| ᠤᠷᠢᠬᠠᠨ ᠬᠠᠪᠤᠷ ᠤᠨ ᠡᠳᠦᠷ ᠠᠴᠠ ᠨᠢᠭᠡᠬᠡᠨ ᠮᠥᠴᠡ ᠶᠢ ᠵᠢᠭᠡᠯᠡᠨ | ᠤᠰᠤ ᠭᠤᠣᠯ ᠤᠨ ᠳᠣᠯᠭᠢᠶᠠᠨ ᠤ ᠲᠤᠩᠭᠠᠯᠠᠭ ᠠᠨᠢᠷ ᠲᠤ ᠲᠠᠶᠢᠪᠤᠰᠢᠷᠠᠨ | ᠬᠠᠪᠤᠷ ᠬᠡᠮᠡᠬᠦ ᠭᠠᠭᠴᠠᠬᠠᠨ ᠳᠡᠯᠡᠬᠡᠢ ᠴᠢᠮᠠ ᠳᠡᠭᠡᠷᠡ ᠪᠠᠨ | ᠬᠠᠨᠠᠨ ᠨᠢᠳᠦ ᠪᠠᠷ ᠥᠷᠲᠥᠬᠦ᠂ ᠭᠦᠪᠦᠯᠵᠡᠭᠦ ᠡᠭᠦᠯᠡᠰ ᠢ ᠰᠢᠷᠳᠡᠨ | ᠬᠤᠷᠠ ᠶᠢᠨ ᠰᠤᠷᠠᠭ ᠴᠢᠩᠨᠠᠵᠤ᠂ ᠬᠤᠯᠠ ᠶᠢᠨ ᠲᠡᠭᠷᠢ ᠶᠢ ᠪᠠᠷᠠᠯᠠᠨᠠᠮ | | | | | | | ᠬᠠᠩᠭᠢᠷ ᠵᠢᠩᠭᠢᠷ ᠬᠠᠪᠤᠷ ᠤᠨ ᠭᠤᠷᠪᠠᠨ ᠰᠠᠷᠠ ᠶᠢ | ᠬᠠᠪᠲᠠᠭᠠᠢ ᠴᠡᠭᠡᠵᠢᠨ ᠤ ᠪᠠᠨ ᠬᠠᠶᠢᠷᠠ ᠪᠠᠷ ᠳᠣᠮᠨᠣᠬᠤ ᠳᠤ | ᠬᠠᠤᠬᠢᠬᠤ ᠰᠠᠯᠬᠢᠨ ᠢ ᠬᠤᠪᠬᠤ ᠲᠠᠭᠤᠭᠰᠠᠨ ᠬᠤᠷᠠ ᠶᠢᠨ ᠰᠤᠷᠠᠭ | ᠬᠠᠶᠢᠷᠠ ᠶᠢᠨ ᠤᠶᠠᠬᠠᠨ ᠽᠠᠮᠪᠤᠯᠢᠩ ᠤᠨ ᠬᠠᠲᠠᠭᠤ ᠴᠢᠨᠠᠷ ᠢ ᠵᠥᠭᠡᠯᠡᠯᠡᠬᠦ ᠪᠠᠷ | ᠬᠠᠷᠠ ᠬᠥᠷᠥᠰᠥ ᠶᠢ ᠳᠡᠪᠲᠦᠭᠡᠨ ᠬᠠᠶᠢᠷᠠ ᠶᠢᠨ ᠬᠡᠰᠢᠭ ᠪᠣᠯᠣᠨ ᠱᠠᠭᠢᠨᠠᠮ | | | | | | | ᠬᠤᠷᠮᠤᠰᠳᠠ ᠲᠡᠭᠷᠢ ᠠᠴᠠ ᠰᠣᠶᠣᠷᠬᠠᠭᠰᠠᠨ ᠰᠢᠳᠢᠲᠦ ᠷᠠᠰᠢᠶᠠᠨ | ᠬᠠᠳᠠᠵᠤ ᠬᠤᠷᠪᠣᠶᠢᠭᠰᠠᠨ ᠡᠪᠡᠰᠦ ᠴᠡᠴᠡᠭ ᠤᠨ ᠴᠠᠭ ᠤᠨ ᠬᠤᠷᠠ | ᠬᠠᠩᠭᠠᠢ ᠰᠢᠯᠢ ᠪᠠᠨ ᠳᠠᠭᠤᠳᠠᠨ ᠰᠡᠷᠭᠦᠭᠡᠭᠰᠡᠨ ᠠᠮᠢᠨ ᠲᠡᠵᠢᠭᠡᠯ | ᠬᠠᠯᠭᠢᠲᠠᠯᠠ ᠳᠡᠯᠭᠡᠷᠡᠭᠰᠡᠨ ᠲᠡᠷᠢᠭᠦᠯᠡᠭᠴᠢ ᠴᠡᠴᠡᠭ ᠤᠨ ᠲᠣᠷᠭᠠᠨ ᠬᠡᠯᠲᠡᠰ | ᠬᠠᠨ ᠳᠡᠯᠡᠬᠡᠢ ᠶᠢᠨ ᠬᠥᠮᠥᠨ ᠵᠤᠨ ᠤ ᠬᠦᠰᠡᠯ ᠤᠨ ᠲᠠᠯᠠᠪᠴᠢ | | | | | | | ᠠᠯᠤᠰ ᠴᠠᠭᠠᠨᠠ ᠠᠴᠠ ᠠᠶᠠᠷᠬᠠᠨ ᠣᠶᠢᠷᠠᠲᠤᠭᠰᠠᠨ ᠬᠤᠷᠠ ᠶᠢᠨ ᠰᠤᠷᠠᠭ | ᠣᠷᠴᠢᠯᠠᠩ ᠤᠨ ᠳᠤᠯᠠᠭᠠᠨ ᠬᠤᠷᠮᠣᠢ ᠳᠤ ᠤᠯᠠᠷᠢᠯ ᠤᠨ ᠰᠣᠶᠤᠭᠠ ᠴᠤᠬᠤᠶᠢᠯᠭᠠᠨ | ᠤᠨᠢᠶᠠᠷ ᠬᠦᠳᠡᠩ ᠬᠥᠰᠢᠭᠡᠯᠡᠭᠰᠡᠨ ᠠᠭᠤᠯᠠᠰ ᠤᠨ ᠣᠷᠣᠢ ᠳᠤ ᠪᠦᠷᠦᠯᠵᠡᠬᠦ ᠳᠤ | ᠣᠰᠤᠨ ᠵᠡᠷᠭᠡᠯᠭᠡᠨ ᠬᠠᠯᠭᠢᠯᠠᠭᠰᠠᠨ ᠠᠷᠤ ᠶᠢᠨ ᠬᠥᠲᠥᠯ ᠮᠢᠨᠢ ᠴᠡᠯᠭᠡᠷᠡᠨ | ᠤᠳᠠᠨ ᠤ ᠨᠠᠪᠴᠢᠰ ᠪᠥᠵᠢᠭᠯᠡᠭᠰᠡᠨ ᠤᠷᠢᠬᠠᠨ ᠬᠠᠪᠤᠷ ᠳᠠᠭᠤᠯᠠᠯᠳᠤᠨᠠᠮ︕ | | |