| ᠠᠷᠪᠠ ᠭᠦᠷᠦᠭᠡ ᠦᠭᠡᠢ ᠨᠠᠰᠤᠨ ᠳᠠᠭᠠᠨ ᠦᠶᠡ ᠶᠢᠨ ᠥᠨᠥᠴᠢᠨ ᠵᠠᠩᠭᠠᠷ ᠤᠨ ᠦᠯᠢᠭᠡᠷ ᠲᠤᠤᠯᠢᠰ ᠲᠠᠢ | ᠲᠠᠨᠢᠯᠴᠠᠭᠰᠠᠨ ᠪᠢᠯᠡ ᠤᠤ ᠪᠢ᠂ ᠬᠠᠨᠴᠤᠢ ᠶᠢᠨ ᠨᠢᠰᠦᠨ ᠳᠠᠭᠠᠨ ᠵᠥᠪ ᠦᠭᠡᠢ ᠠᠳᠡᠯᠠ ᠠᠷᠠᠭ ᠤᠯᠠᠭᠠᠨ ᠬᠤᠩᠭᠤᠷ | ᠰᠢᠭ᠋ ᠠᠭᠠᠷᠬᠠᠵᠤ ᠬᠡᠶᠢᠷᠬᠡᠵᠦ ᠶᠠᠪᠤᠭᠰᠠᠨ ᠪᠢᠯᠡ ᠤᠤ ᠪᠢ᠃ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠣᠨ ᠳᠤ ᠣᠷᠣᠭᠰᠠᠨ ᠲᠡᠷᠡ ᠨᠠᠮᠤᠷ ᠯᠠ ᠳ᠋ᠠ᠃ ᠪᠠᠭᠰᠢᠯᠠᠵᠤ | ᠪᠠᠶᠢᠭᠰᠠᠨ ᠡᠭᠡᠴᠢ ᠶᠢᠨ ᠢᠶᠠᠨ ᠪᠠᠶᠢᠷᠢᠨ ᠳᠤ ᠣᠷᠣᠬᠤ ᠳᠤ ᠶᠠᠭ ᠶᠠᠭᠤᠮᠠ ᠬᠡᠦᠮᠡ ᠪᠠᠨ ᠳᠢᠭᠯᠡᠨ ᠬᠤᠷᠢᠶᠠᠵᠤ | ᠪᠠᠶᠢᠬᠤ ᠲᠠᠭᠠᠷᠠᠬᠰᠠᠨ ᠶᠤᠮ᠃ ᠡᠭᠡᠴᠢ ᠳᠤ ᠠᠳᠠᠯᠢᠬᠠᠨ ᠬᠤᠶᠠᠷ ᠰᠢᠷᠠ ᠲᠠᠪᠰᠠᠭ ᠲᠠᠢ᠃ ᠨᠢᠭᠡᠨ ᠳᠤᠨᠢ ᠨᠠᠷᠢᠨ ᠨᠠᠨᠳᠢᠨ | ᠵᠦᠢᠯᠡᠰ ᠢᠶᠠᠨ ᠬᠢᠵᠦ᠂ ᠨᠦᠭᠦᠭᠡ ᠳᠤᠨᠢ ᠡᠩ ᠤᠨ ᠬᠡᠷᠡᠭᠯᠡᠭᠡᠨ ᠤ ᠶᠠᠭᠤᠮᠠᠰ ᠢᠶᠠᠨ ᠬᠢᠳᠡᠭ ᠪᠠᠶᠢᠭᠰᠠᠨ᠃ ᠨᠠᠮᠠ ᠶᠢ | ᠬᠦᠷᠬᠦ ᠳᠤ ᠶᠠᠭ ᠨᠦᠭᠦᠭᠡ ᠨᠠᠷᠢᠨ ᠨᠠᠨᠳᠢᠨ ᠵᠦᠢᠯᠡᠰ ᠢᠶᠠᠨ ᠬᠢᠳᠡᠭ ᠲᠠᠪᠰᠠᠭ ᠢᠶᠠᠨ ᠳᠢᠭᠯᠡᠵᠦ ᠪᠠᠶᠢᠪᠠ᠃ ᠡᠩ ᠤᠨ | ᠦᠶᠡ ᠳᠤ ᠨᠡᠭᠡᠭᠡᠬᠦ ᠶᠢ ᠨᠢ ᠬᠠᠷᠠᠳᠠᠭ ᠦᠭᠡᠢ ᠪᠣᠯᠬᠤᠷ ᠰᠣᠨᠢᠷᠬᠠᠨ ᠥᠩᠭᠡᠶᠢᠪᠡᠯ ᠢᠷᠤᠭᠠᠷ ᠲᠤᠨᠢ ᠨᠡᠯᠢᠶᠡᠳ ᠬᠡᠳᠦᠨ | ᠳᠡᠪᠲᠡᠷ ᠨᠣᠮ ᠢ ᠬᠡᠪᠲᠡᠭᠦᠯᠦᠨ ᠲᠠᠯᠪᠢᠭᠰᠠᠨ ᠪᠠᠶᠢᠬᠤ ᠪᠠᠷ ᠨᠢ ᠭᠠᠷ ᠤᠨ ᠠᠶᠠ ᠪᠠᠷ ᠨᠢᠭᠡ ᠶᠢ ᠨᠢ ᠠᠪᠤᠭᠠᠳ | ᠦᠵᠡᠭᠰᠡᠨ ᠳᠤ ᠳᠦᠷᠪᠡᠨ ᠲᠤᠭᠤᠷᠠᠢ ᠳᠤᠨᠢ ᠭᠠᠯ ᠠᠪᠤᠯᠴᠠᠭᠰᠠᠨ ᠭᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠳᠦᠷᠦᠭᠡ | ᠵᠢᠭᠢᠨ᠂ ᠮᠢᠯᠠᠭᠠ ᠭᠤᠶᠠᠳᠠᠯᠠᠨ ᠳᠠᠪᠬᠢᠭᠤᠯᠵᠤ ᠶᠠᠪᠤᠭᠠ ᠬᠤᠶᠠᠭ ᠳᠤᠭᠤᠯᠭᠠ ᠡᠮᠦᠰᠦᠭᠰᠡᠨ ᠪᠠᠭᠠᠲᠤᠷ ᠤᠨ ᠵᠢᠷᠤᠭ ᠲᠠᠢ᠂ | ᠰᠢᠷᠠᠩᠭᠤᠢ ᠬᠠᠲᠠᠭᠤ ᠬᠠᠪᠲᠠᠰᠤ ᠲᠠᠢ ︽ᠵᠠᠩᠭᠠᠷ︾ ᠬᠡᠮᠡᠬᠦ ᠨᠣᠮ ᠪᠠᠶᠢᠪᠠ᠃ ᠨᠣᠮ ᠬᠤᠪᠣᠷ ᠴᠠᠭ ᠶᠤᠮ ᠭᠡᠨᠡ᠂ ᠨᠣᠮ | ᠬᠠᠷᠠᠭᠰᠠᠨ ᠬᠡᠦᠬᠡᠳ ᠶᠤᠮ ᠭᠡᠨᠡ᠂ ᠤᠩᠰᠢᠬᠤ ᠳᠤᠷᠠ ᠬᠥᠳᠡᠯᠦᠨ ᠡᠭᠡᠴᠢ ᠪᠠᠨ ᠴᠢᠷᠠᠶᠢᠴᠢᠯᠠᠪᠠᠯ ᠡᠭᠡᠴᠢ ᠮᠠᠨᠢ ᠨᠣᠮ | ᠢᠶᠠᠨ ᠠᠪᠴᠤ ᠲᠠᠪᠰᠠᠭ ᠲᠠᠭᠠᠨ ᠪᠤᠴᠠᠭᠠᠵᠤ ᠬᠢᠭᠡᠳ ︽ᠤᠳᠤ ᠪᠤᠯᠬᠤ ᠦᠭᠡᠢ᠂ ᠬᠡᠵᠢᠶᠡ ᠤᠩᠰᠢᠵᠤ ᠴᠢᠳᠠᠪᠠᠯ ᠲᠡᠷᠡ | ᠦᠶᠡ ᠳᠤᠨᠢ ᠴᠢᠮᠠ ᠳᠤ ᠦᠭᠭᠦᠶᠡ᠃ ᠬᠠᠷᠢᠨ ᠭᠠᠷᠤᠭᠠᠳ ᠡᠨᠡ ᠲᠡᠷᠡ ᠬᠥᠮᠥᠨ ᠳᠤ ᠨᠠᠳᠠ ᠳᠤ ᠡᠶᠢᠮᠦ ᠨᠣᠮ | ᠪᠠᠶᠢᠨᠠ ᠭᠡᠵᠦ ᠪᠢᠲᠡᠭᠡᠢ ᠬᠡᠯᠡᠭᠡᠷᠡᠢ︾ ᠭᠡᠬᠦ ᠨᠢ ᠠ᠋᠃ ᠬᠡᠳᠦᠶᠢᠪᠡᠷ ᠴᠠᠭ ᠤᠨ ᠥᠩᠭᠡ ᠨᠠᠭᠠᠰᠢᠯᠠᠭᠠᠳ ᠪᠠᠶᠢᠭᠰᠠᠨ ᠴᠤ | ᠭᠡᠰᠡᠨ ᠵᠠᠷᠢᠮ ᠨᠣᠮ ᠮᠥᠨ ᠬᠤᠷᠢᠭᠠᠲᠠᠢ ᠪᠠᠶᠢᠭᠰᠠᠨ ᠶᠤᠮ ᠤᠤ᠂ ᠠᠯᠢ ᠡᠰᠡᠬᠦᠯᠡ ᠪᠤᠶᠢᠳᠠ ᠪᠥᠭᠯᠡᠭᠦᠦ ᠬᠥᠳᠡᠭᠡ | ᠨᠤᠲᠤᠭ ᠲᠤ ᠪᠤᠯᠬᠤ ᠦᠭᠡᠢ ᠭᠡᠵᠦ ᠪᠠᠶᠢᠭᠰᠠᠨ ᠵᠠᠷᠢᠮ ᠵᠦᠢᠯᠡᠰ ᠪᠤᠯᠬᠤ ᠪᠣᠯᠤᠭᠰᠠᠨ ᠴᠦ ᠮᠡᠳᠡᠬᠦ ᠦᠭᠡᠢ | ᠬᠤᠴᠣᠷᠳᠠᠭ ᠪᠠᠶᠢᠭᠰᠠᠨ ᠤᠤ︖ ᠶᠠᠭᠤ ᠴᠤ ᠭᠡᠰᠡᠨ ᠤᠩᠰᠢᠬᠤ ᠶᠢ ᠪᠢᠲᠡᠭᠡᠢ ᠭᠡᠯᠡ᠂ ᠪᠠᠶᠢᠨᠠ ᠭᠡᠰᠡᠨ ᠢᠶᠠᠨ ᠴᠤ | ᠮᠡᠳᠡᠭᠳᠡᠵᠦ ᠪᠤᠯᠬᠤ ᠦᠭᠡᠢ ᠰᠦᠷᠡᠬᠡᠢ ᠨᠣᠮ ᠶᠤᠮ ᠪᠠᠶᠢᠨᠠ ᠭᠡᠵᠦ ᠮᠡᠳᠡᠭᠰᠡᠨ ᠳᠠᠷᠤᠢ ᠳᠤ ᠭᠡᠳᠡᠷᠭᠦ ᠪᠠᠨ ᠶᠠᠭᠠᠬᠢᠵᠤ | ᠪᠠᠶᠢᠭᠠᠳ ᠴᠤ ᠭᠡᠰᠡᠨ ᠤᠩᠰᠢᠵᠤ ᠦᠵᠡᠬᠦ ᠶᠤᠮ ᠰᠠᠨ ᠭᠡᠰᠡᠨ ᠬᠦᠰᠡᠯ ᠪᠤᠴᠠᠯᠤᠨ ᠰᠣᠨᠢᠷᠬᠠᠵᠤ ᠡᠬᠢᠯᠡᠭᠰᠡᠨ ᠢ ᠬᠡᠯᠡᠬᠦ | ᠤᠤ᠃ | ᠲᠡᠷᠡ ᠦᠶᠡ ᠳᠤ ᠦᠳᠡ ᠠᠴᠠ ᠬᠤᠶᠢᠰᠢ ᠬᠤᠶᠠᠷ ᠬᠢᠴᠢᠶᠡᠯ ᠣᠷᠣᠪᠠᠯ ᠳᠠᠷᠠᠭᠠ ᠨᠢ ᠬᠢᠴᠢᠶᠡᠯ ᠤᠨ ᠭᠠᠳᠠᠨᠠ | ᠶᠢᠨ ᠬᠥᠳᠡᠯᠭᠡᠭᠡᠨ ᠬᠡᠮᠡᠨ ᠲᠠᠮᠢᠷ ᠤᠷᠠᠯᠢᠭ ᠤᠨ ᠠᠵᠢᠯᠯᠠᠭᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠳᠠᠭ ᠪᠠᠶᠢᠭᠰᠠᠨ᠃ ᠡᠭᠡᠴᠢ | ᠰᠤᠷᠭᠠᠭᠤᠯᠢ ᠶᠢᠨ ᠰᠠᠭᠰᠤᠨ ᠪᠥᠮᠪᠥᠭᠡᠨ ᠤ ᠠᠩᠭᠢ ᠶᠢ ᠳᠠᠭᠠᠭᠤᠯᠤᠨ ᠰᠣᠷᠢᠶᠠ ᠬᠢᠬᠦ ᠪᠥᠭᠡᠳ ᠪᠥᠵᠢᠭ ᠤᠨ ᠠᠩᠭᠢ | ᠳᠤ ᠪᠥᠵᠢᠭ ᠵᠢᠭᠠᠳᠠᠭ ᠪᠣᠯᠬᠤᠷ ᠬᠢᠴᠢᠶᠡᠯ ᠤᠨ ᠭᠠᠳᠠᠨᠠ ᠶᠢᠨ ᠬᠥᠳᠡᠯᠭᠡᠭᠡᠨ ᠤ ᠴᠠᠭ ᠲᠤ ᠪᠦᠷ ᠴᠤ ᠶᠠᠭᠠᠷᠠᠤ | ᠪᠣᠯᠣᠨᠠ᠃ ᠳᠡᠭᠡᠭᠦᠯᠡᠷ ᠪᠢ ᠪᠠᠶᠢᠷᠢᠨ ᠳᠤᠨᠢ ᠣᠷᠣᠭᠠᠳ ᠨᠦᠭᠦᠭᠡ ᠲᠠᠪᠰᠠᠭ ᠢ ᠨᠢ ᠨᠡᠭᠡᠭᠡᠨ ᠡᠪᠬᠡᠭᠡᠰᠦᠲᠡᠢ | ᠬᠤᠪᠴᠠᠰᠤ᠂ ᠳᠡᠪᠡᠯ ᠤᠨ ᠥᠩᠭᠡ ᠮᠡᠲᠦᠰ ᠤᠨ ᠬᠠᠵᠠᠭᠤ ᠪᠠᠷ ᠭᠠᠷ ᠢᠶᠠᠨ ᠣᠷᠣᠭᠤᠯᠤᠨ ᠨᠦᠭᠦᠭᠡ ᠨᠢᠳᠦᠯᠡᠭᠰᠡᠨ | ᠨᠣᠮ ᠢᠶᠠᠨ ᠲᠡᠮᠳᠡᠭᠡ ᠪᠠᠷ ᠢᠶᠠᠨ ᠣᠯᠵᠤ ᠡᠪᠦᠷᠯᠡᠭᠡᠳ ᠬᠡᠨ ᠳᠤ ᠴᠤ ᠮᠡᠳᠡᠭᠳᠡᠯ ᠦᠭᠡᠢ ᠪᠠᠷ ᠰᠤᠷᠭᠠᠭᠤᠯᠢ ᠶᠢᠨ | ᠮᠣᠳᠣᠨ ᠬᠦᠷᠢᠶᠡᠨ ᠤ ᠬᠤᠶᠢᠨᠠᠬᠢ ᠰᠢᠪᠠᠭ ᠲᠤ ᠣᠴᠢᠨ ᠨᠢᠭᠤᠵᠤ ᠤᠩᠰᠢᠭᠠᠳ ᠣᠷᠣᠢ ᠶᠢᠨ ᠬᠤᠭᠤᠯᠠᠨ ᠤ ᠳᠠᠷᠠᠭᠠ | ᠪᠠᠭᠰᠢ ᠨᠠᠷ ᠠᠯᠪᠠᠨ ᠭᠡᠷ ᠲᠡᠭᠡᠨ ᠣᠴᠢᠨ ᠳᠠᠰᠬᠠᠯ ᠬᠠᠯᠠᠬᠤ ᠴᠢᠯᠦᠭᠡᠨ ᠳᠤ ᠪᠤᠴᠠᠭᠠᠭᠠᠳ ᠣᠷᠣᠨ ᠳᠤᠨᠢ ᠠᠪᠠᠴᠢᠨ | ᠲᠠᠯᠪᠢᠴᠢᠬᠠᠳᠠᠭ ᠪᠣᠯᠪᠠ᠃ ᠪᠢ ᠢᠩᠭᠢᠵᠦ ᠯᠠ ︽ᠳᠠᠭᠢᠯ ᠵᠤᠯᠠ ᠬᠠᠭᠠᠨ ᠤ ᠦᠯᠡᠳᠡᠯ ᠲᠠᠩᠰᠤᠭ ᠪᠤᠮᠪᠠ ᠬᠠᠭᠠᠨ ᠤ | ᠠᠴᠢ ᠦᠵᠦᠩ ᠠᠯᠳᠠᠷ ᠬᠠᠭᠠᠨ ᠤ ᠬᠥᠪᠡᠭᠦᠨ ᠦᠶᠡ ᠶᠢᠨ ᠥᠨᠥᠴᠢᠨ ᠵᠠᠩᠭᠠᠷ ᠤᠨ ᠲᠤᠭᠤᠵᠢ ᠠᠷᠪᠠᠨ ᠭᠤᠷᠪᠠᠨ | ᠪᠦᠯᠦᠭ︾ ᠢ ᠰᠢᠮᠡᠷᠭᠡᠨ ᠤᠩᠰᠢᠵᠤ ᠳᠠᠭᠤᠰᠬᠠᠭᠰᠠᠨ ᠪᠢᠯᠡ᠃ | ᠡᠳᠦᠭᠡ ᠪᠤᠳᠤᠪᠠᠰᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠣᠨ ᠤ ᠬᠡᠦᠬᠡᠳ ᠶᠠᠭᠠᠬᠢᠵᠤ ᠣᠶᠢᠯᠠᠭᠠᠬᠤ | ᠪᠤᠢ ᠳ᠋ᠠ ᠭᠡᠮᠡᠷ ᠲᠡᠷᠡ ᠯᠠ ᠨᠣᠮ ᠮᠢᠨᠤ ᠴᠢᠰᠤ ᠶᠢ ᠣᠶᠢᠯᠤᠭᠤᠯᠵᠤ ᠵᠢᠷᠦᠬᠡ ᠶᠢ ᠳᠡᠯᠡᠰᠦᠭᠦᠯᠵᠦ᠂ ᠡᠷᠡ ᠶᠢᠨ ᠰᠠᠶᠢᠨ ᠢ | ᠪᠠᠭ᠋ᠠᠳᠤᠨ ᠭᠦᠯᠦᠭ ᠤᠨ ᠰᠠᠶᠢᠨ ᠢ ᠱᠠᠭᠰᠢᠷᠠᠵᠤ᠂ ᠳᠠᠭᠠᠷᠠᠬᠤ ᠬᠦᠢᠲᠡᠨ ᠦᠭᠡᠢ᠂ ᠬᠠᠯᠠᠭᠠᠬᠤ ᠬᠠᠯᠠᠭᠤᠨ ᠦᠭᠡᠢ᠂ ᠰᠡᠷ | ᠰᠡᠷ ᠭᠡᠰᠡᠨ ᠰᠠᠯᠬᠢ ᠲᠠᠢ᠂ ᠪᠤᠷ ᠪᠤᠷ ᠭᠡᠰᠡᠨ ᠬᠤᠷᠠ ᠲᠠᠢ ᠪᠤᠮᠪᠠ ᠶᠢᠨ ᠰᠠᠶᠢᠬᠠᠨ ᠣᠷᠣᠨ ᠳᠤ ᠴᠠᠭ ᠤᠨ | ᠣᠭᠲᠠᠷᠭᠤᠢ ᠶᠢ ᠠᠯᠭᠠᠰᠠᠨ ᠣᠷᠣᠨ ᠤ ᠬᠢᠵᠠᠭᠠᠷ ᠢ ᠡᠪᠳᠡᠭᠡᠳ ᠪᠤᠳᠠ ᠪᠡᠶᠡ ᠪᠠᠷ ᠢᠶᠠᠨ ᠭᠦᠷᠦᠭᠡᠳ ᠣᠴᠢᠭᠰᠠᠨ | ᠮᠡᠲᠦ ᠭᠠᠶᠢᠬᠠᠯᠲᠠᠢ ᠮᠡᠳᠡᠷᠡᠮᠵᠢ ᠶᠢ ᠲᠦᠷᠦᠭᠦᠯᠦᠭᠰᠡᠭᠡᠷ ᠪᠠᠶᠢᠭᠰᠠᠨ ᠤ ᠠᠯᠢ ᠶᠢ ᠲᠡᠷᠡ ᠭᠡᠬᠦ ᠪᠤᠢ᠃ ᠠᠷᠠᠨᠵᠠᠯ | ᠵᠡᠭᠡᠷᠳᠡ ᠭᠦᠯᠦᠭ ᠲᠠᠢ ᠠᠯᠳᠠᠷ ᠨᠣᠶᠠᠨ ᠵᠠᠩᠭᠠᠷ ᠤᠨ ᠪᠠᠷᠠᠭᠤᠨ ᠪᠡᠶᠡ ᠶᠢ ᠠᠬᠠᠯᠠᠳᠠᠭ ᠠᠭᠰᠤᠮ ᠵᠡᠭᠡᠷᠳᠡ ᠮᠣᠷᠢ ᠲᠠᠢ | ᠪᠠᠶᠠᠨ ᠭᠦᠩᠭᠡ ᠶᠢᠨ ᠠᠯᠲᠠᠨ ᠴᠡᠭᠡᠵᠢ᠂ ᠵᠡᠭᠦᠨ ᠪᠡᠶᠡ ᠶᠢ ᠠᠬᠠᠯᠠᠳᠠᠭ ᠤᠴᠤᠯ ᠬᠥᠬᠡ ᠬᠠᠯᠵᠠᠨ ᠭᠦᠯᠦᠭ ᠲᠠᠢ | ᠵᠡᠭᠦᠳᠦᠨ ᠪᠣᠯᠤᠭᠰᠠᠨ ᠠᠷᠠᠭ ᠤᠯᠠᠭᠠᠨ ᠬᠤᠩᠭᠤᠷ ᠠᠴᠠ ᠡᠬᠢᠯᠡᠭᠡᠳ ᠵᠠᠭᠠᠨ ᠤ ᠲᠠᠪᠠᠭᠲᠤ ᠬᠠᠶᠢᠰᠠᠨ ᠬᠠᠷᠠ ᠭᠦᠯᠦᠭ | ᠲᠠᠢ ᠭᠦᠵᠡᠭᠡᠨ ᠭᠦᠮᠪᠢ᠂ ᠬᠦᠷᠡᠩ ᠬᠠᠯᠵᠠᠨ ᠮᠣᠷᠢ ᠲᠠᠢ ᠬᠥᠮᠥᠨ ᠤ ᠨᠠᠴᠢᠨ ᠬᠦᠨᠳᠦ ᠭᠠᠷᠲᠤ ᠰᠠᠪᠠᠷ᠂ ᠪᠤᠭᠤᠷᠤᠯ | ᠬᠠᠯᠵᠠᠨ ᠭᠦᠯᠦᠭ ᠲᠠᠢ ᠪᠤᠯᠠᠩᠭᠢᠷ ᠤᠨ ᠬᠥᠪᠡᠭᠦᠨ ᠳᠤᠬᠰᠢᠨ ᠬᠠᠷᠠ ᠰᠠᠨᠠᠯ᠂ ᠬᠤᠷᠳᠤᠨ ᠬᠠᠷᠠ ᠮᠣᠷᠢ ᠲᠠᠢ ᠬᠥᠬᠡ | ᠮᠥᠩᠭᠦᠨ ᠰᠢᠭᠰᠢᠷᠡᠭᠡ᠂ ᠴᠠᠭᠠᠰᠢᠳᠠ ᠪᠠᠨ ᠶᠡᠷᠡᠨ ᠨᠢᠭᠡᠨ ᠴᠢᠪᠬᠠᠳᠠᠰᠤ ᠲᠠᠢ ᠶᠡᠨᠳᠡᠷ ᠮᠥᠩᠭᠦᠨ ᠬᠤᠭᠤᠷ ᠢᠶᠠᠨ | ᠵᠢᠩᠭᠢᠰ ᠬᠢᠲᠡᠯᠡ ᠲᠠᠲᠠᠳᠠᠭ ᠠᠯᠳᠠᠷ ᠵᠠᠩᠭᠠᠷ ᠤᠨ ᠬᠠᠲᠤᠨ ᠠᠭᠠᠢ ᠱᠠᠪᠲᠠᠯᠠ᠂ ᠠᠭᠠᠢ ᠱᠠᠪᠳᠠᠯᠠ ᠶᠢᠨ ᠬᠤᠭᠤᠷ ᠤᠨ | ᠡᠭᠡᠰᠢᠭ ᠢ ᠠᠯᠳᠠᠯ ᠦᠭᠡᠢ ᠳᠠᠭᠠᠵᠤ ᠳᠠᠭᠤᠯᠠᠳᠠᠭ ᠠᠯᠲᠠᠨ ᠰᠢᠷᠭᠠᠯ ᠮᠣᠷᠢ ᠲᠠᠢ ᠣᠷᠴᠢᠯᠠᠩ ᠤᠨ ᠰᠠᠶᠢᠬᠠᠨ ᠮᠢᠩᠶᠡᠨ | ᠭᠡᠳ ᠪᠦᠭᠦᠳᠡ ᠮᠢᠨᠤ ᠪᠤᠳᠤᠯ ᠰᠡᠳᠬᠢᠯ ᠳᠤ ᠠᠮᠢᠯᠠᠨ ᠪᠣᠰᠣᠭᠠᠳ ᠪᠢ ᠲᠡᠲᠡᠨ ᠲᠠᠢ ᠴᠤᠭ ᠳᠠᠶᠢᠯᠠᠬᠤ ᠳᠠᠶᠢᠰᠤᠨ | ᠬᠡᠵᠢᠶᠡ ᠤᠴᠠᠷᠠᠬᠤ ᠪᠤᠢ᠂ ᠭᠥᠷᠥᠭᠡᠯᠡᠬᠦ ᠭᠥᠷᠥᠭᠡᠰᠦᠨ ᠬᠡᠵᠢᠶᠡ ᠲᠠᠭᠠᠷᠠᠯᠳᠤᠬᠤ ᠪᠤᠢ ᠭᠡᠳ ᠲᠠᠲᠠᠯᠳᠤᠵᠤ | ᠰᠢᠭᠦᠷᠡᠯᠳᠦᠵᠦ ᠰᠠᠭᠤᠳᠠᠭ ᠪᠣᠯᠤᠭᠰᠠᠨ᠃ ᠳᠡᠭᠡᠭᠦ ᠲᠤᠰᠤᠮ ᠢᠶᠠᠨ ᠰᠢᠩᠭᠡᠨ ᠪᠤᠭᠤᠷᠤᠯ ᠭᠡᠵᠢᠭᠡ ᠲᠠᠢ ᠰᠢᠷᠠᠮᠠᠩ | ᠨᠢᠮᠭᠡᠨ ᠴᠢᠷᠠᠢ ᠲᠠᠢ ᠡᠩᠬᠡᠪᠠᠶᠠᠷ ᠠᠪᠤ ᠶᠢ ᠠᠯᠲᠠᠨ ᠴᠡᠭᠡᠵᠢ᠂ ᠳᠠᠰ ᠬᠢᠭᠰᠡᠨ ᠲᠠᠭᠤ ᠲᠠᠢ ᠢᠷᠠᠰ ᠬᠢᠭᠰᠡᠨ ᠰᠢᠳᠦ ᠲᠠᠢ | ᠰᠦᠮᠪᠦᠷ ᠠᠪᠠᠢ ᠶᠢ ᠬᠤᠩᠭᠤᠷ᠂ ᠬᠦᠴᠦ ᠪᠢᠷᠠ ᠲᠠᠢ ᠬᠦᠳᠡᠷ ᠰᠠᠶᠢᠬᠠᠨ ᠪᠡᠶᠡ ᠲᠠᠢ ᠪᠤᠤᠰᠤᠸᠠᠷ ᠠᠬᠠ ᠶᠢ ᠬᠦᠨᠳᠦ | ᠭᠠᠷᠲᠤ ᠰᠠᠪᠠᠷ ᠮᠥᠨ ᠰᠠᠨ ᠪᠣᠯᠪᠠ ᠤᠤ ᠬᠡᠮᠡᠨ ᠭᠠᠴᠠᠭᠠᠨ ᠤ ᠪᠠᠨ ᠬᠥᠮᠥᠰ ᠢ ᠵᠠᠩᠭᠠᠷ ᠤᠨ ᠪᠠᠭᠠᠲᠤᠷ ᠤᠳ ᠢᠶᠠᠷ | ᠲᠥᠰᠥᠭᠡᠯᠡᠵᠦ᠂ ᠠᠪᠤ ᠶᠢᠨ ᠬᠠᠷᠢᠭᠤᠯᠳᠠᠭ ᠠᠳᠤᠭᠤᠨ ᠤ ᠳᠣᠲᠣᠷᠠ ᠠᠴᠠ ᠲᠦᠮᠡ ᠨᠠᠢᠮᠠᠨ ᠮᠢᠩᠭᠠᠨ ᠴᠢᠰᠤᠨ | ᠵᠡᠭᠡᠷᠳᠡ ᠠᠭᠲᠠ ᠰᠠᠯᠭᠠᠨ ᠠᠯᠢᠶᠠ ᠮᠤᠩᠭᠤᠯᠠᠢ ᠪᠣᠯᠵᠤ ᠭᠡᠯᠢᠨ ᠳᠠᠪᠬᠢᠭᠤᠯᠬᠤ ᠶᠤᠮ ᠰᠠᠨ ᠭᠡᠵᠦ ᠮᠥᠷᠥᠭᠡᠳᠳᠡᠭ ᠴᠤ | ᠪᠠᠶᠢᠯᠠ᠃ ᠬᠡᠦᠬᠡᠳ ᠦᠵᠡᠭᠰᠡᠨ ᠢᠶᠠᠨ ᠭᠡᠭᠴᠢ ᠪᠠᠷ ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠵᠠᠩᠭᠠᠷ ᠤᠨ ᠦᠯᠢᠭᠡᠷ ᠢ ᠶᠠᠷᠢᠨ | ᠰᠣᠨᠣᠰᠬᠠᠬᠤ ᠬᠦᠰᠡᠯ ᠪᠠᠶᠢᠨ ᠪᠠᠶᠢᠨ ᠳᠡᠪᠡᠯᠵᠡᠭᠡᠳ ᠡᠴᠦᠰ ᠲᠡᠭᠡᠨ ᠨᠢᠭᠡᠨ ᠡᠳᠦᠷ ᠳᠡᠰᠴᠦ ᠴᠢᠳᠠᠯ ᠦᠭᠡᠢ ᠳᠡᠭᠡᠷᠡ | ᠳᠣᠣᠷᠠ ᠣᠨ ᠤ ᠬᠡᠳᠦᠨ ᠬᠡᠦᠬᠡᠳ ᠤᠨ ᠳᠤᠮᠳᠠ ᠳᠡᠪᠡᠯ ᠳᠡᠭᠡᠨ ᠪᠠᠭᠲᠠᠵᠤ ᠶᠠᠳᠠᠭᠰᠠᠨ ᠰᠦᠷᠡᠬᠡᠢ ᠠᠮᠢᠲᠠᠨ᠄ ︽ᠡᠵᠡᠨ | ᠨᠣᠶᠠᠨ ᠵᠠᠩᠭᠠᠷ᠂ ᠣᠷᠴᠢᠯᠠᠩ ᠤᠨ ᠰᠠᠶᠢᠬᠠᠨ ᠮᠢᠩᠶᠠᠨ ᠢᠶᠠᠨ ᠳᠠᠭᠠᠭᠤᠯᠤᠭᠠᠳ ᠳᠡᠯᠳᠡᠩ ᠳᠡᠯᠳᠡᠩ ᠰᠠᠶᠢᠪᠤᠷ ᠢᠶᠠᠷ | ᠰᠠᠶᠢᠪᠤᠷᠯᠠᠭᠤᠯᠤᠭᠠᠳ ᠪᠤᠮ ᠭᠦᠢᠴᠡᠭᠰᠡᠨ ᠵᠠᠬᠠᠷ ᠤᠨ ᠡᠮᠦᠨᠡ ᠪᠡᠶᠡ ᠪᠠᠷ ᠭᠠᠷᠤᠭᠠᠳ ᠢᠷᠡᠬᠦ ᠶᠢᠨ ᠴᠠᠭ ᠲᠤ ᠭᠤᠣᠯ | ᠳᠡᠭᠡᠷᠡ ᠤᠰᠤ ᠠᠪᠴᠤ ᠪᠠᠶᠢᠭᠰᠠᠨ ᠡᠮᠡᠭᠡᠨ ᠬᠥᠮᠥᠨ ᠦᠵᠡᠭᠡᠳ ᠤᠳᠬᠤᠭᠤᠷ ᠢᠶᠠᠷ ᠢᠶᠠᠨ ᠭᠠᠵᠠᠷ ᠳᠡᠯᠡᠳᠦᠨ᠂ ᠠᠢ | ᠴᠠᠪᠠᠰᠤ ᠮᠢᠨᠢ᠂ ᠠᠷᠪᠠᠨ ᠲᠠᠪᠤᠨ ᠨᠠᠰᠤᠨ ᠳᠤ ᠤᠴᠠᠷᠠᠬᠤ ᠪᠠᠨ ᠶᠠᠭᠠᠬᠢᠯᠠ ᠡᠶᠢᠮᠦ ᠰᠠᠶᠢᠬᠠᠨ ᠬᠥᠮᠥᠨ ᠲᠠᠢ ᠭᠡᠳ | ᠤᠭᠢᠯᠠᠨ ᠬᠠᠶᠢᠯᠠᠵᠤ ᠪᠠᠶᠢᠨᠠ ᠭᠡᠨᠡ︾ ᠬᠡᠮᠡᠨ ᠬᠤᠩᠭᠤᠷ ᠤᠨ ᠭᠡᠷ ᠠᠪᠤᠯᠭᠠ ᠶᠢᠨ ᠪᠦᠯᠦᠭ ᠢ ᠬᠡᠯᠡᠭᠡᠳ ᠰᠠᠭᠤᠵᠤ | ᠪᠠᠶᠢᠬᠤ ᠶᠢᠨ ᠴᠠᠭ ᠲᠤ ᠠᠷᠤ ᠳᠤ ᠳᠠᠰ ᠬᠢᠭᠰᠡᠨ ᠳᠠᠭᠤ ᠭᠠᠷᠴᠤ᠂ ᠤᠷᠢᠳᠤ ᠨᠢ ᠪᠠᠭᠰᠢ ᠬᠢᠵᠦ ᠪᠠᠶᠢᠭᠰᠠᠨ ᠨᠢᠭᠡᠨ | ᠤᠯᠴᠠᠭᠠᠷ ᠤᠯᠠᠭᠠᠨ ᠡᠷᠡ᠄ ︽ᠭᠡᠶᠢᠷᠦᠪ ᠤᠨ ᠬᠦᠦ ᠴᠢ ᠶᠠᠭᠠᠬᠢᠵᠤ ᠡᠶᠢᠮᠦ ᠬᠠᠷᠠ ᠹᠧᠣᠳᠠᠯ ᠤᠨ ᠬᠤᠭ ᠪᠣᠯᠤᠭᠰᠠᠨ | ᠮᠠᠭᠤᠬᠠᠢ ᠦᠯᠢᠭᠡᠷ ᠬᠡᠯᠡᠳᠡᠭ ᠪᠠᠶᠢᠨᠠ︖ ᠨᠣᠮ ᠠᠴᠠ ᠤᠩᠰᠢᠭᠰᠠᠨ ᠪᠣᠯ ᠨᠣᠮ ᠴᠢᠨᠢ ᠬᠠᠮᠢᠭᠠ ᠪᠠᠶᠢᠨᠠ︖ | ᠬᠥᠮᠥᠨ ᠠᠴᠠ ᠰᠣᠨᠣᠰᠤᠭᠰᠠᠨ ᠪᠣᠯ ᠬᠥᠮᠥᠨ ᠨᠢ ᠬᠡᠨ ᠪᠤᠢ︖︾ ᠬᠡᠮᠡᠨ ᠵᠠᠩᠨᠠᠵᠤ ᠭᠠᠷᠬᠤ ᠳᠤᠨᠢ ᠬᠡᠦᠬᠡᠨ ᠴᠠᠭᠠᠨ | ᠨᠣᠶᠠᠨ ᠢ ᠪᠦᠰᠡᠨ ᠠᠴᠠ ᠨᠢ ᠰᠢᠭᠦᠷᠡᠵᠦ ᠡᠮᠦᠨᠡ ᠪᠠᠨ ᠪᠠᠷᠢᠭᠠᠳ ᠠᠯᠲᠠᠨ ᠲᠤᠷᠯᠢᠭ ᠪᠠᠶᠢᠰᠢᠩ ᠤᠨ ᠳᠤᠮᠳᠠ | ᠠᠪᠤᠭᠠᠳ ᠣᠷᠣᠭᠰᠠᠨ ᠬᠤᠰᠢᠭᠤᠨ ᠤᠯᠠᠭᠠᠨ ᠠᠳᠠᠯᠢ ᠭᠡᠳᠡᠰᠬᠢᠵᠦ᠄ ︽ᠬᠡᠨ ᠤ ᠬᠦᠦ ᠭᠡᠭᠴᠢ ᠶᠢ ᠨᠢ ᠮᠡᠳᠡᠭᠰᠡᠭᠡᠷ | ᠪᠠᠶᠢᠵᠤ᠂ ᠬᠡᠨ ᠠᠴᠠ ᠰᠣᠨᠣᠰᠤᠭᠰᠠᠨ ᠭᠡᠭᠴᠢ ᠶᠢ ᠨᠢ ᠰᠠᠨᠠᠳᠠᠭ ᠦᠭᠡᠢ ᠤᠤ ᠲᠠ︾ ᠭᠡᠰᠡᠨ ᠰᠠᠨ᠃ ᠨᠦᠭᠦᠭᠡ ᠬᠥᠮᠥᠨ | ᠬᠠᠮᠠᠷ ᠢᠶᠠᠷ ᠢᠶᠠᠨ ᠵᠠᠨᠤᠭᠠᠳ ᠡᠷᠭᠢᠭᠡᠳ ᠶᠠᠪᠤᠭᠰᠠᠨ ᠤ ᠬᠢᠨᠢ ᠠᠷᠤ ᠳᠤ ᠠᠪᠤ ᠠᠴᠠ ᠠᠰᠠᠭᠤᠪᠠᠯ ᠶᠠᠭᠠᠬᠢᠨᠠ ᠬᠡᠮᠡᠨ | ᠠᠶᠢᠳᠠᠰ ᠲᠤ ᠣᠷᠢᠶᠠᠭᠳᠠᠨ ᠲᠠᠭᠵᠢᠭᠰᠠᠨ ᠬᠢᠷᠢ ᠨᠢ ᠪᠠᠨ ᠦᠭᠦᠴᠡᠨ ᠤ ᠴᠢᠯᠦᠭᠡ ᠪᠠᠷ ᠬᠠᠷᠢᠬᠤ ᠲᠠᠰᠢᠷᠠᠮ ᠢᠶᠠᠷ | ᠠᠪᠤ ᠳᠠᠭᠠᠨ ᠦᠶᠡ ᠶᠢᠨ ᠥᠨᠥᠴᠢᠨ ᠵᠠᠩᠭᠠᠷ ᠤᠨ ᠦᠯᠢᠭᠡᠷ ᠲᠤᠤᠯᠢ ᠭᠡᠳ ᠵᠢᠷᠭᠢᠵᠦ ᠭᠠᠷᠤᠭᠰᠠᠨ ᠪᠢᠯᠡ᠃ ᠳᠡᠭᠡᠭᠦ | ᠳᠤ ᠠᠪᠤ ᠮᠠᠨᠢ ︽ᠳ᠋ᠠᠨᠢᠰᠲᠠᠨ ᠭᠠᠷᠤᠳᠢ︾ ᠬᠡᠮᠡᠬᠦ ᠪᠡᠰᠡᠷᠡᠭ ᠲᠤᠤᠯᠢ ᠶᠢ ᠪᠠᠭᠠ ᠳᠠᠭᠠᠨ ᠰᠣᠨᠣᠰᠴᠤ ᠪᠠᠶᠢᠯᠠ ᠭᠡᠳ ᠨᠠᠳᠠ | ᠳᠤ ᠪᠦᠷᠢᠨ ᠤᠳᠬᠠ ᠪᠠᠷ ᠨᠢ ᠶᠠᠷᠢᠭᠰᠠᠨ ᠨᠢ ᠬᠤᠰᠢᠭᠤᠨ ᠤᠯᠠᠭᠠᠨ᠂ ᠪᠠᠭᠠᠲᠤᠷ ᠵᠢᠯᠭᠠᠨ᠂ ᠠᠯᠢᠶᠠ ᠱᠣᠩᠬᠤᠷ ᠤᠨ | ᠪᠦᠯᠦᠭ ᠲᠠᠢ ᠲᠡᠩᠴᠡᠮᠡ ᠰᠠᠶᠢᠬᠠᠨ ᠰᠠᠨᠠᠭᠳᠠᠬᠤ ᠪᠠᠷ ᠨᠢ ᠪᠢ ᠠᠪᠤ ᠪᠠᠨ ᠲᠤᠤᠯᠢ ᠮᠡᠳᠡᠳᠡᠭ ᠶᠤᠮ ᠪᠠᠶᠢᠨᠠ ᠬᠡᠮᠡᠨ | ᠣᠶᠢᠯᠠᠭᠠᠵᠤ ᠲᠠᠶᠢᠳᠬᠤᠷᠠᠭᠰᠠᠨ ᠳ᠋ᠠᠭ᠃ | 1958 ᠣᠨ ᠳᠤ ᠥᠪᠥᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠠᠴᠠ ᠬᠡᠪᠯᠡᠭᠦᠯᠦᠭᠰᠡᠨ ᠲᠡᠷᠡ | ᠬᠦ ᠠᠷᠪᠠᠨ ᠭᠤᠷᠪᠠᠨ ᠪᠦᠯᠦᠭᠲᠦ ︽ᠵᠠᠩᠭᠠᠷ︾ ᠢᠶᠠᠨ ᠡᠭᠡᠴᠢ ᠮᠠᠨᠢ ᠨᠠᠮᠠ ᠶᠢ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ | ᠣᠷᠣᠭᠰᠠᠨ ᠤ ᠬᠤᠶᠢᠨᠠ ᠨᠠᠳᠠ ᠳᠤ ᠥᠭᠭᠦᠭᠰᠡᠨ ᠨᠢ ᠤᠳᠤ ᠴᠤ ᠮᠢᠨᠤ ᠬᠠᠳᠠᠭᠠᠯᠠᠮᠵᠢ ᠳᠤ ᠪᠠᠶᠢᠭᠰᠠᠭᠠᠷ ᠪᠠᠶᠢᠨᠠ᠃ | ᠤᠷᠠᠨ ᠰᠠᠨᠠᠭᠠᠨ ᠤ ᠵᠢᠭᠦᠷ ᠳᠠᠯᠠᠪᠴᠢ ᠪᠠᠨ ᠴᠢᠯᠦᠭᠡᠲᠡᠢ ᠳᠡᠪᠢᠬᠦ ᠳᠤ ᠮᠠᠨᠢ ᠲᠤᠰᠠᠯᠠᠭᠰᠠᠨ ᠤᠤᠯ ᠨᠣᠮ ᠤᠨ ᠠᠮᠢᠳᠤ | ᠳᠦᠷᠰᠦᠯᠢᠭ ᠵᠡᠭᠦᠯᠲᠡ ᠵᠢᠷᠤᠭ ᠪᠣᠯᠣᠨ ᠵᠢᠭᠢᠷᠢᠭ ᠵᠢᠷᠤᠭ ᠤᠳ ᠪᠣᠯ ᠦᠨᠡᠬᠡᠷ ᠰᠠᠶᠢᠬᠠᠨ ᠤᠷᠠᠯᠢᠭ ᠤᠨ ᠪᠦᠲᠦᠭᠡᠯ | ᠤᠳ ᠪᠢᠯᠡ᠃ ᠳᠠᠩᠴᠤ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠬᠡᠪᠯᠡᠯ ᠤᠨ ᠮᠡᠷᠭᠡᠵᠢᠯ ᠠᠴᠠ ᠰᠢᠯᠲᠠᠭᠠᠯᠠᠭᠠᠳ ᠲᠡᠳᠡᠭᠡᠷ ᠪᠠᠷ | ᠵᠢᠷᠤᠭ ᠤᠨ ᠵᠢᠷᠤᠭᠠᠰᠤ ᠲᠠᠲᠠᠯᠭᠠ ᠨᠢ ᠪᠠᠯᠠᠷᠠᠬᠤ ᠪᠤᠶᠤ ᠵᠠᠯᠭᠠᠯᠳᠤᠭᠠᠳ ᠪᠦᠳᠦᠭᠦᠪᠴᠢ ᠵᠢᠷᠤᠭ ᠲᠡᠳᠦᠢ | ᠪᠣᠯᠴᠢᠬᠠᠭᠠᠳ ᠪᠠᠶᠢᠭᠰᠠᠨ ᠢ 2018 ᠣᠨ ᠳᠤ ᠥᠪᠥᠷ ᠮᠣᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠠᠴᠠ | ᠳᠠᠭᠢᠨ ᠬᠡᠪ ᠬᠢᠵᠦ ᠬᠡᠪᠯᠡᠭᠦᠯᠬᠦ ᠳᠤᠨᠢ ᠪᠢ ᠨᠢᠭᠡ ᠨᠢᠭᠡ ᠵᠢᠷᠤᠭᠠᠰᠤ᠂ ᠨᠢᠭᠡ ᠨᠢᠭᠡ ᠴᠡᠭ ᠳᠤᠰᠤᠯ ᠭᠦᠷᠲᠡᠯᠡ ᠨᠢ | ᠨᠠᠷᠢᠪᠴᠢᠯᠠᠨ ᠬᠢᠨᠠᠵᠤ ᠠᠷᠢᠭᠤᠳᠬᠠᠨ ᠰᠡᠷᠭᠦᠭᠡᠵᠦ ᠵᠢᠷᠤᠭᠰᠠᠨ᠃ ᠳᠡᠭᠡᠭᠦ ᠳᠤ ᠳᠥᠴᠢᠨ ᠵᠢᠯ ᠤᠨ ᠡᠮᠦᠨᠡ ᠰᠤᠳᠠᠯ | ᠳᠤ ᠮᠠᠨᠢ ᠪᠠᠭᠲᠠᠨ ᠶᠠᠳᠠᠨ ᠬᠦᠷᠬᠢᠷᠡᠨ ᠴᠠᠯᠭᠢᠯᠠᠵᠤ ᠠᠭᠰᠠᠨ ᠨᠢᠯᠬᠠ ᠪᠠᠭᠠ ᠶᠢᠨ ᠴᠢᠰᠤᠨ ᠤ ᠱᠤᠤᠭᠢᠶᠠᠨ ᠮᠥᠨ ᠯᠠ | ᠲᠣᠳᠣᠬᠠᠨ ᠰᠣᠨᠣᠰᠳᠠᠵᠤ ᠪᠠᠶᠢᠯᠠ᠃ | | | | ᠵᠣᠬᠢᠶᠠᠭᠴᠢ ᠶᠢᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ᠄ | ᠪᠡᠰᠦᠲᠡᠢ ᠬᠠᠰᠪᠢᠯᠢᠭ᠌ 1969 ᠣᠨ ᠳᠤ ᠲᠦᠷᠦᠭᠰᠡᠨ᠃ ᠦᠦᠰᠢᠨ ᠨᠤᠲᠤᠭ ᠲᠠᠢ᠃ ᠥᠪᠥᠷ ᠮᠣᠩᠭᠤᠯ ᠤᠨ | ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠶᠢᠨ ᠬᠢᠨᠠᠨ ᠨᠠᠶᠢᠷᠠᠭᠤᠯᠤᠭᠴᠢ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ | ︽ᠠᠷᠪᠠᠨ ᠰᠣᠳᠣᠨ ᠨᠠᠶᠢᠷᠠᠭᠤᠯᠤᠭᠴᠢ︾᠃ ᠤᠯᠠᠨ ᠰᠲ᠋ᠢᠯᠢ ᠪᠠᠷ ᠤᠷᠠᠨ ᠪᠦᠲᠦᠭᠡᠯ ᠲᠤᠭᠤᠷᠪᠢᠵᠤ᠂ ᠤᠷᠢᠳ | ᠬᠤᠵᠢᠳ︽ᠠᠮᠢᠳᠤᠷᠠᠯ ᠤᠨ ᠬᠤᠷᠳᠤᠨ ᠲᠡᠷᠭᠡ︾᠂ ︽ᠶᠠᠰᠢᠯ︾᠂ ︽ᠬᠦᠷᠡᠯ ᠲᠣᠯᠢ︾᠂ ︽ᠳ᠋ᠧᠪᠡᠵᠡᠨ ᠤ ᠬᠡᠦᠬᠡᠳ︾ | ᠵᠡᠷᠭᠡ ᠨᠣᠮ ᠪᠦᠲᠦᠭᠡᠯ ᠢᠶᠠᠨ ᠬᠡᠪᠯᠡᠭᠦᠯᠦᠭᠰᠡᠨ᠃ | | |