᠠᠨ ᠶᠠᠪᠤᠵᠤ ᠪᠠᠶᠢᠭᠰᠠᠨ᠃ ᠰᠡᠭᠦᠯ ᠳᠤᠨᠢ ᠠᠶᠢᠯ ᠭᠡᠷ ᠪᠣᠯᠵᠤ᠂ ᠥᠨᠳᠦᠷ ᠨᠠᠰᠤᠲᠠᠢ ᠬᠠᠳᠠᠮ ᠡᠵᠢ | ᠮᠢᠨᠢ ᠮᠠᠨ ᠤ ᠳᠤ ᠰᠠᠭᠤᠳᠠᠭ ᠪᠣᠯᠣᠭᠰᠠᠨ ᠢᠶᠠᠷ᠂ ᠨᠤᠲᠤᠭ ᠤᠨ ᠵᠣᠨ ᠣᠯᠠᠨ ᠮᠢᠨᠢ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ | ᠨᠢᠭᠡᠨ ᠤ ᠦᠤᠷ ᠢᠶᠠᠷ ᠮᠥᠷ ᠢᠶᠠᠨ ᠭᠠᠷᠭᠠᠵᠤ ᠪᠠᠷᠠᠮᠠᠭᠴᠠ ᠯᠡ ᠵᠢᠪᠠᠷ ᠬᠡᠶᠢᠰᠬᠡᠨ ᠢᠷᠡᠵᠦ ᠨᠠᠰᠤᠲᠠᠢ ᠡᠵᠢ ᠲᠠᠢ ᠮᠢᠨᠢ | ᠰᠢᠨᠡ ᠶᠢᠨ ᠵᠣᠯᠭᠠᠯᠲᠠ ᠬᠢᠵᠦ᠂ ᠮᠠᠨ ᠤ ᠭᠡᠷ ᠤᠨ ᠴᠠᠭᠠᠨ ᠰᠠᠷᠠ ᠭᠡᠵᠦ ᠶᠤᠰᠤᠳᠠᠢ ︽ᠡᠳ᠋ ᠢᠶᠠᠷ ᠬᠤᠮᠰᠠ ᠴᠤ | ᠰᠡᠦᠨᠬᠢᠯ ᠢᠶᠠᠷ ᠪᠠᠶᠠᠨ ᠳᠦᠭᠦᠷᠡᠩ︾ ᠪᠠᠶᠠᠷ ᠶᠣᠰᠤᠯᠠᠯ ᠪᠣᠯᠳᠠᠭ ᠭᠡᠵᠦ ᠪᠠᠭ᠋ᠠᠲᠤᠯ ᠲᠠᠢ ᠶᠠᠷᠢᠭᠰᠠᠨ ᠨᠢ ᠲᠡᠷᠡ | ᠦᠶᠡ ᠶᠢᠨ ᠴᠠᠭᠠᠨ ᠰᠠᠷᠠ ᠪᠠ ᠪᠠᠶᠠᠷ ᠶᠤᠰᠤᠯᠠᠯ ᠬᠡᠷᠬᠢᠨ ᠥᠪᠡᠳᠡᠭᠰᠢ᠂ ᠥᠷᠭᠡᠨ ᠳᠡᠯᠭᠡᠷ᠂ ᠥᠪᠡᠷᠮᠢᠴᠡ᠂ | ᠤᠯᠠᠮᠵᠢᠯᠠᠯ ᠲᠠᠢ ᠶᠠᠪᠤᠭᠳᠠᠵᠤ ᠪᠠᠶᠢᠭᠰᠠᠨ ᠢ ᠬᠠᠭᠤᠴᠢᠯᠠᠭᠰᠠᠨ ᠬᠡᠷᠡᠭ ᠪᠢᠯᠡ᠃ | | ᠴᠠᠭᠠᠨ ᠰᠠᠷᠠ ᠳᠤ ᠠᠶᠢᠯ ᠪᠣᠯᠭᠠᠨ ᠲᠠᠪᠠᠭ ᠲᠠᠢ ᠢᠳᠡᠭᠡ ᠵᠠᠰᠠᠵᠤ᠂ ᠢᠷᠡᠭᠰᠡᠨ ᠭᠡᠶᠢᠴᠢᠨ ᠢᠶᠠᠨ ᠵᠣᠴᠢᠯᠠᠳᠠᠭ | ᠲᠤᠬᠠᠢ ᠰᠠᠯᠵᠢᠤᠨ ᠭᠤᠸᠠᠢ ᠢᠩᠭᠢᠵᠦ ᠬᠠᠭᠤᠴᠢᠯᠠᠯᠠ᠄ | | ᠪᠢᠳᠡ ᠠᠶᠢᠯ ᠰᠠᠭᠠᠬᠠᠯᠲᠠ ᠪᠠᠷ ᠣᠷᠤᠵᠤ ᠰᠢᠨᠡᠯᠡᠬᠦ ᠳᠡᠭᠡᠨ᠂ ᠲᠠᠯᠪᠢᠭᠰᠠᠨ ᠲᠠᠪᠠᠭ ᠲᠠᠢ ᠢᠳᠡᠭᠡᠨ ᠤ | ᠳᠡᠭᠡᠵᠢ ᠠᠴᠠ ᠨᠢ ᠤᠷᠢᠳᠠᠪᠠᠷ ᠠᠮᠰᠠᠵᠤ᠂ ᠳᠠᠷᠠᠭᠠ ᠨᠢ ᠬᠠᠩᠭᠠᠢ ᠳᠡᠯᠡᠬᠡᠢ᠂ ᠭᠠᠵᠠᠷ ᠤᠰᠣᠨ ᠳᠠᠭᠠᠨ ᠡᠷᠭᠦᠳᠡᠭ᠃ | ᠬᠦᠮᠦᠨ ᠠᠷᠠᠤᠨ ᠨᠢ ᠬᠦᠵᠢ ᠳᠡᠯᠡᠬᠡᠢ ᠪᠠᠨ ᠳᠡᠭᠡᠳᠦᠯᠡᠨ ᠰᠢᠲᠦᠵᠦ ᠪᠠᠶᠢᠭᠰᠠᠨ ᠡᠷᠲᠡᠨ ᠤ ᠵᠠᠩ ᠦᠢᠯᠡ ᠬᠠᠷᠢᠨ | ᠣᠳᠤ ᠶᠢᠨ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠣᠩᠭᠤᠨ ᠪᠠᠶᠢᠭᠠᠯᠢ ᠪᠠᠨ ᠰᠢᠲᠦᠵᠦ ᠬᠠᠮᠠᠭᠠᠯᠠᠨᠠ ᠭᠡᠰᠡᠨ ᠰᠠᠨᠠᠭᠠ ᠣᠨᠤᠭᠠ | ᠲᠠᠢ ᠶᠠᠪ ᠨᠡᠶᠢᠴᠡᠵᠦ ᠴᠠᠪ ᠲᠠᠭᠠᠷᠠᠭᠰᠠᠨ ᠤᠴᠢᠷ ᠪᠣᠯᠣᠯᠲᠠᠢ ᠭᠡᠯᠡ᠃ | | ᠲᠡᠶᠢᠮᠤ ᠡ᠂ ᠣᠨ ᠲᠡᠦᠬᠡ ᠶᠢᠨ ᠥᠨᠳᠦᠷ ᠤᠯᠪᠠᠭᠠ ᠲᠠᠢ ᠳᠤᠮᠳᠠᠳᠤ ᠶᠢᠨ ᠴᠠᠭᠠᠨ ᠰᠠᠷᠠ ᠨᠢ ᠬᠦᠮᠦᠨ | ᠲᠥᠷᠦᠯᠬᠢᠲᠡᠨ ᠤ ᠪᠠᠯᠠᠷ ᠡᠷᠲᠡᠨ ᠳᠡᠭᠡᠨ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠪᠠᠨ ᠰᠢᠲᠦᠨ ᠳᠡᠭᠡᠳᠦᠯᠡᠵᠦ᠂ ᠢᠲᠡᠭᠡᠨ ᠪᠢᠰᠢᠷᠡᠵᠦ | ᠪᠠᠶᠢᠭᠰᠠᠨ ᠵᠠᠩᠰᠢᠯ ᠪᠠᠶᠢᠭᠰᠠᠨ ᠪᠣᠯ ᠡᠳᠦᠭᠡ ᠴᠠᠭ ᠪᠣᠯᠵᠤ ᠢᠷᠡᠬᠦ ᠳᠤ ᠲᠡᠷᠡ ᠨᠢ ᠪᠠᠶᠠᠷ ᠶᠣᠰᠤᠯᠠᠯ ᠪᠠ ᠠᠷᠠᠤᠨ ᠤᠨ | ᠳᠤᠮᠳᠠᠬᠢ ᠰᠣᠶᠣᠯ ᠢᠷᠭᠡᠨᠰᠢᠯ ᠪᠣᠯᠵᠤ ᠬᠤᠪᠢᠷᠠᠨ᠂ ᠡᠭᠦᠨ ᠠᠴᠠ ᠤᠯᠪᠠᠭᠠᠯᠠᠨ ︽ᠲᠥᠷᠦ ᠮᠢᠨᠢ ᠲᠥᠪᠰᠢᠨ ᠲᠥᠪ᠂ | ᠲᠦᠮᠡᠨ ᠮᠢᠨᠢ ᠲᠠᠶᠢᠪᠤᠩ ᠠᠮᠤᠭᠤᠯᠠᠩ︾ ᠭᠡᠬᠦ ᠬᠦᠮᠦᠨ ᠠᠷᠠᠤᠨ ᠢᠶᠠᠨ ᠵᠥᠩᠨᠡᠨ ᠢᠷᠦᠭᠡᠳᠡᠭ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ | ᠤᠷᠮᠠ ᠰᠡᠦᠨᠬᠢᠯᠭᠡᠨ ᠤ ᠪᠠ ᠮᠠᠯ ᠰᠦᠷᠦᠭ ᠢᠶᠠᠨ ᠮᠢᠯᠢᠶᠠᠳᠠᠭ ︽ᠳᠠᠭᠠ ᠳᠠᠯᠠᠩ ᠲᠠᠢ᠂ ᠪᠢᠷᠠᠭᠤ ᠪᠣᠯᠴᠢᠩ ᠲᠠᠢ᠂ | ᠲᠥᠯᠥᠭᠡ ᠰᠡᠭᠦᠯ ᠲᠠᠢ᠂ ᠲᠣᠷᠣᠮ ᠪᠥᠬᠦ ᠲᠠᠢ︾ ᠭᠡᠬᠦ ᠮᠡᠲᠦ ᠶᠢᠨ ᠪᠡᠯᠭᠡᠳᠡᠯ ᠤᠨ ᠦᠭᠡᠰ ᠭᠠᠷᠤᠭᠰᠠᠨ ᠨᠢ | ᠭᠠᠷᠴᠠᠭᠠ ᠦᠭᠡᠢ ᠡ᠃ | | | ᠭ᠊ ᠥ᠋ᠬᠡ ᠯᠤᠤ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠬᠠᠶᠠᠭᠠᠨ ᠳᠤ ᠮᠢᠨᠢ ᠰᠠᠭᠠᠲᠠᠬᠤ ᠭᠡᠵᠦ ᠪᠠᠶᠢᠭᠠ ᠡᠨᠡ ᠪᠠᠶᠠᠷᠲᠤ | ᠮᠥᠴᠡ ᠪᠠᠷ ᠡᠭᠡᠯ ᠵᠢᠷ ᠤᠨ ᠬᠥᠳᠡᠯᠮᠦᠷᠢᠴᠢᠨ ᠮᠥᠷᠲᠡᠭᠡᠨ ᠡᠩ ᠦᠭᠡᠢ ᠶᠡᠭᠡ ᠰᠣᠶᠣᠯ ᠢᠶᠠᠨ ᠳᠡᠭᠡᠳᠦᠯᠡᠨ | ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠰᠠᠯᠵᠢᠤᠨ᠂ ᠸᠠᠩ ᠱᠢ ᠶᠢᠩ ᠬᠤᠶᠠᠷ ᠪᠤᠭᠤᠷᠤᠯ ᠳᠠᠭᠠᠨ ᠬᠦᠨᠲᠦᠦᠨᠬᠡᠯ ᠳᠡᠪᠰᠢᠭᠦᠯᠵᠦ᠂ | ᠲᠡᠳᠡᠨ ᠤ ᠤᠷᠲᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢ ᠨᠢ ᠵᠥᠩᠨᠡᠵᠦ ᠪᠠᠶᠢᠬᠤ ᠶᠢᠨ ᠬᠠᠮᠲᠤ ᠰᠠᠷᠠ ᠰᠢᠨᠡ ᠳᠡᠭᠡᠨ | ᠲᠠ ᠪᠦᠬᠦᠨ ᠤ ᠶᠠᠭᠤ ᠰᠠᠨᠠᠭᠰᠠᠨ ᠶᠢᠰᠦᠨ ᠴᠠᠭᠠᠨ ᠬᠦᠰᠡᠯ ᠲᠠᠨᠢ ᠰᠡᠦᠨᠬᠢᠯᠴᠢᠯᠡᠨ ᠪᠦᠲᠦᠵᠦ᠂ ᠰᠠᠨᠠᠭᠠ ᠲᠠᠨᠢ | ᠴᠠᠭᠠᠨ᠂ ᠰᠡᠦᠨᠬᠢᠯ ᠲᠠᠨᠢ ᠠᠷᠢᠭᠤᠨ᠂ ᠬᠠᠷᠭᠤᠢ ᠲᠠᠨᠢ ᠳᠡᠷᠳᠠᠩ ᠪᠠᠶᠢᠬᠤ ᠶᠢᠨ ᠥᠯᠵᠡᠢ ᠲᠠᠢ ᠵᠥᠩᠨᠡᠯ ᠢ ᠡᠷᠭᠦᠨ | ᠡᠷᠭᠦᠨ ᠳᠡᠪᠰᠢᠭᠦᠯᠵᠦ ᠪᠠᠶᠢᠨᠠ᠃ | | | |