| ᠣᠶᠢᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ᠂ 12P/Pons-Brooks ᠱᠦᠭᠦᠷ ᠣᠲᠣ ︵ᠳᠣᠷᠣᠭᠰᠢ 12P | ᠱᠦᠭᠦᠷ ᠣᠲᠣ ᠭᠡᠵᠦ ᠳᠥᠭᠦᠮᠴᠢᠯᠡᠨᠡ︶ ᠨᠢ ᠪᠦᠭᠦ ᠳᠡᠯᠡᠬᠡᠢ ᠶᠢᠨ ᠠᠩᠬᠠᠷᠤᠯ ᠢ ᠲᠠᠲᠠᠵᠤ᠂ ᠮᠠᠰᠢ ᠣᠯᠠᠨ ᠬᠥᠮᠥᠨ | ᠳᠡᠭᠡᠳᠦ ᠲᠤᠳᠤᠷᠠᠴᠠᠳᠤ ᠲᠣᠮᠣ ᠵᠢᠷᠤᠭ ᠠᠴᠠ ᠡᠨᠡ ᠬᠦ ᠨᠢᠭᠤᠴᠠᠭᠠᠢ ︽ᠬᠤᠯᠠ ᠶᠢᠨ ᠵᠣᠴᠢᠨ︾ ᠲᠠᠢ ᠲᠠᠨᠢᠯᠴᠠᠵᠠᠢ | ᠃ | ᠣᠳᠣᠨ ᠣᠷᠣᠨ ᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠲᠦᠭᠡᠮᠡᠯᠵᠢᠭᠦᠯᠦᠯᠲᠡ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ᠂ 12P | ᠱᠦᠭᠦᠷ ᠣᠳᠣ ᠬᠡᠳᠦᠶᠢᠪᠡᠷ ᠶᠡᠷᠦ ᠪᠤᠰᠤ ᠶᠢᠨ ᠢᠯᠡᠷᠡᠯ ᠲᠠᠢ ᠪᠤᠯᠪᠠᠴᠤ ᠬᠠᠮᠤᠭ ᠤᠨ ᠬᠦᠰᠡᠨ ᠬᠦᠯᠢᠶᠡᠭᠦᠰᠢᠲᠡᠢ | ᠱᠦᠭᠦᠷ ᠣᠳᠣ ᠪᠣᠯ ᠽᠢ ᠶᠢᠨ ᠱᠠᠨ - ᠠᠲᠯᠠᠰ ᠱᠦᠭᠦᠷ ᠣᠳᠣ ᠪᠣᠯᠣᠨᠠ᠂ ᠲᠡᠷᠡ ᠨᠢ ᠡᠨᠡ ᠵᠢᠯ ᠤᠨ ᠨᠢᠳᠦᠨ ᠳᠤ | ᠦᠵᠡᠭᠳᠡᠬᠦ ᠭᠠᠶᠢᠬᠠᠮᠰᠢᠭᠲᠤ ᠦᠵᠡᠭᠳᠡᠯ ᠪᠣᠯᠵᠤ ᠮᠡᠳᠡᠨᠡ ᠭᠡᠵᠦ ᠢᠯᠡᠳᠬᠡᠪᠡ᠃ | ᠱᠦᠭᠦᠷ ᠣᠳᠣ ᠪᠣᠯ ᠨᠡᠷᠡᠨ ᠤ ᠠᠶᠢᠮᠠᠭ ᠳᠣᠲᠣᠷᠠᠬᠢ ᠨᠢᠭᠡ ᠵᠦᠢᠯ ᠤᠨ ᠵᠢᠵᠢᠭ ᠣᠳᠣᠨ ᠴᠣᠭᠴᠠᠰ ᠪᠣᠯᠣᠨᠠ᠂ | ᠳ᠋ᠢᠶᠠᠮᠧᠲᠷ ᠨᠢ ᠬᠡᠳᠦᠨ ᠺᠢᠯᠣᠮᠧᠲᠷ ᠠᠴᠠ ᠠᠷᠪᠠᠨ ᠬᠡᠳᠦᠨ ᠺᠢᠯᠣᠮᠧᠲᠷ ᠤᠨ ᠬᠤᠭᠤᠷᠣᠨᠳᠤ ᠪᠠᠶᠢᠳᠠᠭ᠂ ᠲᠡᠭᠦᠨ ᠤ | ᠬᠠᠴᠢᠨ ᠵᠢᠭᠲᠡᠢ ᠭᠠᠳᠠᠷ ᠳᠦᠷᠰᠦ ᠪᠠ ᠣᠯᠵᠤ ᠦᠵᠡᠬᠦ ᠳᠤ ᠪᠡᠷᠬᠡ ᠪᠠᠶᠢᠳᠠᠭ ᠵᠡᠷᠭᠡ ᠠᠴᠠ ᠪᠣᠯᠵᠤ ᠬᠥᠮᠥᠰ ᠤᠨ | ᠠᠩᠬᠠᠷᠤᠯ ᠢ ᠲᠠᠲᠠᠵᠤ ᠪᠠᠶᠢᠨᠠ᠃ | ᠳᠤᠮᠳᠠᠳᠤ ᠤᠯᠤᠰ ᠤᠨ ᠣᠳᠣᠨ ᠣᠷᠣᠨ ᠤ ᠰᠢᠨᠵᠢᠯᠡᠭᠡᠨ ᠤ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ᠂ ᠣᠳᠣᠨ ᠣᠷᠣᠨ ᠤ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠲᠦᠭᠡᠮᠡᠯᠵᠢᠭᠦᠯᠦᠯᠲᠡ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠰᠢᠸ ᠯᠢ ᠫᠧᠩ᠂ ᠱᠦᠭᠦᠷ ᠣᠳᠣᠨ ᠤ | ᠲᠤᠭᠠ ᠬᠡᠮᠵᠢᠶᠡ ᠨᠢ ᠬᠡᠳᠦᠶᠢᠪᠡᠷ ᠮᠠᠰᠢ ᠣᠯᠠᠨ ᠪᠤᠯᠪᠠᠴᠤ ᠣᠯᠠᠩᠬᠢ ᠴᠠᠭ ᠨᠢ ᠴᠥᠮ ᠨᠡᠷᠡᠨ ᠠᠴᠠ ᠬᠤᠯᠠ ᠪᠠᠶᠢᠵᠤ᠂ | ᠭᠡᠷᠡᠯᠲᠦᠴᠡ ᠨᠢ ᠲᠤᠶᠢᠯ ᠤᠨ ᠳᠣᠣᠷᠠ ᠪᠠᠶᠢᠳᠠᠭ ᠪᠣᠯᠬᠤᠷ ᠪᠢᠳᠡ ᠲᠡᠭᠦᠨ ᠢ ᠠᠵᠢᠭᠯᠠᠵᠤ ᠣᠯᠬᠤ ᠠᠷᠭᠠ ᠦᠭᠡᠢ | ᠶᠤᠮ᠃ ᠵᠥᠪᠭᠡᠨ ᠨᠡᠷᠡᠨ ᠤ ᠲᠠᠲᠠᠯᠲᠠ ᠶᠢᠨ ᠬᠦᠴᠦᠨ ᠤ ᠦᠢᠯᠡᠴᠢᠯᠡᠯ ᠳᠣᠣᠷᠠ ᠨᠡᠷᠡᠨ ᠤ ᠣᠷᠴᠢᠨ ᠳᠤ ᠬᠦᠷᠬᠦ | ᠦᠶᠡ ᠳᠤ ᠰᠠᠶ᠋ᠢ ᠪᠢᠳᠡᠨ ᠳᠤ ᠠᠵᠢᠭᠯᠠᠭᠳᠠᠨᠠ᠂ ᠡᠨᠡ ᠦᠶᠡ ᠳᠤ ᠲᠡᠷᠡ ᠨᠢ ᠨᠡᠷᠡᠨ ᠤ ᠰᠠᠴᠤᠷᠠᠯᠲᠠ ᠶᠢᠨ ᠳᠣᠣᠷᠠ | ᠪᠠᠰᠠ ᠤᠷᠲᠤ ᠰᠡᠭᠦᠯ ᠣᠷᠭᠤᠵᠦ ᠭᠠᠷᠤᠨᠠ᠃ ᠱᠦᠭᠦᠷ ᠣᠳᠣ ᠨᠢᠭᠡ ᠪᠦᠷᠢ ᠶᠢᠨ ᠶᠡᠭᠡ ᠪᠠᠭᠠ ᠶᠢᠨ ᠠᠳᠠᠯᠢ | ᠪᠤᠰᠤ ᠠᠴᠠ ᠨᠠᠷᠠ ᠪᠠ ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠤᠨ ᠬᠤᠭᠤᠷᠣᠨᠳᠣᠭᠢ ᠵᠠᠢ ᠵᠢᠴᠢ ᠱᠦᠭᠦᠷ ᠣᠳᠣᠨ ᠤ ᠲᠤᠰ | ᠪᠡᠶᠡ ᠶᠢᠨ ᠪᠠᠶᠢᠳᠠᠯ ᠨᠢ ᠨᠡᠯᠢᠶᠡᠳ ᠶᠡᠭᠡ ᠵᠥᠷᠢᠶᠡ ᠲᠠᠢ ᠪᠠᠶᠢᠵᠤ᠂ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠱᠦᠭᠦᠷ ᠣᠳᠣ ᠦᠨᠡᠬᠡᠷ | ᠮᠠᠰᠢ ᠬᠤᠪᠣᠷ ᠬᠠᠷᠠᠭᠳᠠᠳᠠᠭ᠂ ᠭᠠᠷᠴᠤ ᠢᠷᠡᠮᠡᠭᠴᠡ ᠣᠳᠣᠨ ᠣᠷᠣᠨ ᠤ ᠪᠠᠭ᠋ᠠᠲᠠᠳ ᠤᠨ ᠠᠩᠬᠠᠷᠤᠯ ᠢ ᠲᠠᠲᠠᠳᠠᠭ | ᠭᠡᠵᠦ ᠬᠡᠯᠡᠪᠡ᠃ | ᠣᠶᠢᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠨᠡᠷᠡᠨ ᠤ ᠠᠶᠢᠮᠠᠭ ᠲᠤ ᠪᠤᠴᠠᠵᠤ ᠢᠷᠡᠭᠰᠡᠨ 12P ᠱᠦᠭᠦᠷ ᠣᠳᠣ ᠶᠢᠨ | ᠭᠡᠷᠡᠯᠲᠦᠴᠡ ᠨᠢ ᠳᠡᠯᠡᠬᠡᠢ ᠶᠢᠨ ᠣᠳᠣᠨ ᠣᠷᠣᠨ ᠤ ᠰᠣᠨᠢᠷᠬᠠᠭᠴᠢᠳ ᠤᠨ ᠠᠩᠬᠠᠷᠤᠯ ᠢ ᠲᠠᠲᠠᠭᠰᠠᠨ ᠠᠴᠠ ᠪᠣᠯᠵᠤ᠂ | ᠮᠠᠰᠢ ᠣᠯᠠᠨ ᠬᠥᠮᠥᠰ ᠡᠨᠡ ᠬᠦ ᠱᠦᠭᠦᠷ ᠣᠳᠣ ᠶᠢᠨ ᠭᠠᠶᠢᠬᠠᠮᠰᠢᠭᠲᠤ ᠪᠠᠷᠠ ᠶᠢ ᠠᠮᠵᠢᠯᠲᠠ ᠲᠠᠢ ᠣᠯᠵᠤ ᠬᠠᠷᠠᠪᠠ᠃ | ︽ᠵᠢᠯ ᠤᠨ ᠡᠬᠢᠨ ᠠᠴᠠ ᠨᠠᠭᠠᠰᠢ ᠬᠡᠳᠦᠶᠢᠪᠡᠷ ᠴᠥᠭᠡᠨ ᠪᠤᠰᠤ ᠱᠦᠭᠦᠷ ᠣᠲᠣ ᠣᠭᠲᠠᠷᠭᠤᠢ ᠳᠤ | ᠢᠯᠡᠷᠡᠭᠰᠡᠨ ᠪᠤᠯᠪᠠᠴᠤ 12P ᠱᠦᠭᠦᠷ ᠣᠳᠣᠨ ᠤ ᠢᠯᠡᠷᠡᠯ ᠮᠠᠰᠢ ᠰᠠᠶᠢᠨ ᠪᠠᠶᠢᠨᠠ᠂ ᠨᠢᠭᠡ ᠳᠤ᠂ ᠲᠡᠷᠡ ᠨᠢ ᠦᠨᠡᠬᠡᠷ | ᠭᠦᠢᠴᠡᠳ ᠭᠡᠷᠡᠯ ᠲᠠᠢ ᠪᠠᠶᠢᠵᠤ᠂ 4 ᠰᠠᠷᠠ ᠶᠢᠨ 21 ᠤ ᠡᠳᠦᠷ ᠤᠨ ᠨᠡᠷᠡᠨ ᠠᠴᠠ ᠣᠶᠢᠷᠠ ᠴᠡᠭ ᠢ ᠥᠩᠭᠡᠷᠡᠬᠦ ᠠᠴᠠ | ᠡᠮᠦᠨᠡ᠂ ᠭᠡᠷᠡᠯᠲᠦᠴᠡ ᠨᠢ 4 ᠲᠠᠰ ᠣᠷᠴᠢᠮ ᠪᠤᠯᠬᠤ ᠪᠣᠯᠣᠯᠴᠠᠭᠠ ᠲᠠᠢ᠂ ᠲᠤᠶᠢᠯ ᠤᠨ ᠰᠠᠶᠢᠨ ᠠᠵᠢᠭᠯᠠᠬᠤ ᠨᠥᠬᠦᠴᠡᠯ | ᠳᠣᠣᠷᠠ᠂ ᠨᠢᠳᠦ ᠪᠠᠷ ᠢᠶᠠᠨ ᠠᠵᠢᠭᠯᠠᠵᠤ ᠣᠯᠬᠤ ᠪᠣᠯᠣᠯᠴᠠᠭᠠ ᠲᠠᠢ᠃ ᠬᠤᠶᠠᠷ ᠲᠤ᠂ ᠲᠡᠷᠡ ᠨᠢ ᠨᠠᠷᠠ ᠰᠢᠩᠭᠡᠭᠡᠳ | ᠤᠳᠠᠭᠠᠳᠤᠢ ᠪᠠᠷᠠᠭᠤᠨ ᠬᠤᠶᠢᠲᠤ ᠣᠷᠣᠨ ᠤ ᠳᠣᠣᠷᠠ ᠣᠭᠲᠠᠷᠭᠤᠢ ᠳᠤ ᠢᠯᠡᠷᠡᠵᠦ᠂ ᠣᠳᠣᠨ ᠣᠷᠣᠨ ᠤ ᠪᠠᠭ᠋ᠠᠲᠠᠳ | ᠤᠨ ᠠᠵᠢᠭᠯᠠᠨ ᠬᠡᠮᠵᠢᠬᠦ ᠪᠠ ᠭᠠᠵᠠᠷ ᠤᠨ ᠦᠵᠡᠮᠵᠢ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠰᠡᠭᠦᠳᠡᠷᠯᠡᠬᠦ ᠳᠤ ᠲᠥᠭᠦᠮ | ᠦᠵᠡᠭᠦᠯᠦᠨᠡ︾ ᠭᠡᠵᠦ ᠰᠢᠦ ᠯᠢ ᠫᠧᠩ ᠬᠡᠯᠡᠪᠡ᠃ | ᠬᠡᠳᠦᠶᠢᠪᠡᠷ12P ᠱᠦᠭᠦᠷ ᠣᠳᠣ ᠶᠢᠨ ᠢᠯᠡᠷᠡᠯ ᠨᠢ ᠭᠠᠶᠢᠬᠠᠮᠰᠢᠭᠲᠠᠢ ᠪᠤᠯᠪᠠᠴᠤ ᠡᠨᠡ ᠵᠢᠯ ᠤᠨ ᠵᠢᠩᠬᠢᠨᠢ | ᠬᠦᠰᠡᠨ ᠬᠦᠯᠢᠶᠡᠭᠦᠰᠢᠲᠡᠢ ᠱᠦᠭᠦᠷ ᠣᠳᠣ ᠪᠣᠯ ᠳᠤᠮᠳᠠᠳᠤ ᠤᠯᠤᠰ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠤᠨ | ᠽᠢ ᠶᠢᠨ ᠱᠠᠨ ᠣᠳᠣᠨ ᠣᠷᠣᠨ ᠤ ᠥᠷᠲᠡᠭᠡ ᠶᠢᠨ 2023 ᠣᠨ ᠤ ᠡᠬᠢ ᠪᠠᠷ ᠢᠯᠡᠷᠡᠭᠦᠯᠦᠭᠰᠡᠨ C/2023 A3 | ᠱᠦᠭᠦᠷ ᠣᠳᠣ ᠪᠣᠯᠣᠨᠠ᠂ ᠬᠢᠲᠠᠳ ᠨᠡᠷᠡ ᠨᠢ ᠽᠢ ᠶᠢᠨ ᠱᠠᠨ - ᠠᠲᠯᠠᠰ ᠭᠡᠳᠡᠭ ᠶᠤᠮ᠃ | ᠣᠶᠢᠷᠠ ᠶᠢᠨ ᠵᠢᠯ ᠳᠤ᠂ ᠵᠢᠯ ᠪᠦᠷᠢ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠭᠡᠭᠡᠨ ᠲᠤᠩᠭᠠᠯᠠᠭ ᠱᠦᠭᠦᠷ ᠣᠲᠣ ᠢᠯᠡᠷᠡᠵᠦ | ᠪᠠᠶᠢᠨᠠ᠂ ᠵᠢᠱᠢᠶᠡᠯᠡᠪᠡᠯ 2020 ᠣᠨ ᠤ ᠰᠢᠨᠡ ᠣᠶᠤᠨᠲᠤ ᠱᠦᠭᠦᠷ ᠣᠲᠣ᠂ 2021 ᠣᠨ ᠤ ᠯᠦᠨᠨᠠᠳᠧ ᠱᠦᠭᠦᠷ | ᠣᠲᠣ᠂ 2023 ᠣᠨ ᠤ C/2022 E3︵ZTF︶ ᠱᠦᠭᠦᠷ ᠣᠲᠣ ᠵᠡᠷᠭᠡ ᠪᠣᠯᠣᠨᠠ᠂ ᠵᠢᠱᠢᠶᠡᠯᠡᠪᠡᠯ᠂ 2020 | ᠣᠨ ᠤ ᠰᠢᠨᠡ ᠣᠶᠤᠨᠲᠤ ᠱᠦᠭᠦᠷ ᠣᠲᠣ᠂ 2023 ᠣᠨ ᠤ C/2022 E3 ︵ZTF︶ ᠱᠦᠭᠦᠷ ᠣᠲᠣ ᠪᠣᠯ | ᠵᠢᠯ ᠪᠦᠷᠢ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠭᠡᠭᠡᠨ ᠲᠤᠩᠭᠠᠯᠠᠭ ᠱᠦᠭᠦᠷ ᠣᠲᠣ ᠪᠣᠯᠣᠨᠠ᠃ | ︽ᠽᠢ ᠶᠢᠨ ᠱᠠᠨ - ᠠᠲᠯᠠᠰ ᠰᠢᠨᠡ ᠣᠶᠤᠨᠲᠤ ᠱᠦᠭᠦᠷ ᠣᠳᠣ ᠠᠴᠠ ᠨᠠᠭᠠᠰᠢᠬᠢ ᠬᠠᠮᠤᠭ ᠤᠨ ᠭᠡᠷᠡᠯᠲᠡᠢ | ᠱᠦᠭᠦᠷ ᠣᠳᠣ ᠪᠤᠯᠬᠤ ᠪᠣᠯᠣᠯᠴᠠᠭᠠ ᠮᠠᠰᠢ ᠶᠡᠭᠡ ᠪᠠᠶᠢᠨᠠ᠃ ᠡᠨᠡ ᠱᠦᠭᠦᠷ ᠣᠳᠣ 2024 ᠣᠨ ᠤ 9 ᠰᠠᠷᠠ ᠶᠢᠨ | 27 ᠤ ᠡᠳᠦᠷ ᠤᠨ ᠤᠷᠢᠳ ᠬᠤᠵᠢᠳ ᠢᠶᠠᠷ ᠨᠡᠷᠡᠨ ᠠᠴᠠ ᠣᠶᠢᠷᠠ ᠴᠡᠭ ᠢ ᠥᠩᠭᠡᠷᠡᠵᠦ᠂ ᠭᠡᠷᠡᠯᠲᠦᠴᠡ ᠶᠢᠨ ᠬᠡᠮᠵᠢᠶᠡ | 0.2 ᠣᠷᠴᠢᠮ ᠪᠣᠯᠣᠨᠠ ᠭᠡᠵᠦ ᠵᠢᠱᠢᠵᠦ ᠪᠤᠢ᠂ ᠡᠨᠡ ᠦᠶᠡ ᠳᠤ ᠡᠮᠦᠨᠡᠲᠦ ᠬᠠᠭᠠᠰ ᠪᠥᠮᠪᠥᠷᠴᠡᠭ ᠲᠤ ᠣᠯᠵᠤ | ᠬᠠᠷᠠᠨᠠ᠃10 ᠰᠠᠷᠠ ᠶᠢᠨ 10 ᠤ ᠡᠳᠦᠷ ᠠᠴᠠ ᠰᠡᠭᠦᠯᠡᠷ᠂ ᠲᠡᠷᠡ ᠨᠢ ᠤᠮᠠᠷᠠᠲᠤ ᠬᠠᠭᠠᠰ ᠪᠥᠮᠪᠥᠷᠴᠡᠭ ᠤᠨ | ᠦᠳᠡᠰᠢ ᠶᠢᠨ ᠣᠭᠲᠠᠷᠭᠤᠢ ᠳᠤ ᠢᠯᠡᠷᠡᠬᠦ ᠪᠣᠯᠣᠨᠠ᠂ ᠲᠡᠭᠷᠢ ᠴᠡᠯᠮᠡᠭ ᠲᠤᠩᠭᠠᠯᠠᠭ ᠪᠠᠶᠢᠳᠠᠯ ᠳᠣᠣᠷᠠ᠂ ᠬᠥᠮᠥᠰ | ᠲᠡᠭᠦᠨ ᠢ ᠨᠢᠳᠦ ᠪᠠᠷ ᠢᠶᠠᠨ ᠠᠮᠠᠷᠬᠠᠨ ᠣᠯᠵᠤ ᠬᠠᠷᠠᠬᠤ ᠪᠣᠯᠣᠨᠠ᠂ ᠭᠡᠪᠡᠴᠦ ᠲᠡᠭᠦᠨ ᠤ ᠳᠦᠷᠰᠦ ᠪᠠᠶᠢᠳᠠᠯ ᠢ | ᠲᠣᠳᠣᠷᠬᠠᠢ ᠣᠯᠵᠤ ᠬᠠᠷᠠᠶᠠ ᠭᠡᠪᠡᠯ ᠬᠠᠰᠢ ᠯᠠ ᠵᠢᠵᠢᠭ ᠭᠡᠯᠪᠡᠷᠢ ᠶᠢᠨ ᠣᠳᠣᠨ ᠣᠷᠣᠨ ᠤ ᠳᠤᠷᠠᠨ ᠵᠡᠷᠭᠡ ᠲᠤᠰᠬᠠᠢ | ᠮᠡᠷᠭᠡᠵᠢᠯ ᠤᠨ ᠲᠥᠬᠦᠭᠡᠷᠦᠮᠵᠢ ᠳᠤ ᠲᠦᠰᠢᠭᠯᠡᠪᠡᠯ ᠬᠠᠮᠤᠭ ᠰᠠᠶᠢᠨ ᠶᠤᠮ︾ ᠭᠡᠵᠦ ᠰᠢᠦ ᠯᠢ ᠫᠧᠩ ᠬᠡᠯᠡᠪᠡ᠃ | | | |