| ᠲᠡᠭᠦᠯᠳᠡᠷ ᠬᠥᠭᠵᠢᠮ ᠤᠨ ᠡᠯᠢᠭᠡᠨ ᠳᠡᠭᠡᠷᠡ ᠡᠷᠬᠡ ᠳᠤᠷᠠ ᠪᠠᠷ ᠢᠶᠠᠨ ᠨᠢᠯᠬᠠᠷᠠᠨ ᠲᠣᠭᠯᠠᠬᠤ ᠨᠠᠶᠠᠨ ᠨᠠᠢᠮᠠᠨ | ᠳᠠᠷᠤᠭᠤᠯ᠂ ᠭᠤᠶᠢᠳᠠ ᠰᠠᠶᠢᠬᠠᠨ ᠠᠶᠠᠯᠭᠤ ᠪᠠᠷ ᠢᠶᠠᠨ ᠬᠥᠮᠥᠰ ᠤᠨ ᠰᠡᠳᠬᠢᠯ ᠢ ᠰᠣᠭᠲᠣᠭᠤᠷᠠᠭᠤᠯᠬᠤ ᠰᠢᠭ᠋ | ᠤᠯᠤᠶᠢᠷᠳᠤ ᠴᠡᠩᠬᠡᠷ ᠣᠭᠲᠠᠷᠭᠤᠢ ᠶᠢᠨ ᠠᠭᠤᠵᠢᠮᠬᠠᠨ ᠴᠡᠭᠡᠯ ᠠᠴᠠ ᠨᠠᠮᠪᠠᠲᠠᠶᠢᠬᠠᠨ ᠯᠠᠪᠰᠠᠯᠠᠬᠤ ᠴᠠᠰᠤᠨ ᠰᠢᠷᠬᠡᠭ | ᠡᠬᠡ ᠭᠠᠵᠠᠷ ᠤᠨ ᠵᠥᠭᠡᠯᠡᠨ ᠡᠯᠢᠭᠡ ᠶᠢ ᠡᠩᠬᠦᠷᠡᠶᠢᠯᠡᠨ ᠨᠠᠯᠠᠨᠠ᠃ ᠭᠠᠵᠠᠷ ᠤᠨ ᠬᠥᠷᠥᠰᠥ ᠡᠷᠢᠶᠡᠯᠵᠡᠨ | ᠴᠣᠬᠤᠷᠯᠠᠭᠰᠠᠭᠠᠷ ᠤᠳᠠᠵᠤ ᠲᠦᠳᠡᠯ ᠦᠭᠡᠢ ᠭᠤᠷᠪᠠᠨ ᠶᠢᠷᠲᠢᠨᠴᠦ ᠶᠢᠨ ᠵᠠᠢ ᠳᠠᠬᠢ ᠬᠠᠮᠤᠭ ᠠᠷᠢᠭᠤᠬᠠᠨ ᠪᠥᠭᠡᠳ | ᠬᠠᠮᠤᠭ ᠴᠠᠭᠠᠬᠠᠨ ᠬᠤᠪᠴᠠᠰᠤ ᠪᠠᠷ ᠭᠤᠶᠣᠯᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠰᠦᠨᠳᠡᠷᠯᠡᠨ ᠰᠡᠬᠦᠶᠢᠭᠰᠡᠨ ᠠᠭᠤᠯᠠ | ᠬᠠᠶᠢᠷᠬᠠᠳ᠂ ᠰᠤᠨᠤᠯᠵᠠᠨ ᠮᠢᠷᠠᠯᠵᠠᠬᠤ ᠭᠤᠣᠯ ᠮᠥᠷᠡᠨ᠂ ᠰᠠᠬᠤᠯᠢᠭ ᠥᠳᠬᠡᠨ ᠤᠢ ᠰᠢᠭᠤᠢ᠂ ᠰᠠᠯᠠᠭᠠ ᠠᠭᠤᠯᠵᠠᠷ ᠲᠠᠢ | ᠵᠠᠰᠠᠮᠠᠯ ᠵᠠᠮ᠂ ᠰᠠᠭᠠᠬᠠᠯᠲᠠ ᠠᠶᠢᠯ ᠤᠨ ᠮᠣᠷᠢᠨ ᠱᠣᠩ ᠴᠤ ᠠᠳᠠᠯᠢᠬᠠᠨ ᠭᠤᠶᠣᠯᠠᠯ ᠢᠶᠠᠷ ᠴᠢᠮᠡᠭᠯᠡᠭᠰᠡᠨ ᠪᠥᠭᠡᠳ | ᠰᠠᠨᠰᠠᠷ ᠲᠡᠭᠷᠢ ᠶᠢᠨ ᠲᠣᠳᠣᠬᠠᠨ ᠭᠡᠶᠢᠭᠦᠯᠦᠭᠴᠢ - ᠰᠠᠷᠠ᠂ ᠨᠠᠷᠠ᠂ ᠤᠳᠤ ᠴᠤ ᠰᠠᠬᠠᠯ ᠤᠷᠭᠤᠴᠢᠬᠠᠬᠰᠠᠨ ᠨᠢ | ᠲᠤᠮᠤᠭ ᠤᠨ ᠶᠤᠮ ᠰᠢᠭ᠋ ᠰᠣᠷᠲᠣᠭᠤᠯᠢᠭ᠂ ᠲᠤᠤᠯᠢ ᠶᠢᠨ ᠶᠤᠮ ᠰᠢᠭ᠋ ᠪᠠᠭᠠᠲᠤᠷᠯᠢᠭ᠃ | ᠬᠠᠶᠠᠯᠠᠬᠤ ᠴᠠᠰᠤ ᠶᠢ ᠪᠠᠭ᠋ᠠᠷᠬᠠᠨ ᠬᠠᠷᠠᠬᠤ ᠳᠤ ᠪᠣᠯᠣᠷ ᠲᠤᠩᠭᠠᠯᠠᠭ ᠴᠣᠩᠬᠤᠨ ᠰᠢᠯ ᠳᠡᠭᠡᠷᠡ ᠪᠠᠭᠠ | ᠨᠠᠰᠤᠨ ᠤ ᠮᠢᠨᠢ ᠭᠡᠭᠡᠨ ᠴᠠᠶᠢᠯᠭᠠᠨ ᠤᠶᠢᠯᠠ ᠤᠴᠠᠷᠠᠯ ᠭᠡᠭᠡ ᠲᠠᠲᠠᠭᠤᠯᠤᠨ ᠲᠣᠳᠣᠷᠠᠬᠤ ᠰᠢᠭ᠋᠃ ᠲᠡᠷᠡ ᠦᠶᠡ ᠳᠤ | ᠮᠠᠨ ᠤ ᠠᠷᠪᠠᠭᠠᠳ ᠬᠡᠦᠬᠡᠳ᠂ ᠬᠤᠳᠠ ᠤᠰᠤ ᠪᠠᠨ ᠱᠤᠤᠭᠢᠭᠤᠯᠳᠠᠭ ᠵᠢᠭᠠᠯ ᠪᠠᠭᠠᠲᠤᠷ ᠤᠳ ᠪᠠᠶᠢᠭᠰᠠᠨ᠃ ᠬᠠᠮᠤᠭ ᠤᠨ | ᠶᠡᠭᠡ ᠨᠢ ᠠᠷᠪᠠᠨ ᠭᠤᠷᠪᠠ ᠳᠥᠷᠪᠡ ᠲᠠᠢ᠂ ᠬᠠᠮᠤᠭ ᠤᠨ ᠪᠠᠭᠠ ᠨᠢ ᠰᠠᠶ᠋ᠢ ᠳᠥᠷᠪᠡ ᠲᠠᠪᠤᠨ ᠨᠠᠰᠤᠲᠠᠢ᠃ ᠪᠢᠳᠡ | ᠰᠤᠷᠭᠠᠭᠤᠯᠢ ᠳᠠᠭᠠᠨ ᠴᠤᠭ ᠶᠠᠪᠤᠵᠤ᠂ ᠭᠡᠷ ᠲᠡᠭᠡᠨ ᠬᠠᠮᠲᠤ ᠪᠤᠴᠠᠨᠠ᠃ ᠰᠠᠯᠬᠢ ᠰᠢᠭᠤᠷᠭᠠ᠂ ᠪᠣᠷᠣᠭᠠᠨ ᠴᠠᠰᠤ ᠲᠠᠢ | ᠡᠳᠦᠷ ᠪᠣᠯᠪᠠᠯ ᠶᠡᠭᠡ ᠨᠢ ᠪᠠᠭᠠ ᠪᠠᠨ ᠡᠭᠦᠷᠴᠦ᠂ ᠬᠡᠦᠬᠡᠨᠴᠦᠳ ᠨᠢ ᠭᠠᠷ ᠭᠠᠷ ᠢᠶᠠᠨ ᠬᠤᠯᠪᠣᠨ ᠰᠢᠭᠤᠷᠭᠠ ᠰᠥᠷᠦᠨ | ᠠᠯᠬᠤᠨᠠ᠃ ᠳᠤᠮᠳᠠ ᠨᠠᠰᠤᠨ ᠤ ᠠᠯᠢᠶᠠ ᠨᠢᠭᠡ ᠨᠢ ᠴᠠᠰᠤ ᠪᠥᠮᠪᠥᠭᠡᠯᠡᠵᠦ᠂ ᠬᠡᠦᠬᠡᠨᠴᠦᠳ ᠤᠨ ᠠᠷᠤ ᠠᠴᠠ ᠰᠢᠳᠡᠭᠡᠳ | ᠳᠤᠲᠠᠭᠠᠨᠠ᠂ ᠬᠡᠦᠬᠡᠨᠴᠦᠳ ᠲᠡᠳᠡᠨ ᠢ ᠪᠠᠨ ᠲᠠᠭᠤᠨᠠ᠂ ᠲᠠᠭᠤᠭᠳᠠᠭᠠᠳ ᠪᠠᠷᠢᠭᠳᠠᠪᠠᠯ᠄ ︽ᠡᠭᠡᠴᠢ ᠠ᠋᠂ ᠡᠭᠡᠴᠢ ᠠ᠋᠂ | ᠭᠤᠶᠤᠶᠠ᠂ ᠭᠤᠶᠤᠶᠠ︾ ᠭᠡᠵᠦ ᠬᠡᠯᠡᠵᠦ ᠪᠠᠷᠠᠬᠤ ᠠᠴᠠ ᠡᠮᠦᠨᠡ ᠠᠳᠬᠤ ᠴᠠᠰᠤ ᠠᠮᠠᠨ ᠬᠦᠵᠦᠭᠦᠦ ᠪᠠᠷ ᠢᠶᠠᠨ | ᠬᠢᠯᠭᠡᠭᠡᠳ ᠰᠠᠨᠠᠭᠠ ᠨᠢ ᠠᠮᠠᠷᠠᠨᠠ᠃ ᠳᠡᠮᠡᠢ ᠤᠳᠠᠯ ᠦᠭᠡᠢ ᠬᠠᠭᠤᠴᠢᠨ ᠭᠡᠮ ᠨᠢ ᠲᠠᠭᠢᠨ ᠬᠥᠳᠡᠯᠵᠦ᠂ ᠴᠠᠰᠤᠨ | ᠪᠥᠮᠪᠦᠭᠡ ᠰᠢᠳᠡᠯᠴᠡᠭᠰᠡᠭᠡᠷ ᠭᠡᠷ ᠭᠡᠷ ᠲᠡᠭᠡᠨ ᠬᠠᠷᠢᠵᠠᠭᠠᠨᠠ᠃ | ᠡᠪᠦᠯ ᠤᠨ ᠠᠮᠠᠷᠠᠯᠲᠠ ᠪᠤᠯᠬᠤ ᠠᠴᠠ ᠡᠮᠦᠨᠡ ᠭᠠᠷᠠᠭ ᠤᠨ ᠨᠢᠭᠡᠨ ᠳᠤ ᠪᠤᠶᠤ ᠭᠠᠷᠠᠭ ᠤᠨ ᠳᠤᠮᠳᠠᠴᠢ ᠪᠠᠷ | ᠴᠠᠰᠤ ᠣᠷᠣᠬᠤ ᠶᠢ ᠶᠡᠭᠡ ᠬᠦᠰᠡᠳᠡᠭ᠃ ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ᠂ ᠭᠠᠷᠠᠭ ᠤᠨ ᠡᠳᠦᠷ ᠪᠤᠯᠬᠤ ᠦᠶᠡᠰ ᠡᠮᠦᠨᠡ | ᠬᠡᠳᠦᠨ ᠡᠳᠦᠷ ᠤᠨ ᠣᠷᠣᠭᠰᠠᠨ ᠴᠠᠰᠤ ᠬᠥᠮᠥᠨ ᠮᠠᠯ ᠤᠨ ᠬᠥᠯ ᠢᠶᠠᠷ ᠬᠠᠲᠠᠭᠤᠷᠠᠭᠠᠳ᠂ ᠠᠭᠤᠯᠠᠨ ᠣᠷᠣᠢ ᠠᠴᠠ | ᠴᠢᠷᠭᠠ ᠪᠠᠷ ᠢᠶᠠᠨ ᠭᠤᠯᠭᠤᠬᠤ ᠳᠤ ᠠᠰᠢᠭᠲᠠᠢ ᠨᠥᠬᠦᠴᠡᠯ ᠪᠦᠷᠢᠯᠳᠦᠳᠡᠭ᠃ ᠲᠡᠷᠡ ᠦᠶᠡ ᠳᠤ ᠮᠠᠨ ᠤ ᠭᠠᠴᠠᠭᠠᠨ ᠳᠤ | ᠮᠠᠰᠢ ᠤᠷᠠᠨ ᠨᠢᠭᠡᠨ ᠮᠣᠳᠣᠨ ᠲᠠᠷᠬᠠᠨ ᠪᠠᠶᠢᠭᠰᠠᠨ᠃ ᠲᠡᠭᠦᠨ ᠤ ᠰᠣᠨᠣᠷ ᠨᠢ ᠬᠠᠲᠠᠭᠤ ᠪᠣᠯᠬᠤᠷ ᠪᠦᠭᠦᠳᠡᠭᠡᠷ | ᠲᠡᠭᠦᠨ ᠢ ︽ᠳᠦᠯᠡᠢ ᠠᠪᠤ︾ ᠪᠤᠶᠤ ︽ᠴᠢᠬᠢ ᠬᠠᠲᠠᠭᠤ ᠠᠪᠤ︾ ᠭᠡᠵᠦ ᠳᠠᠭᠤᠳᠠᠳᠠᠭ᠃ ᠡᠨᠡ ᠠᠪᠤ ᠶᠢᠨ ᠴᠢᠷᠭᠠ ᠬᠢᠵᠦ | ᠤᠷᠠᠯᠠᠬᠤ ᠨᠢ ᠣᠶᠢᠷᠠ ᠬᠤᠪᠢ ᠳᠠᠭᠠᠨ ᠨᠠᠷᠠᠲᠠᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠡᠪᠦᠯ ᠤᠨ ᠠᠩᠬᠠᠨ ᠤ ᠴᠠᠰᠤᠨ ᠤ ᠲᠠᠷᠠᠭᠠ | ᠮᠠᠨ ᠤ ᠬᠡᠳᠦᠭᠦᠯᠡ ᠪᠣᠯᠵᠤᠭᠠ ᠲᠠᠢ ᠶᠤᠮ ᠰᠢᠭ᠋ ︽ᠴᠢᠬᠢ ᠬᠠᠲᠠᠭᠤ ᠠᠪᠤ︾ ᠶᠢᠨ ᠭᠡᠷ ᠵᠦᠭ ᠰᠤᠮᠤᠳᠠᠨᠠ᠃ ᠵᠠᠷᠢᠮ ᠨᠢ | ᠨᠡᠷᠡᠮᠡᠯ ᠲᠠᠮᠠᠬᠢ ᠲᠠᠢ᠂ ᠵᠠᠷᠢᠮ ᠨᠢ ᠵᠥᠭᠡᠯᠡᠨ ᠪᠣᠣᠪᠤ ᠪᠤᠭᠤᠷᠰᠤᠭ ᠲᠠᠢ᠂ ᠵᠠᠷᠢᠮ ᠨᠢ ᠬᠠᠮᠢᠭᠠ ᠠᠴᠠ ᠣᠯᠣᠭᠰᠠᠨ ᠶᠤᠮ | ᠪᠤᠤ ᠮᠡᠳᠡ᠂ ᠲᠤᠬᠰᠢᠨ ᠬᠠᠷᠠ ᠡᠪᠦᠷᠲᠦᠯᠡᠵᠦ ᠵᠣᠯᠭᠠᠨᠠ᠃ ︽ᠴᠢᠬᠢ ᠬᠠᠲᠠᠭᠤ ᠠᠪᠤ︾ ᠶᠢᠨ ᠴᠢᠬᠢ ᠨᠢ ᠬᠠᠲᠠᠭᠤ | ᠪᠤᠯᠪᠠᠴᠤ ᠵᠢᠷᠦᠬᠡ ᠰᠡᠳᠬᠢᠯ ᠨᠢ ᠬᠥᠪᠥᠩ ᠰᠢᠭ ᠵᠥᠭᠡᠯᠡᠨ᠃ ᠪᠢᠳᠡᠨ ᠢ ᠦᠵᠡᠭᠰᠡᠭᠡᠷ ᠯᠠ᠄ ︽ᠬᠡᠦᠬᠡᠳ ᠤᠳ ᠢᠶᠠᠨ | ᠢᠷᠡᠬᠦ ᠶᠢ ᠮᠡᠳᠡᠵᠦ ᠪᠠᠶᠢᠭᠰᠠᠨ ᠶᠤᠮ᠂ ᠠᠪᠤ ᠨᠢ ᠡᠨᠡ ᠵᠤᠨ ᠲᠦᠯᠡᠭᠡ ᠲᠡᠭᠡᠭᠡᠬᠦ ᠪᠠᠷ ᠶᠠᠪᠤᠬᠤ ᠳᠠᠭᠠᠨ ᠬᠡᠳᠦᠨ | ᠰᠠᠶᠢᠬᠠᠨ ᠬᠠᠶᠢᠯᠠᠰᠤᠨ ᠮᠣᠳᠣ ᠰᠠᠯᠭᠠᠨ ᠠᠪᠴᠤ ᠭᠡᠷ ᠲᠡᠭᠡᠨ ᠬᠠᠳᠠᠭᠠᠯᠠᠭᠰᠠᠨ ᠠ᠋᠂ ᠲᠡᠭᠦᠨ ᠢᠶᠠᠷ ᠢᠶᠠᠨ | ᠬᠡᠦᠬᠡᠳ ᠤᠳ ᠲᠡᠭᠡᠨ ᠰᠢᠨᠡ ᠴᠢᠷᠭᠠ ᠤᠷᠠᠯᠠᠵᠤ ᠥᠭᠭᠦᠨᠡ︾ ᠭᠡᠬᠦ ᠳᠤ ᠪᠢᠳᠡ ᠬᠡᠳᠦᠭᠦᠯᠡ ᠬᠥᠯ ᠭᠠᠵᠠᠷ ᠬᠦᠷᠬᠦ | ᠦᠭᠡᠢ ᠪᠠᠶᠠᠷᠯᠠᠨ᠂ ᠠᠪᠴᠢᠷᠠᠭᠰᠠᠨ ᠢᠶᠠᠨ ᠠᠪᠳᠠᠷᠠ ᠳᠡᠭᠡᠷᠡ ᠨᠢ ᠡᠩᠨᠡᠷᠡᠭᠦᠯᠦᠨ ᠲᠠᠯᠪᠢᠭᠠᠳ᠂ ᠠᠷᠭᠠᠯ ᠲᠦᠯᠡᠭᠡ᠂ | ᠤᠤᠭᠤᠬᠤ ᠤᠰᠤ ᠶᠢ ᠨᠢ ᠣᠶᠢᠷᠠᠲᠤᠭᠤᠯᠵᠤ᠂ ᠬᠦᠷᠢᠶᠡ ᠬᠠᠰᠢᠶᠠ ᠶᠢ ᠨᠢ ᠴᠡᠪᠡᠷᠯᠡᠵᠦ ᠪᠤᠵᠢᠭᠢᠨᠠᠯᠳᠤᠨᠠ᠃ ᠶᠠᠭ ᠲᠡᠷᠡ | ᠤᠳᠠᠭᠠ ᠪᠢ ︽ᠴᠢᠬᠢ ᠬᠠᠲᠠᠭᠤ ᠠᠪᠤ︾ ᠶᠢᠨ ᠰᠢᠨᠡ ᠴᠢᠷᠭᠠ ᠤᠷᠠᠯᠠᠵᠤ ᠥᠭᠬᠦ ᠶᠢ ᠲᠡᠰᠬᠦ ᠠᠯᠳᠠᠷᠠᠨ | ᠬᠦᠯᠢᠶᠡᠬᠦ ᠳᠡᠭᠡᠨ ᠡᠪᠳᠡᠷᠬᠡᠢ ᠴᠢᠷᠭᠠ ᠪᠠᠷ ᠢᠶᠠᠨ ᠠᠭᠤᠯᠠᠨ ᠳᠡᠭᠡᠷᠡ ᠠᠴᠠ ᠭᠤᠯᠭᠤᠭᠠᠳ᠂ ᠵᠣᠭᠰᠣᠭᠠᠵᠤ ᠵᠠᠪᠳᠤᠭᠰᠠᠨ | ᠦᠭᠡᠢ ᠠᠶᠢᠯ ᠤᠨ ᠲᠣᠣᠷ ᠲᠤ ᠮᠥᠷᠭᠦᠨ᠂ ᠵᠡᠭᠦᠨ ᠴᠢᠬᠢᠨ ᠤ ᠣᠮᠤᠭ ᠢᠶᠠᠨ ᠰᠡᠲᠡᠯᠵᠦ᠂ ᠴᠠᠰᠤ ᠪᠠᠷ ᠤᠬᠢᠶᠠᠵᠤ | ᠴᠢᠰᠤ ᠶᠢ ᠨᠢ ᠵᠣᠭᠰᠣᠭᠠᠭᠰᠠᠨ ᠢᠶᠠᠨ ᠰᠠᠨᠠᠵᠤ ᠣᠯᠣᠭᠠᠳ ᠢᠨᠢᠶᠡᠳᠦ ᠠᠯᠳᠠᠪᠠ᠃ | ᠢᠨᠢᠶᠡᠳᠦ ᠪᠠᠨ ᠳᠠᠷᠤᠵᠤ᠂ ᠪᠤᠳᠤᠯ ᠤᠨ ᠤᠴᠢᠭ ᠤᠷᠭᠤᠭᠤᠯᠤᠨ ᠵᠣᠭᠰᠣᠲᠠᠯᠠ ᠭᠠᠯ ᠲᠣᠭᠤᠭᠠᠨ ᠤ | ᠥᠷᠥᠭᠡᠨ ᠠᠴᠠ᠄ ︽ᠮᠢᠨᠤ ᠬᠦᠦ᠂ ᠠᠷᠭᠠᠯ ᠣᠷᠣᠭᠤᠯᠤᠭᠠᠳ ᠲᠡᠭᠡ︾ ᠭᠡᠬᠦ ᠡᠵᠢ ᠶᠢᠨ ᠳᠠᠭᠤᠳᠠᠯᠭᠠ ᠪᠠᠷ ᠠᠷᠤᠭ | ᠠᠪᠴᠤ ᠲᠠᠯᠠᠩ ᠲᠠᠢ ᠠᠷᠭᠠᠯ ᠢ ᠴᠢᠭᠯᠡᠪᠡ᠃ ᠠᠷᠭᠠᠯ ᠤᠨ ᠲᠠᠯᠠᠩ ᠵᠦᠭ ᠠᠯᠬᠤᠯᠠᠬᠤ ᠳᠤ ᠭᠤᠳᠤᠯ ᠤᠨ ᠤᠯᠠ ᠪᠣᠯᠣᠨ | ᠴᠠᠰᠤᠨ ᠰᠢᠷᠬᠡᠭ ᠤᠨ ᠬᠠᠷᠢᠯᠴᠠᠨ ᠢᠯᠪᠢᠯᠲᠡ ᠠᠴᠠ ᠢᠷᠠᠭᠤᠬᠠᠨ ᠡᠭᠡᠰᠢᠭ ᠡᠭᠦᠰᠬᠦ ᠨᠢ ᠰᠣᠨᠣᠷ ᠲᠤ ᠲᠠᠭᠠᠲᠠᠢ᠂ | ᠰᠡᠳᠬᠢᠯ ᠳᠤ ᠠᠶᠠᠲᠠᠢ ᠰᠠᠨᠠᠭᠳᠠᠨᠠ᠃ ᠪᠢ ᠡᠨᠡ ᠲᠠᠭᠤ ᠳᠤ ᠤᠬᠠᠭᠠᠨ ᠦᠭᠡᠢ ᠳᠤᠷᠠᠲᠠᠢ᠃ ᠡᠨᠡ ᠲᠠᠭᠤ ᠪᠣᠯ | ᠡᠪᠦᠯ ᠤᠨ ᠠᠮᠠᠷᠠᠯᠲᠠ ᠪᠠᠷ ᠬᠤᠨᠢᠨ ᠰᠦᠷᠦᠭ ᠢᠶᠠᠨ ᠲᠠᠭᠠᠵᠦ ᠶᠠᠪᠤᠬᠤ ᠳᠤ ᠰᠦᠷᠦᠭ ᠤᠨ ᠲᠤᠭᠤᠷᠠᠢ ᠪᠣᠯᠣᠨ ᠰᠦᠭᠦ | ᠴᠠᠰᠤᠨ ᠤ ᠮᠥᠷᠭᠦᠯᠲᠡ ᠠᠴᠠ ᠡᠭᠦᠰᠬᠦ ᠬᠥᠳᠡᠭᠡ ᠶᠢᠨ ᠲᠠᠭᠤ᠂ ᠡᠨᠡ ᠲᠠᠭᠤ ᠪᠣᠯ ᠤᠳᠤᠨ ᠮᠡᠴᠢᠳ ᠪᠠᠷᠢᠯᠳᠤᠭᠰᠠᠨ | ᠦᠳᠡᠰᠢ ᠪᠠᠷ ᠮᠠᠯ ᠢᠶᠠᠨ ᠬᠤᠲᠠᠯᠠᠬᠤ ᠳᠤ ᠬᠥᠭᠯᠡᠬᠦ ᠭᠦᠳᠡᠯᠮᠤᠷᠢ ᠶᠢᠨ ᠳᠠᠭᠤᠤ᠂ ᠡᠨᠡ ᠳᠠᠭᠤᠤ ᠪᠣᠯ ᠣᠶᠤᠲᠠᠨ ᠤ | ᠬᠦᠷᠢᠶᠡᠯᠡᠩ ᠤᠨ ᠥᠩᠭᠡᠲᠦ ᠵᠥᠷᠢᠭ ᠢᠶᠠᠷ ᠬᠥᠳᠡᠯᠦᠯᠴᠡᠨ ᠠᠯᠬᠤᠬᠤ ᠳᠤᠷᠠᠯᠠᠯᠲᠤ ᠬᠤᠣᠰ ᠤᠨ ᠵᠢᠷᠦᠬᠡᠨ ᠠᠴᠠ | ᠤᠨᠳᠤᠷᠬᠤ ᠬᠠᠶᠢᠷᠠ ᠶᠢᠨ ᠠᠮᠲᠠ ᠲᠠᠢ ᠢᠨᠠᠭ ᠤᠨ ᠳᠠᠭᠤᠤ᠂ ᠡᠨᠡ ᠳᠠᠭᠤᠤ ᠪᠣᠯ ᠬᠠᠶᠠ ᠰᠡᠳᠬᠢᠯ ᠢᠶᠠᠷ ᠤᠨᠠᠵᠤ᠂ | ᠪᠤᠳᠤᠯ ᠳᠠᠭᠠᠨ ᠳᠠᠷᠤᠭᠳᠠᠭᠰᠠᠨ ᠵᠠᠯᠠᠭᠤ ᠶᠢᠨ ᠲᠠᠷᠠᠰᠤᠨ ᠪᠠᠭᠠᠲᠤᠷ ᠤᠨ ᠠᠭᠠᠭ ᠣᠮᠤᠭ ᠢᠶᠠᠷ ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠶᠢ | ᠡᠷᠬᠡᠰᠢᠶᠡᠬᠦ ᠮᠡᠲᠦ ᠰᠠᠭᠰᠠᠭᠤᠷᠠᠬᠤ ᠳᠤ ᠰᠠᠷᠠᠪᠴᠢᠨ ᠤ ᠴᠠᠰᠤ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠬᠠᠭᠵᠠᠷᠠᠨ ᠤᠨᠠᠬᠤ | ᠠᠮᠢᠳᠤᠷᠠᠯ ᠤᠨ ᠳᠠᠭᠤᠤ᠃ ᠡᠳᠡᠭᠡᠷ ᠳᠠᠭᠤᠤ ᠪᠦᠭᠦᠨ ᠤ ᠥᠷᠨᠢᠯ ᠤᠨ ᠠᠶᠠᠰ ᠢ ᠬᠥᠭᠯᠡᠨ ᠴᠢᠪᠬᠠᠳᠠᠵᠤ᠂ | ᠲᠡᠭᠦᠰᠬᠡᠯ ᠤᠨ ᠰᠢᠷᠤᠩᠬᠠᠢ ᠶᠢ ᠭᠦᠦᠭᠢᠯᠡᠨ ᠳᠡᠭᠡᠳᠦᠯᠡᠬᠦ ᠬᠠᠮᠤᠭ ᠤᠨ ᠡᠷᠬᠢᠮ ᠠᠶᠠᠯᠭᠤ ᠪᠣᠯ ᠴᠠᠰᠤᠨ ᠤ ᠠᠶᠠᠯᠭᠤ | ᠠᠪᠠᠢ᠃ | ᠴᠠᠰᠤ ᠥᠪᠡᠷ ᠢᠶᠠᠨ ᠲᠡᠰᠭᠢᠮᠠ ᠬᠦᠢᠲᠡᠨ ᠳᠤ ᠬᠠᠲᠠᠭᠤᠷᠠᠬᠤ᠂ ᠳᠤᠯᠠᠭᠠᠨ ᠬᠠᠯᠠᠭᠤᠨ ᠳᠤ ᠬᠠᠶᠢᠯᠬᠤ᠂ | ᠭᠦᠭᠡᠭᠡ ᠡᠪᠦᠯ ᠢᠶᠠᠷ ᠠᠮᠤᠭᠤᠯᠠᠩ ᠰᠠᠭᠠᠲᠠᠬᠤ᠂ ᠬᠥᠭᠵᠢᠯᠲᠦ ᠬᠠᠪᠤᠷ ᠢᠶᠠᠷ ᠠᠶᠠᠷᠯᠠᠨ ᠮᠣᠷᠳᠠᠬᠤ᠂ ᠬᠠᠶᠠ ᠳᠠᠭᠠᠨ | ᠢᠯᠡᠭᠦᠳᠡᠬᠦ᠂ ᠬᠠᠷᠠᠮᠯᠠᠭᠠᠳ ᠳᠤᠲᠠᠭᠤᠳᠠᠬᠤ ᠰᠣᠯᠣᠩᠭᠠᠨ ᠲᠤᠯᠤᠭᠠᠨ ᠠᠶᠠᠯᠭᠤ ᠲᠠᠢ ᠭᠡᠳᠡᠭ ᠴᠤ ᠬᠠᠮᠤᠭ ᠤᠨ | ᠲᠣᠳᠣᠬᠠᠨ᠂ ᠬᠠᠮᠤᠭ ᠤᠨ ᠰᠤᠳᠤᠬᠠᠨ ᠭᠦᠭ ᠲᠠᠢ ᠲᠣᠷᠭᠠᠨ ᠠᠶᠠᠯᠭᠤ᠃ ᠴᠠᠰᠤ ᠥᠪᠡᠷ ᠢᠶᠠᠨ ᠪᠣᠷᠣᠭᠠᠨ ᠲᠠᠢ | ᠬᠤᠯᠢᠵᠤ ᠨᠣᠣᠷᠠᠬᠤ᠂ ᠪᠣᠷᠣ ᠵᠠᠮ ᠢ ᠭᠡᠷᠦᠨ ᠪᠥᠭᠯᠡᠬᠦ᠂ ᠶᠠᠩᠪᠠ ᠲᠠᠲᠠᠵᠤ ᠶᠠᠪᠠᠭᠠᠨ ᠢᠶᠠᠷ ᠰᠢᠭᠤᠷᠬᠤ᠂ ᠢᠮᠠᠭᠠ ᠮᠠᠯ ᠢ | ᠪᠦᠷᠢᠯᠭᠡᠨ ᠰᠦᠢᠳᠬᠡᠬᠦ᠂ ᠬᠡᠷᠡᠮ ᠬᠠᠰᠢᠶᠠ ᠶᠢ ᠬᠤᠮᠣᠷᠭᠠᠯᠠᠵᠤ ᠲᠦᠭᠵᠢᠬᠦ᠂ ᠬᠤᠷᠣᠮ ᠵᠠᠭᠤᠷᠠ ᠶᠢ ᠨᠢᠳᠦ ᠦᠭᠡᠢ | ᠬᠤᠯᠠᠳᠠᠭᠤᠯᠬᠤ ᠰᠣᠯᠣᠭᠠᠢ ᠠᠶᠠᠯᠭᠤ ᠲᠠᠢ ᠭᠡᠳᠡᠭ ᠪᠤᠯᠪᠠᠴᠤ ᠶᠢᠷᠲᠢᠨᠴᠦ ᠳᠡᠯᠡᠬᠡᠢ ᠶᠢ ᠨᠠᠮᠠᠨᠴᠢᠯᠠᠨ ᠠᠷᠢᠭᠤᠰᠬᠠᠬᠤ | ᠰᠦᠨ ᠠᠶᠠᠯᠭᠤ ᠲᠠᠢ᠃ ᠴᠠᠰᠤ ᠪᠠᠰᠠ ᠡᠪᠡᠳᠴᠢᠨ ᠡᠮᠭᠡᠭ ᠢ ᠰᠡᠷᠭᠡᠶᠢᠯᠡᠨ ᠳᠠᠷᠤᠬᠤ᠂ ᠡᠭᠡᠷᠡᠮᠡ ᠲᠠᠯᠠ ᠶᠢ ᠠᠷᠢᠭᠤᠠᠬᠠᠨ | ᠨᠣᠮᠣᠬᠠᠳᠬᠠᠬᠤ ᠷᠠᠰᠢᠶᠠᠨ ᠠᠶᠠᠯᠭᠤ ᠲᠠᠢ᠃ ᠴᠠᠰᠤ ᠪᠠᠰᠠ ᠦᠨᠡᠨ ᠴᠠᠭᠠᠨ ᠢ ᠢᠯᠭᠠᠪᠤᠷᠢᠯᠠᠨ ᠴᠠᠭᠠᠳᠬᠠᠬᠤ᠂ ᠵᠥᠪ | ᠪᠤᠷᠤᠭᠤ ᠶᠢ ᠰᠠᠯᠭᠠᠨ ᠦᠨᠡᠮᠰᠢᠭᠦᠯᠬᠦ ᠠᠮᠠᠨ ᠠᠶᠠᠯᠭᠤ ᠲᠠᠢ᠃ ᠴᠠᠰᠤ ᠪᠠᠰᠠ ᠁ | ᠴᠠᠰᠤ᠂ ᠵᠠᠳᠠᠭᠠᠢ ᠡᠷᠬᠡ ᠴᠢᠯᠦᠭᠡ ᠳᠡᠭᠡᠨ ᠴᠡᠩᠭᠡᠨ ᠬᠠᠶᠠᠯᠠᠭᠰᠠᠭᠠᠷ ᠁ | ᠴᠠᠰᠤ᠂ ᠵᠠᠳᠠᠭᠠᠢ ᠡᠷᠬᠡ ᠴᠢᠯᠦᠭᠡ ᠪᠠᠨ ᠡᠷᠬᠡᠯᠡᠭᠦᠯᠦᠨ ᠪᠦᠪᠡᠶᠢᠯᠡᠭᠰᠡᠭᠡᠷ ᠁ | | |