| ᠠᠵᠢᠯ ᠠᠮᠢᠳᠤᠷᠠᠯ ᠳᠤ ᠬᠡᠯᠡᠬᠦ ᠪᠠ ᠬᠢᠬᠦ ᠠᠴᠠ ᠵᠠᠶᠢᠯᠠᠵᠤ ᠭᠠᠷᠴᠤ ᠴᠢᠳᠠᠬᠤ ᠬᠥᠮᠥᠨ ᠠᠯᠠᠭᠠ᠃ ᠭᠡᠬᠦ ᠳᠡᠭᠡᠨ᠂ | ᠬᠡᠯᠡᠬᠦ ᠪᠠ ᠬᠢᠬᠦ ᠶᠢᠨ ᠬᠠᠷᠢᠴᠠᠭᠠ ᠶᠢ ᠵᠣᠬᠢᠴᠠᠭᠤᠯᠤᠨ ᠬᠡᠮᠵᠢᠶᠡ ᠶᠢ ᠲᠠᠭᠠᠷᠠᠭᠤᠯᠤᠨᠠ ᠭᠡᠳᠡᠭ ᠮᠥᠨ ᠴᠦ ᠨᠢᠭᠡ | ᠡᠷᠳᠡᠮ ᠠᠵᠢ᠃ | ︽ᠬᠡᠯᠡᠬᠦ︾ ᠳᠤ ᠰᠠᠨᠠᠭᠠ ᠶᠢ ᠢᠯᠡᠳᠬᠡᠬᠦ᠂ ᠪᠤᠳᠤᠯ ᠢ ᠳᠠᠮᠵᠢᠭᠤᠯᠬᠤ᠂ ᠬᠠᠷᠠᠯᠲᠠ ᠶᠢ ᠲᠣᠳᠣᠷᠬᠠᠶᠢᠯᠠᠬᠤ ᠭᠡᠬᠦ | ᠮᠡᠲᠦ ᠶᠢᠨ ᠴᠢᠳᠠᠮᠵᠢ ᠲᠠᠢ ᠪᠠᠶᠢᠵᠤ᠂ ᠲᠠᠨᠢᠯᠲᠠ ᠶᠢᠨ ᠠᠢ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠬᠠᠷᠢᠨ ︽ᠬᠢᠬᠦ︾ ᠨᠢ ︽ᠬᠡᠯᠡᠬᠦ︾ | ᠶᠢᠨ ᠵᠣᠷᠢᠯᠭᠠ ᠪᠡᠶᠡᠯᠡᠭᠳᠡᠯ ᠪᠠᠶᠢᠵᠤ᠂ ᠦᠢᠯᠡᠳᠦᠯᠭᠡ ᠶᠢᠨ ᠠᠢ ᠳᠤ ᠬᠠᠷᠢᠶᠠᠯᠠᠭᠳᠠᠳᠠᠭ᠃ ᠦᠢᠯᠡᠳᠦᠯᠭᠡ ᠨᠢ ᠲᠠᠨᠢᠯᠲᠠ | ᠶᠢᠨ ᠰᠠᠭᠤᠷᠢ ᠪᠤᠯᠳᠠᠬ ᠢᠶᠠᠷ ︽ᠬᠢᠬᠦ︾ ᠨᠢ ︽ᠬᠡᠯᠡᠬᠦ︾ ᠶᠢᠨ ᠰᠠᠭᠤᠷᠢ᠂ ︽ᠬᠡᠯᠡᠬᠦ︾ ᠨᠢ ︽ᠬᠢᠬᠦ︾ ᠶᠢᠨ | ᠵᠢᠯᠣᠭᠤᠳᠤᠮᠵᠢ ᠶᠤᠮ᠃ ︽ᠬᠡᠯᠡᠬᠦ︾ ᠪᠠ ︽ᠬᠢᠬᠦ︾ ᠭᠡᠭᠴᠢ ᠬᠡᠨ ᠠᠯᠢᠨ ᠠᠴᠠ ᠪᠠᠨ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ | ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠲᠠᠢ ᠮᠥᠷᠲᠡᠭᠡᠨ ᠬᠠᠷᠢᠯᠴᠠᠨ ᠤᠯᠠᠷᠢᠳᠠᠭ᠃ | ᠬᠡᠯᠡᠬᠦ ᠭᠡᠭᠴᠢ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠤᠷᠠᠯᠢᠭ᠃ ᠪᠤᠳᠤᠯᠢᠶᠠᠨᠲᠤ ᠶᠠᠪᠤᠳᠠᠯ ᠢ ᠣᠶᠢᠯᠠᠭᠠᠮᠵᠢᠲᠠᠢ ᠰᠠᠶᠢᠬᠠᠨ | ᠶᠠᠷᠢᠳᠠᠭ ᠬᠥᠮᠥᠨ ᠪᠠᠶᠢᠨᠠ ᠭᠡᠬᠦ ᠳᠤ᠂ ᠪᠤᠳᠤᠵᠦ ᠲᠤᠩᠭᠠᠭᠠᠯ ᠦᠭᠡᠢ ᠪᠠᠷ ᠡᠬᠢ ᠠᠳᠠᠭ ᠨᠢ ᠣᠯᠳᠠᠬᠤ ᠦᠭᠡᠢ | ᠶᠠᠷᠢᠳᠠᠭ ᠴᠦ ᠪᠠᠶᠢᠳᠠᠭ᠂ ᠤᠷᠠᠨ ᠦᠭᠡ ᠪᠠᠷ ᠤᠷᠤᠰᠬᠠᠵᠤ ᠤᠴᠢᠷ ᠶᠠᠪᠤᠳᠠᠯ ᠢ ︽ᠭᠠᠷ ᠤᠨ ᠠᠯᠠᠭᠠ ᠤᠷᠪᠠᠭᠤᠯᠬᠤ︾ | ᠮᠡᠲᠦ ᠠᠮᠠᠷᠬᠠᠨ ᠢᠶᠠᠷ ᠶᠠᠷᠢᠳᠠᠭ ᠴᠦ ᠪᠤᠢ᠃ ᠬᠢᠬᠦ ᠲᠤᠬᠠᠢ ᠭᠡᠪᠡᠯ᠂ ᠡᠪᠯᠡᠭᠦᠯᠵᠦ ᠠᠷᠭᠠᠴᠠᠭᠠᠨ ᠬᠢᠬᠦ᠂ ᠴᠢᠨᠡᠭᠡ ᠪᠠᠷ ᠢᠶᠠᠨ | ᠬᠦᠴᠦᠯᠡᠵᠦ ᠭᠢᠯᠠᠷᠠᠲᠠᠯᠠ ᠬᠢᠬᠦ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠶᠢᠨ ᠬᠡᠮᠵᠢᠶᠡ ᠪᠠᠶᠢᠳᠠᠭ ᠪᠥᠭᠡᠳ ᠬᠥᠮᠥᠨ ᠦᠵᠡᠵᠦ | ᠪᠠᠶᠢᠳᠠᠯ ᠢ ᠠᠵᠢᠭᠯᠠᠵᠤ ᠬᠢᠬᠦ᠂ ᠬᠤᠪᠢᠨ ᠳᠤᠨᠢ ᠠᠰᠢᠭᠲᠠᠢ ᠪᠣᠯ ᠬᠢᠵᠦ ᠡᠰᠡᠪᠡᠰᠦ ᠬᠤᠶᠢᠰᠢ ᠰᠠᠭᠤᠬᠤ ᠵᠡᠷᠭᠡ ᠠᠰᠢᠭ | ᠬᠠᠷᠠᠬᠤ ᠦᠵᠡᠭᠳᠡᠯ ᠴᠦ ᠪᠠᠶᠢᠳᠠᠭ᠃ ᠶᠣᠰᠣᠲᠠᠢ ᠭᠤᠶᠤ ᠭᠡᠯᠡᠴᠢᠭᠡᠳ᠂ ᠦᠨᠡᠨ ᠬᠢᠭᠡᠳ ᠡᠬᠢᠯᠡᠬᠦ ᠳᠤ ᠠᠯᠪᠠ ᠬᠠᠰᠢᠵᠤ | ᠠᠮᠠ ᠪᠥᠭᠯᠡᠬᠦ ᠶᠢ ᠡᠷᠳᠡᠮ ᠳᠤ ᠪᠤᠳᠤᠵᠦ᠂ ︽ᠬᠡᠯᠡᠬᠦ ᠨᠢ ᠳᠡᠯᠡᠬᠡᠢ᠂ ᠬᠢᠬᠦ ᠨᠢ ᠮᠡᠯᠡᠬᠡᠢ︾ ᠬᠥᠮᠥᠨ ᠪᠠᠶᠢᠨᠠ ᠭᠡᠬᠦ ᠳᠤ᠂ | ᠬᠢᠴᠢᠶᠡᠮᠵᠢᠲᠡᠢ ᠬᠡᠯᠡᠵᠦ ᠪᠣᠯᠭᠤᠮᠵᠢᠲᠠᠢ ᠣᠷᠣᠵᠤ᠂ ᠬᠡᠯᠡᠭᠰᠡᠨ ᠳᠡᠭᠡᠨ ᠵᠠᠪᠠᠯ ᠬᠦᠷᠴᠦ᠂ ᠬᠢᠭᠰᠡᠨ ᠢᠶᠠᠨ ᠡᠷᠬᠡᠪᠰᠢ | ᠭᠦᠢᠴᠡᠭᠡᠳᠡᠭ ᠬᠥᠮᠥᠨ ᠴᠦ ᠪᠠᠶᠢᠳᠠᠭ᠃ ︽ᠠᠪᠤ ᠶᠢᠨ ᠬᠡᠦᠬᠡᠳ ᠠᠳᠠᠯᠢ ᠦᠭᠡᠢ᠂ ᠠᠷᠪᠠᠨ ᠬᠤᠷᠤᠭᠤ ᠲᠡᠭᠰᠢ ᠦᠭᠡᠢ︾ | ᠭᠡᠳᠡᠭᠴᠢᠯᠡᠨ᠂ ᠡᠨᠡ ᠨᠢ ᠬᠥᠮᠥᠨ ᠪᠣᠯᠭᠠᠨ ᠤ ᠲᠥᠷᠥᠯᠬᠢ ᠶᠢᠨ ᠵᠠᠩ᠂ ᠭᠥᠷᠳᠡᠭᠰᠡᠨ ᠬᠥᠮᠦᠵᠢᠯ᠂ ᠤᠬᠠᠭᠠᠨ ᠰᠠᠨᠠᠭᠠ | ᠭᠡᠬᠦ ᠮᠡᠲᠦ ᠶᠢᠨ ᠵᠥᠷᠢᠶᠡ ᠠᠴᠠ ᠰᠢᠯᠲᠠᠭᠠᠯᠠᠭᠳᠠᠭᠰᠠᠨ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ | ᠬᠡᠯᠡᠬᠦ ᠳᠤ ᠭᠢᠯᠪᠡᠷ᠂ ᠬᠢᠬᠦ ᠳᠤ ᠬᠦᠴᠢᠷ᠃ ᠬᠤᠷᠣᠮ ᠵᠠᠭᠤᠷᠠ ᠶᠢᠨ ᠬᠤᠭᠤᠷᠣᠨᠳᠤ ᠬᠡᠯᠡᠭᠰᠡᠨ ᠢ ᠬᠢᠵᠦ | ᠭᠦᠢᠴᠡᠭᠡᠬᠦ ᠳᠤ ᠬᠠᠯᠠᠰᠢᠷᠠᠯ ᠦᠭᠡᠢ ᠴᠢᠷᠮᠠᠶᠢᠯᠭᠠ ᠬᠡᠷᠡᠭᠰᠡᠳᠡᠭ᠂ ᠬᠠᠷᠢᠨ ᠬᠠᠮᠤᠭ ᠤᠨ ᠡᠴᠦᠰ ᠲᠤᠨᠢ ᠪᠦᠲᠦᠬᠦ ᠦᠭᠡᠢ | ᠴᠦ ᠶᠠᠭᠤᠨ ᠮᠠᠭᠠᠳ᠃ ᠬᠡᠯᠡᠭᠰᠡᠨ ᠦᠭᠡ ᠬᠤᠳᠠᠯ ᠬᠤᠭᠤᠰᠤᠨ ᠪᠠᠶᠢᠵᠤ ᠮᠡᠳᠡᠨᠠ᠂ ᠬᠠᠷᠢᠨ ᠬᠢᠭᠰᠡᠨ ᠶᠠᠭᠤᠮᠠ ᠪᠣᠯ | ᠭᠠᠷᠴᠠᠭᠠ ᠦᠭᠡᠢ ᠦᠨᠡᠨ ᠪᠣᠳᠠᠲᠠᠢ ᠶᠤᠮ᠃ ᠤᠷᠠᠯᠠᠵᠤ᠂ ᠳᠠᠪᠠᠭᠤᠯᠵᠤ᠂ ᠲᠡᠷᠡᠴᠢᠯᠡᠨ ᠵᠠᠯᠢᠯᠠᠵᠤ ᠬᠡᠯᠡᠭᠰᠡᠨ ᠴᠦ ᠪᠠᠶᠢᠵᠤ | ᠮᠡᠳᠡᠨᠠ᠂ ᠬᠠᠷᠢᠨ ᠬᠢᠭᠰᠡᠨ ᠶᠠᠭᠤᠮᠠ ᠪᠣᠯ ᠬᠤᠳᠠᠯ ᠬᠡᠯᠡᠳᠡᠭ ᠦᠭᠡᠢ ᠪᠢᠯᠡ᠃ ᠨᠢᠭᠡ ᠬᠥᠮᠥᠨ ᠤ ᠶᠠᠭᠤ ᠬᠡᠯᠡᠭᠰᠡᠨ | ᠠᠴᠠ ᠨᠢ ᠶᠠᠭᠠᠬᠢᠵᠤ ᠬᠢᠭᠰᠡᠨ ᠨᠢ ᠨᠡᠩ ᠶᠡᠭᠡ ᠦᠨᠡ ᠴᠠᠨᠠ ᠲᠠᠢ ᠶᠤᠮ᠃ ᠲᠡᠶᠢᠮᠦ ᠳᠡᠭᠡᠨ ᠰᠠᠶᠢᠬᠠᠨ ᠦᠭᠡ ᠶᠠᠷᠢᠬᠤ | ᠦᠭᠡᠢ ᠴᠦ ᠪᠣᠳᠠᠲᠠᠢ ᠬᠢᠳᠡᠭ ᠬᠥᠮᠥᠨ ᠢ ᠣᠯᠠᠩᠬᠢ ᠬᠥᠮᠥᠰ ᠮᠡᠳᠡᠷᠡᠵᠦ ᠲᠠᠭᠠᠰᠢᠶᠠᠳᠠᠭ᠃ | ᠶᠠᠭᠤ ᠶᠠᠭᠠᠬᠢᠵᠤ ᠬᠡᠯᠡᠭᠰᠡᠨ ᠢ ᠨᠢ ᠰᠤᠨᠤᠰᠬᠤ ᠶᠢᠨ ᠲᠡᠳᠦᠢ ᠪᠢᠰᠢ᠂ ᠬᠡᠷᠬᠢᠨ ᠬᠢᠵᠦ ᠬᠢᠷᠢ ᠵᠡᠷᠭᠡ | ᠪᠦᠲᠦᠭᠡᠭᠰᠡᠨ ᠢ ᠨᠢ ᠦᠵᠡᠬᠦ ᠨᠢ ᠨᠡᠩ ᠴᠢᠬᠤᠯᠠ ᠶᠤᠮ᠃ ︽ᠬᠡᠯᠡᠪᠡᠯ ᠬᠢᠵᠦ᠂ ᠬᠢᠪᠡᠯ ᠵᠠᠪᠠᠯ ᠪᠦᠲᠦᠭᠡᠬᠦ︾ ᠵᠣᠷᠢᠭ ᠢ | ᠪᠠᠷᠢᠵᠤ᠂ ᠬᠡᠯᠡᠬᠦ ᠪᠠ ᠬᠢᠬᠦ ᠶᠢ ᠤᠶᠠᠯᠳᠤᠭᠤᠯᠵᠤ᠂ ᠬᠡᠯᠡᠵᠦ ᠴᠢᠳᠠᠬᠤ ᠮᠥᠷᠲᠡᠭᠡᠨ ᠬᠢᠬᠦ ᠳᠡᠭᠡᠨ ᠨᠡᠩ ᠴᠢᠳᠠᠮᠠᠭᠠᠢ | ᠪᠠᠶᠢᠪᠠᠯ ᠬᠠᠮᠤᠭ ᠤᠨ ᠰᠠᠶᠢᠨ ᠶᠠᠪᠤᠳᠠᠯ ᠲᠡᠷᠡ ᠶᠤᠮ᠃ | | |