| ᠮᠣᠩᠭᠤᠯᠴᠤᠳ ᠤᠨ ᠱᠠᠭᠠ ᠲᠣᠭᠯᠠᠭᠠᠮ ᠨᠢ ᠡᠭᠦᠰᠴᠦ ᠬᠥᠭᠵᠢᠬᠦ ᠶᠠᠪᠤᠴᠠ ᠳᠠᠭᠠᠨ ᠪᠤᠰᠤᠳ ᠰᠣᠶᠣᠯ | ᠲᠠᠮᠢᠷ ᠤᠨ ᠠᠵᠢᠯᠯᠠᠭᠠ ᠲᠠᠢ ᠠᠳᠠᠯᠢ ᠮᠥᠨ ᠮᠠᠰᠢ ᠨᠠᠷᠢᠨ ᠳᠦᠷᠢᠮ ᠶᠣᠰᠣ ᠪᠤᠢ ᠪᠣᠯᠵᠤ ᠦᠶᠡ ᠤᠯᠠᠮᠵᠢᠯᠠᠨ | ᠢᠷᠡᠭᠰᠡᠨ ᠪᠢᠯᠡ᠃ ᠱᠠᠭᠠ ᠨᠠᠭᠠᠳᠤᠮ ᠨᠢ ᠶᠡᠷᠦᠩᠬᠡᠢ ᠲᠣᠭᠲᠠᠭᠰᠠᠨ ᠵᠢᠷᠤᠮ ᠳᠦᠷᠢᠮ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠠ᠂ ᠪᠠᠰᠠ | ᠲᠥᠷᠤᠯ ᠵᠦᠢᠯ ᠤᠨ ᠲᠣᠭᠯᠠᠭᠠᠮ ᠪᠣᠯᠭᠠᠨ ᠳᠤ ᠲᠤᠰ ᠲᠤᠰ ᠤᠨ ᠬᠢᠨᠢ ᠵᠢᠷᠤᠮ ᠳᠦᠷᠢᠮ ᠪᠠᠶᠢᠳᠠᠭ ᠶᠤᠮ᠃ | ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠬᠰᠠᠨ ᠬᠥᠮᠥᠨ ᠪᠣᠯᠭᠠᠨ ᠬᠡᠪᠰᠢᠭᠰᠡᠨ ᠡᠨᠡ ᠬᠦ ᠳᠦᠷᠢᠮ ᠶᠣᠰᠣ ᠶᠢ ᠴᠢᠩᠭᠠ ᠵᠢᠷᠤᠮᠯᠠᠨ | ᠰᠠᠬᠢᠬᠤ ᠶᠣᠰᠣᠲᠠᠢ᠃ ᠦᠭᠡᠢ ᠪᠣᠯ ᠨᠠᠭᠠᠳᠤᠮ ᠳᠤ ᠣᠷᠤᠯᠴᠠᠬᠤ ᠡᠷᠬᠡ ᠶᠢ ᠨᠢ ᠬᠠᠰᠤᠳᠠᠭ ᠪᠠᠶᠢᠨᠠ᠃ | 1. ᠱᠠᠭᠠ ᠨᠠᠭᠠᠳᠤᠮ ᠢ ᠡᠬᠢᠯᠡᠵᠦ ᠲᠣᠭᠯᠠᠬᠤ ᠳᠠᠭᠠᠨ᠂ ᠨᠠᠰᠤᠨ ᠤ ᠡᠷᠡᠮᠪᠡ ᠪᠠᠷ ᠬᠠᠮᠤᠭ ᠤᠨ ᠥᠨᠳᠥᠷ ᠨᠠᠰᠤᠲᠠᠢ | ᠠᠬᠠᠮᠠᠳ ᠠᠴᠠ ᠡᠬᠢᠯᠡᠬᠦ ᠪᠤᠶᠤ ᠭᠠᠭᠴᠠ ᠱᠠᠭᠠ ᠬᠠᠶᠠᠵᠤ ᠬᠡᠨ ᠨᠢ ᠮᠣᠷᠢ ᠪᠣᠰᠬᠠᠪᠠᠯ ᠲᠠᠷᠨ ᠨᠢ ᠤᠷᠢᠳᠠᠪᠠᠷ | ᠡᠬᠢᠯᠡᠵᠦ ᠨᠠᠭᠠᠳᠤᠨᠠ᠃ | 2. ᠨᠠᠷᠨ ᠵᠥᠪ ᠡᠷᠭᠢᠬᠦ ᠵᠢᠷᠤᠮ ᠢᠶᠠᠷ ᠡᠬᠢᠯᠡᠵᠦ ᠨᠠᠭᠠᠳᠬᠤ ᠡᠷᠬᠡ ᠣᠯᠣᠭᠰᠠᠨ ᠬᠥᠮᠥᠨ ᠱᠠᠭᠠ ᠪᠠᠨ ᠬᠠᠶᠠᠵᠤ | ᠨᠠᠭᠠᠳᠤᠮ ᠡᠭᠦᠰᠬᠡᠨᠡ᠃ ᠭᠡᠬᠦ ᠳᠤ ᠵᠠᠷᠢᠮ ᠭᠠᠵᠠᠷ ᠨᠡᠷᠨ ᠵᠥᠪ ᠡᠷᠭᠢᠵᠦ᠂ ᠨᠠᠭᠠᠳᠤᠮ ᠪᠤᠷᠤᠭᠤ ᠡᠷᠭᠢᠨᠡ ᠬᠡᠮᠡᠨ | ᠬᠡᠯᠡᠳᠡᠭ ᠴᠦ ᠪᠤᠢ᠃ ᠨᠠᠭᠠᠳᠤᠮ ᠡᠭᠦᠰᠬᠡᠵᠦ ᠡᠬᠢᠯᠡᠭᠰᠡᠨ ᠬᠥᠮᠥᠨ ᠠᠴᠠ ᠳᠠᠷᠠᠭᠠᠯᠠᠨ ᠡᠮᠬᠢ ᠵᠢᠷᠤᠮ ᠲᠠᠢ᠂ ᠲᠠᠰ | ᠳᠠᠷᠠᠭᠠᠯᠠᠨ ᠨᠠᠭᠠᠳᠬᠤ ᠪᠣᠯᠣᠨᠠ᠃ | 3. ᠱᠠᠭᠠ ᠨᠠᠭᠠᠳᠬᠤ ᠳᠠᠭᠠᠨ ᠪᠣᠯᠪᠠᠰᠤᠨ ᠶᠣᠰᠣᠷᠬᠠᠭ ᠢ ᠡᠷᠬᠢᠮᠯᠡᠵᠦ᠂ ᠶᠣᠰᠣ ᠪᠤᠰᠤ ᠪᠠᠷ ᠠᠭᠠᠰᠢᠯᠠᠵᠤ ᠤᠬᠳᠤ | ᠪᠤᠯᠬᠤ ᠦᠭᠡᠢ᠃ ᠬᠡᠨ ᠶᠣᠰᠣ ᠪᠤᠰᠤ ᠪᠠᠷ ᠠᠭᠠᠰᠢᠯᠠᠪᠠᠯ ᠨᠠᠭᠠᠳᠬᠤ ᠡᠷᠬᠡ ᠶᠢ ᠨᠢ ᠬᠠᠰᠤᠨᠠ᠃ | 4. ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠰᠠᠳ ︵ᠰᠣᠯᠣᠭᠠᠢ ᠭᠠᠷ ᠲᠠᠢ ᠬᠥᠮᠥᠨ ᠢ ᠭᠠᠷᠭᠠᠪᠠᠯ︶ ᠱᠠᠭᠠ ᠪᠠᠨ ᠰᠣᠯᠣᠭᠠᠢ | ᠭᠠᠷ ᠢᠶᠠᠷ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ᠃ | 5. ᠱᠠᠭᠠ ᠨᠠᠭᠠᠳᠤᠮ ᠤᠨ ᠰᠢᠪᠰᠢᠬᠦ ᠰᠢᠯᠦᠭ ᠢᠶᠠᠨ ᠪᠤᠷᠤᠭᠤ ᠤᠩᠰᠢᠵᠤ ᠪᠤᠯᠬᠤ ᠦᠭᠡᠢ᠂ ᠬᠡᠷᠪᠡ ᠪᠤᠷᠤᠭᠤ | ᠤᠩᠰᠢᠪᠠᠯ ᠡᠭᠡᠯᠵᠢ ᠶᠢᠨ ᠡᠷᠬᠡ ᠶᠢ ᠬᠠᠰᠤᠨᠠ᠃ | 6. ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠰᠠᠳ᠂ ᠱᠠᠭᠠ ᠣᠪᠤᠭᠠᠷᠠᠯᠳᠤᠭᠤᠯᠤᠨ᠂ ᠭᠥᠡᠳᠡᠭᠡ ᠲᠠᠢ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ᠃ | ᠭᠡᠪᠡᠴᠦ ᠬᠡᠳᠤ ᠠᠴᠠ ᠳᠡᠭᠡᠭᠰᠢ ᠭᠥᠡᠳᠡᠭᠡ ᠪᠠᠷᠢᠬᠤ ᠶᠢ ᠤᠷᠢᠳᠠᠪᠠᠷ ᠶᠠᠷᠢᠯᠴᠠᠨ ᠲᠣᠭᠲᠠᠭᠠᠨᠠ᠃ ᠶᠠᠷᠢᠯᠴᠠᠨ | ᠲᠣᠭᠲᠠᠭᠰᠠᠨ ᠭᠥᠡᠳᠡᠭᠡ ᠠᠴᠠ ᠬᠡᠲᠦᠷᠡᠪᠡᠯ᠂ ᠡᠭᠡᠯᠵᠢ ᠶᠢᠨ ᠡᠷᠬᠡ ᠶᠢ ᠨᠢ ᠬᠠᠰᠤᠵᠤ ᠪᠣᠯᠣᠨᠠ᠃ | 7. ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠰᠠᠳ᠂ ᠱᠠᠭᠠ ᠪᠠᠨ ᠬᠠᠷᠪᠤᠬᠤ ᠦᠶᠡ ᠪᠤᠶᠤ ᠬᠠᠷᠪᠤᠭᠰᠠᠨ ᠱᠠᠭᠠ ᠪᠠᠨ ᠠᠪᠬᠤ | ᠦᠶᠡ ᠳᠤ ᠵᠠᠩᠭᠠᠵᠤ ᠪᠤᠯᠬᠤ ᠦᠭᠡᠢ᠂ ᠰᠠᠶᠢᠲᠤᠷ ᠪᠣᠳᠣᠯᠬᠢᠯᠠᠵᠤ ᠠᠯᠢ ᠠᠰᠢᠭᠲᠠᠢ ᠭᠡᠵᠦ ᠦᠵᠡᠭᠰᠡᠨ ᠱᠠᠭᠠ ᠪᠠᠨ | ᠠᠪᠤᠨᠠ᠃ ᠭᠡᠬᠦ ᠳᠤ ᠱᠠᠭᠠ ᠠᠪᠬᠤ ᠳᠠᠭᠠᠨ ᠪᠤᠰᠤᠳ ᠱᠠᠭᠠ ᠶᠢ ᠬᠥᠳᠡᠯᠭᠡᠵᠦ ᠭᠥᠡᠳᠠᠵᠦ ᠪᠤᠯᠬᠤ ᠦᠭᠡᠢ᠃ | 8. ᠱᠠᠭᠠ ᠬᠠᠶᠠᠭᠰᠠᠨ ᠭᠠᠷ ᠢᠶᠠᠷ ᠢᠶᠠᠨ ᠮᠣᠷᠢ ᠳᠤᠰᠤᠭᠰᠠᠨ ᠱᠠᠭᠠ ᠪᠤᠶᠤ ᠬᠠᠷᠪᠤᠭᠰᠠᠨ ᠱᠠᠭᠠ ᠠᠴᠠ ᠠᠪᠴᠤ | ᠪᠤᠯᠬᠤ ᠦᠭᠡᠢ᠃ | 9. ᠱᠠᠭᠠ ᠨᠠᠭᠠᠳᠤᠮ ᠳᠤ᠂ ᠬᠠᠶᠠᠭᠰᠠᠨ ᠱᠠᠭᠠ ᠶᠢᠨ ᠮᠣᠷᠢ ᠶᠢ ᠬᠤᠭᠤᠷᠣᠨᠳᠤ ᠨᠢ ᠬᠠᠷᠪᠤᠳᠠᠭ ᠦᠭᠡᠢ | ᠵᠠᠩᠰᠢᠯ ᠲᠠᠢ᠃ ᠬᠡᠨ ᠬᠥᠮᠥᠨ ᠱᠠᠭᠠ ᠪᠠᠨ ᠬᠠᠶᠠᠭᠠᠳ ᠳᠤᠰᠤᠭᠰᠠᠨ ᠮᠣᠷᠢ ᠪᠠᠨ ᠤᠷᠢᠳᠠᠪᠠᠷ ᠲᠡᠭᠦᠵᠦ ᠠᠪᠬᠤ ᠦᠭᠡᠢ | ᠱᠠᠭᠠ ᠪᠠᠨ ᠬᠠᠷᠪᠤᠬᠤ ᠪᠤᠶᠤ ᠮᠣᠷᠢ ᠶᠢ ᠬᠤᠭᠤᠷᠣᠨᠳᠤ ᠨᠢ ᠬᠠᠷᠪᠤᠪᠠᠯ ᠡᠭᠡᠯᠵᠢ ᠶᠢᠨ ᠨᠠᠭᠠᠳᠬᠤ ᠡᠷᠬᠡ ᠶᠢ ᠨᠢ | ᠬᠠᠰᠤᠨᠠ᠃ ᠭᠡᠪᠡᠴᠦ ᠵᠠᠷᠢᠮ ᠭᠠᠵᠠᠷ ᠮᠣᠷᠢ ᠶᠢ ᠬᠤᠭᠤᠷᠣᠨᠳᠤ ᠨᠢ ᠬᠠᠷᠪᠤᠬᠤ ᠦᠵᠡᠭᠳᠡᠯ ᠪᠤᠢ᠃ | 10. ᠤᠡᠭᠭᠤ ᠲᠠᠢ ᠨᠠᠭᠠᠳᠬᠤ ᠡᠰᠡᠬᠦ ᠪᠠᠨ ᠶᠠᠷᠢᠯᠴᠠᠵᠤ ᠲᠣᠭᠲᠠᠭᠠᠨᠠ᠃ ᠬᠡᠷᠪᠡ ᠤᠡᠭᠭᠤ ᠲᠠᠢ ᠨᠠᠭᠠᠳᠪᠠᠯ᠂ | ᠬᠠᠶᠠᠭᠰᠠᠨ ᠱᠠᠭᠠ ᠳᠤ ᠤᠡᠭᠭᠤ ᠪᠠᠶᠢᠪᠠᠯ᠂ ᠨᠠᠭᠠᠳᠤᠮ ᠤᠨ ᠳᠠᠭᠠᠭᠠᠮᠠᠯ ᠪᠤᠶᠤ ᠬᠠᠮᠤᠭ ᠠᠬᠠᠮᠠᠳ ᠬᠥᠮᠥᠨ ᠢᠶᠠᠷ | ᠤᠡᠭᠭᠤ ᠶᠢ ᠭᠤᠷᠪᠠ ᠤᠳᠠᠭᠠ ᠬᠠᠶᠠᠭᠤᠯᠵᠤ ᠭᠤᠷᠪᠠᠳᠠᠭᠢ ᠤᠳᠠᠭᠠ ᠳᠤᠰᠤᠭᠰᠠᠨ ᠢᠶᠠᠷ ᠪᠠᠷᠢᠮᠵᠢᠶᠠᠯᠠᠨᠠ᠃ ᠬᠡᠷᠪᠡ | ᠤᠡᠭᠭᠤ ᠠᠪᠬᠤ ᠭᠡᠵᠦ ᠲᠣᠭᠲᠠᠭᠠᠪᠠᠯ᠂ ᠬᠡᠨ ᠴᠦ ᠬᠠᠶᠠᠭᠰᠠᠨ ᠱᠠᠭᠠ ᠳᠤ ᠤᠡᠭᠭᠤ ᠲᠤᠰᠪᠡᠯ ᠲᠠᠷᠨ ᠬᠥᠮᠥᠨ ᠤ | ᠡᠭᠡᠯᠵᠢ ᠶᠢᠨ ᠡᠷᠬᠡ ᠶᠢ ᠬᠠᠰᠤᠵᠤ ᠲᠠᠷᠠᠭᠠᠴᠢ ᠶᠢᠨ ᠬᠥᠮᠥᠨ ᠵᠠᠯᠭᠠᠵᠤ ᠨᠠᠭᠠᠳᠬᠤ ᠶᠣᠰᠣᠲᠠᠢ᠃ | 11. ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠰᠠᠳ ᠱᠠᠭᠠ ᠬᠠᠶᠠᠬᠤ ᠳᠠᠭᠠᠨ ᠭᠤᠭᠤᠵᠢᠭᠤᠯᠵᠤ ᠴᠤᠪᠤᠭᠤᠯᠤᠨ ᠡᠬᠢ ᠠᠳᠠᠭ | ᠦᠭᠡᠢ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ᠃ | 12. ᠱᠠᠭᠠ ᠬᠠᠷᠪᠤᠵᠤ ᠨᠠᠭᠠᠳᠬᠤ ᠳᠠᠭᠠᠨ᠂ ᠪᠤᠰᠤᠳ ᠶᠠᠮᠠᠷ ᠴᠦ ᠱᠠᠭᠠ ᠶᠢ ᠤᠨᠤᠪᠡᠯ ᠮᠥᠨ ᠭᠦᠨᠳᠡᠭᠰᠡᠨ ᠢᠶᠠᠷ | ᠪᠤᠳᠤᠨᠠ᠃ ᠱᠠᠭᠠ ᠬᠠᠷᠪᠤᠬᠤ ᠦᠶᠡ ᠪᠤᠶᠤ ᠬᠠᠷᠪᠤᠭᠰᠠᠨ ᠱᠠᠭᠠ ᠪᠠᠨ ᠠᠪᠬᠤ ᠦᠶᠡ ᠳᠤ ᠪᠤᠰᠤᠳ ᠱᠠᠭᠠ ᠶᠢ | ᠰᠠᠨᠠᠮᠰᠠᠷ ᠦᠭᠡᠢ ᠬᠥᠳᠡᠯᠭᠡᠪᠡᠯ ᠮᠥᠨ ᠭᠥᠡᠳᠡᠭᠡ ᠪᠠᠷ ᠪᠤᠳᠤᠨᠠ᠃ | 13. ᠱᠠᠭᠠ ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠰᠠᠳ ᠱᠠᠭᠠ ᠬᠠᠶᠠᠬᠤ ᠬᠡᠮᠵᠢᠶᠡ ᠲᠣᠭᠲᠠᠭᠠᠨᠠ᠃ ᠲᠣᠭᠲᠠᠭᠠᠭᠰᠠᠨ | ᠬᠡᠮᠵᠢᠶᠡ ᠬᠦᠷᠢᠶᠡ ᠠᠴᠠ ᠨᠢᠭᠡ ᠯᠠ ᠱᠠᠭᠠ ᠭᠠᠳᠠᠨᠠ ᠲᠤᠰᠪᠡᠯ ᠮᠥᠨ ᠡᠭᠡᠯᠵᠢ ᠶᠢᠨ ᠡᠷᠬᠡ ᠶᠢ ᠬᠠᠰᠤᠨᠠ᠃ | 14. ᠱᠠᠭᠠ ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠭᠠᠳ ᠨᠢᠭᠡ ᠴᠦ ᠱᠠᠭᠠ ᠦᠭᠡᠢ ᠪᠣᠯᠪᠠᠯ ᠱᠦᠭᠦᠭᠳᠡᠭᠰᠡᠨ ᠢᠶᠠᠷ ᠪᠤᠳᠤᠨᠠ᠂ | ᠭᠡᠪᠡᠴᠦ ᠠᠵᠠ ᠶᠢᠨ ᠭᠠᠭᠴᠠ ᠬᠠᠶᠠᠬᠤ ᠪᠤᠶᠤ ᠢᠵᠢᠯ ᠱᠠᠭᠠ ᠶᠢᠨ ᠪᠤᠯᠢᠶᠠᠯᠴᠠᠭᠠᠨ ᠳᠤ ᠣᠷᠣᠵᠤ ᠪᠤᠯᠬᠤ ᠪᠥᠭᠡᠳ | ᠱᠠᠭᠠ ᠣᠯᠵᠤ ᠴᠢᠳᠠᠪᠠᠯ ᠮᠥᠨ ᠵᠠᠯᠭᠠᠵᠤ ᠨᠠᠭᠠᠳᠴᠤ ᠪᠣᠯᠣᠨᠠ᠃ | 15. ᠬᠠᠶᠠᠭᠰᠠᠨ ᠱᠠᠭᠠ ᠶᠢᠨ ᠮᠣᠷᠢ ᠪᠤᠶᠤ ᠬᠠᠷᠪᠤᠭᠰᠠᠨ ᠱᠠᠭᠠ ᠪᠠᠨ ᠠᠪᠬᠤ ᠳᠤ ᠱᠠᠭᠠ ᠲᠠᠢ ᠭᠠᠷ ᠢᠶᠠᠷ | ᠠᠪᠴᠤ ᠪᠤᠯᠬᠤ ᠦᠭᠡᠢ᠃ | 16. ᠱᠠᠭᠠ ᠨᠠᠭᠠᠳᠬᠤ ᠳᠠᠭᠠᠨ ᠬᠡᠷᠡᠭᠦᠯ ᠬᠢᠬᠦ᠂ ᠭᠦᠵᠢᠷᠯᠡᠬᠦ᠂ ᠠᠭᠤᠷᠯᠠᠬᠤ ᠶᠢ ᠪᠦᠷ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ᠃ | 17. ᠨᠠᠭᠠᠳᠤᠮ ᠤᠨ ᠳᠠᠭᠠᠭᠠᠮᠠᠯ ᠪᠤᠶᠤ ᠨᠠᠰᠤᠲᠠᠶᠢᠴᠤᠳ ᠤᠨ ᠵᠥᠪᠰᠢᠶᠡᠷᠡᠯ ᠦᠭᠡᠢ ᠪᠣᠯ ᠬᠥᠮᠥᠨ ᠢᠶᠠᠷ | ᠣᠷᠣᠯᠠᠭᠤᠯᠤᠨ ᠱᠠᠭᠠ ᠪᠠᠨ ᠬᠠᠷᠪᠤᠭᠤᠯᠬᠤ ᠪᠤᠶᠤ ᠬᠠᠶᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ᠃ | 18. ᠱᠠᠭᠠ ᠬᠠᠶᠠᠬᠤ ᠪᠠ ᠱᠠᠭᠠ ᠬᠠᠷᠪᠤᠬᠤ ᠶᠠᠪᠤᠴᠠ ᠳᠤ ᠲᠥᠷᠪᠡᠨ ᠱᠠᠭᠠ ᠪᠤᠶᠤ ᠭᠤᠷᠪᠠᠨ ᠱᠠᠭᠠ | ᠦᠯᠡᠳᠡᠭᠡᠭᠰᠡᠨ ᠦᠶᠡ ᠳᠤ᠂ ᠬᠡᠷᠪᠡ ᠲᠥᠷᠪᠡᠨ ᠪᠡᠷᠬᠡ ᠪᠤᠶᠤ ᠭᠤᠷᠪᠠᠨ ᠪᠡᠷᠬᠡ ᠲᠤᠰᠪᠡᠯ ᠮᠣᠷᠢ ᠶᠢ ᠨᠢ ᠠᠪᠬᠤ ᠦᠭᠡᠢ | ᠂ ᠵᠠᠪᠠᠯ ᠢᠵᠢᠯ ᠲᠤᠰᠪᠡᠯ ᠬᠠᠷᠪᠤᠬᠤ ᠪᠤᠶᠤ ᠮᠣᠷᠢ ᠶᠢ ᠨᠢ ᠠᠪᠴᠤ ᠪᠣᠯᠣᠨᠠ᠃ ᠠᠵᠠ ᠶᠢᠨ ᠭᠠᠭᠴᠠ ᠶᠢ | ᠪᠤᠯᠢᠶᠠᠯᠴᠠᠭᠠᠨ ᠳᠤ ᠤᠷᠤᠭᠤᠯᠬᠤ ᠦᠭᠡᠢ᠂ ᠬᠡᠨ ᠳᠤ ᠲᠤᠰᠪᠡᠯ ᠲᠠᠷᠨ ᠨᠢ ᠠᠪᠬᠤ ᠶᠣᠰᠣᠲᠠᠢ᠃ | 19. ᠵᠠᠭᠤ ᠬᠠᠶᠠᠬᠤ ᠪᠤᠶᠤ ᠮᠢᠩᠭᠠ ᠳᠤ ᠤᠷᠤᠯᠳᠤᠬᠤ ᠳᠤ ᠣᠯᠣᠭᠰᠠᠨ ᠬᠤᠪᠢ᠂ ᠵᠠᠭᠤ ᠪᠤᠶᠤ ᠮᠢᠩᠭᠠ ᠠᠴᠠ | ᠬᠡᠲᠦᠷᠡᠪᠡᠯ᠂ ᠰᠢᠲᠠᠭᠰᠠᠨ ᠢᠶᠠᠷ ᠪᠤᠳᠤᠵᠦ᠂ ᠲᠠᠬᠢᠵᠦ ᠡᠬᠢᠯᠡᠨ ᠲᠣᠭᠯᠠᠨᠠ᠃ | 20. ᠬᠡᠨ ᠱᠠᠭᠠ ᠬᠠᠶᠠᠭᠰᠠᠨ ᠴᠦ ᠤᠡᠭᠭᠤ ᠲᠤᠰᠬᠤ᠂ ᠭᠥᠡᠳᠡᠭᠡ ᠲᠠᠢ ᠪᠠᠭᠤᠬᠤ ᠳᠤ ᠭᠥᠷᠪᠡᠯ᠂ ᠥᠪᠡᠷ ᠢᠶᠠᠨ | ᠤᠡᠭᠭᠤ ᠪᠠᠨ ᠲᠠᠬᠢᠵᠦ ᠬᠠᠶᠠᠬᠤ ᠪᠤᠶᠤ ᠭᠥᠡᠳᠡᠭᠡ ᠲᠠᠢ ᠱᠠᠭᠠ ᠠᠪᠴᠤ ᠪᠤᠯᠬᠤ ᠦᠭᠡᠢ᠂ ᠵᠠᠪᠠᠯ᠂ ᠨᠠᠭᠠᠳᠤᠮ ᠤᠨ | ᠳᠠᠭᠠᠭᠠᠮᠠᠯ ᠪᠠ ᠨᠠᠰᠤᠲᠠᠶᠢᠴᠤᠳ ᠢᠶᠠᠷ ᠬᠠᠶᠠᠭᠤᠯᠬᠤ ᠪᠤᠶᠤ ᠭᠥᠡᠳᠡᠭᠡ ᠪᠠᠨ ᠭᠠᠷᠭᠠᠬᠤ ᠶᠣᠰᠣᠲᠠᠢ᠃ | 21. ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠬᠰᠠᠨ ᠬᠥᠮᠥᠨ ᠪᠣᠯᠭᠠᠨ ᠬᠠᠷᠢᠯᠴᠠᠨ ᠡᠷᠬᠡ ᠲᠡᠭᠰᠢ ᠪᠠᠶᠢᠵᠤ ᠪᠡᠶᠡ ᠪᠡᠶᠡ ᠳᠡᠭᠡᠨ | ᠬᠢᠨᠠᠯᠲᠠ ᠲᠠᠯᠪᠢᠵᠤ ᠲᠥᠪ ᠭᠤᠤᠯᠴᠢ ᠨᠠᠭᠠᠳᠬᠤ ᠶᠢ ᠡᠷᠬᠢᠮᠯᠡᠨᠡ᠃ ᠬᠡᠨ ᠴᠦ ᠳᠦᠷᠢᠮ ᠢ ᠵᠥᠷᠢᠴᠡᠵᠦ ᠪᠤᠯᠬᠤ ᠦᠭᠡᠢ᠃ | | 22. ᠱᠠᠭᠠ ᠨᠠᠭᠠᠳᠬᠤ ᠳᠤ᠂ ᠵᠣᠭᠤᠰ ᠮᠥᠷᠥᠶᠢᠴᠡᠬᠦ ᠶᠢ ᠴᠢᠩᠭᠠ ᠴᠡᠭᠡᠷᠯᠡᠳᠡᠭ ᠪᠥᠭᠡᠳ ᠵᠣᠭᠤᠰ ᠲᠠᠢ | ᠨᠠᠭᠠᠳᠬᠤ ᠳᠠᠳᠬᠠᠯ ᠶᠡᠷᠦ ᠠᠴᠠ ᠪᠠᠶᠢᠳᠠᠭ ᠦᠭᠡᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠱᠠᠭᠠ ᠨᠠᠭᠠᠳᠤᠮ ᠤᠨ ᠲᠥᠷᠤᠯ | ᠪᠦᠷᠢ ᠶᠢᠨ ᠲᠣᠭᠯᠠᠭᠠᠮ ᠳᠤ ᠲᠤᠰ ᠲᠤᠰ ᠤᠨ ᠬᠢᠨᠢ ᠬᠡᠪᠰᠢᠭᠰᠡᠨ ᠳᠦᠷᠢᠮ ᠴᠡᠭᠡᠷ ᠤᠳ ᠪᠤᠢ᠃ ᠮᠥᠨ ᠬᠥᠮᠥᠨ | ᠪᠣᠯᠭᠠᠨ ᠵᠢᠷᠤᠮᠯᠠᠵᠤ ᠰᠠᠬᠢᠬᠤ ᠶᠣᠰᠣᠲᠠᠢ᠃ | | | | |