| ᠬᠤᠷᠢᠨ ᠲᠥᠷᠪᠡᠨ ᠴᠠᠭ ᠤᠯᠠᠷᠢᠯ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠤᠷᠠᠨ ᠪᠦᠲᠦᠭᠡᠯ - ᠪᠤᠭᠤᠳᠠᠢ ᠪᠣᠯᠪᠠᠰᠤᠷᠠᠬᠤ | ᠬᠤᠷᠠ ᠲᠠᠢ ᠵᠤᠨ ᠰᠠᠶᠢᠬᠠᠨ᠃ | ᠡᠷᠭᠢᠯᠳᠦᠨ ᠲᠣᠭᠤᠷᠢᠵᠤ ᠵᠣᠭᠰᠤᠭᠠ ᠦᠭᠡᠢ ᠠᠶᠠᠯᠠᠳᠠᠭ ᠪᠠᠶᠢᠭᠠᠯᠢ ᠶᠢᠨ ᠵᠢᠮᠡ ᠪᠠᠷ ᠪᠤᠭᠤᠳᠠᠢ ᠪᠣᠯᠪᠠᠰᠤᠷᠠᠬᠤ | ᠴᠠᠭ ᠤᠯᠠᠷᠢᠯ ᠰᠠᠭᠠᠲᠠᠵᠤ᠂ ᠳᠡᠯᠭᠡᠷᠡᠬᠦ ᠵᠤᠨ ᠬᠤᠷᠠ ᠲᠠᠢ ᠳᠠᠭᠤᠤ ᠲᠠᠢ ᠨᠠᠯᠠᠶᠢᠯᠠ᠃ | ᠥᠭᠭᠢᠶᠡᠮᠦᠷ ᠬᠤᠷᠠ ᠡᠬᠡ ᠳᠡᠯᠡᠬᠡᠢ ᠳᠤ ᠪᠠᠭᠤᠵᠤ ᠲᠦᠮᠡᠨ ᠪᠣᠳᠠᠰ ᠢ ᠷᠠᠰᠢᠶᠠᠯᠠᠨ ᠤᠮᠳᠠᠯᠠᠨᠠ᠃ ᠪᠣᠷᠣᠭᠠᠨ ᠤ | ᠲᠤᠰᠤᠯ ᠨᠠᠪᠴᠢᠨ ᠳᠡᠭᠡᠷᠡ ᠲᠤᠰᠤᠯᠠᠬᠤ ᠲᠠᠭᠤᠨ ᠢ ᠪᠢ ᠴᠢᠩᠨᠠᠬᠤ ᠳᠤᠷᠠᠲᠠᠢ᠃ ᠡᠭᠡᠭᠡ ᠯᠡ ᠡᠵᠢ ᠶᠢᠨ ᠮᠢᠨᠢ ᠰᠠᠭᠠᠯᠢ | ᠶᠢᠨ ᠰᠠᠭᠤᠯᠠᠭᠠ ᠳᠤ ᠰᠠᠳᠠᠷᠠᠨ ᠪᠠᠭᠤᠬᠤ ᠠᠷᠢᠭᠤᠨ ᠰᠦ ᠰᠢᠭ᠃ ᠠᠮᠲᠠ ᠲᠠᠢ ᠴᠦ᠂ ᠤᠶᠠᠩᠭᠠ ᠲᠠᠢ ᠴᠦ | ᠠᠰᠬᠠᠷᠠᠮᠠ ᠪᠣᠷᠤᠭᠠ᠃ | ᠡᠪᠦᠯ ᠤᠨ ᠵᠤᠳ ᠬᠠᠪᠤᠷ ᠤᠨ ᠬᠠᠪᠰᠠᠷᠭᠠᠨ ᠢ ᠲᠤᠭᠤᠯᠤᠬᠰᠠᠨ ᠮᠠᠯ ᠰᠦᠷᠦᠭ ᠪᠣᠷᠣᠭᠠᠨ ᠤ ᠤᠰᠤᠨ ᠳᠤ | ᠤᠬᠢᠶᠠᠭᠳᠠᠭᠠᠳ ᠥᠩᠭᠡ ᠲᠠᠷᠭᠤ ᠲᠠᠢ ᠲᠠᠪᠠᠲᠠᠢ ᠢᠳᠡᠰᠢᠯᠡᠨᠡ᠃ ᠠᠳᠤᠭᠤᠨ ᠤ ᠢᠨᠴᠠᠭᠠ᠂ ᠦᠬᠡᠷ ᠤᠨ ᠮᠥᠭᠡᠷᠡᠭᠡ᠂ | ᠬᠤᠨᠢ ᠢᠮᠠᠭᠠᠳ ᠤᠨ ᠮᠠᠶᠢᠯᠠᠭᠠ； ᠬᠤᠷᠠᠭᠠ ᠲᠤᠭᠤᠯ᠂ ᠤᠨᠠᠭᠠ ᠢᠰᠢᠭᠡ ᠶᠢᠨ ᠲᠣᠭᠯᠠᠭᠠ᠂ ᠪᠠᠰᠠ ᠲᠡᠷᠡ | ᠬᠥᠭᠡᠷᠦᠬᠦᠨ ᠤᠷᠤᠭᠤᠯ ᠢᠶᠠᠷ ᠢᠶᠠᠨ ᠪᠤᠯᠪᠠᠷᠠᠢ ᠡᠪᠡᠰᠦ ᠶᠢ ᠴᠢᠮᠬᠢᠯᠡᠨ ᠢᠳᠡᠰᠢᠯᠡᠬᠦ ᠲᠠᠭᠤᠨ ᠁ ᠬᠥᠭᠵᠢᠯᠲᠡᠢ | ᠵᠤᠨ ᠤ ᠪᠠᠭ᠋ᠠᠷᠤᠮᠠ ᠨᠠᠶᠢᠷᠠᠯ ᠪᠠᠶᠢᠨᠠᠮ᠃ ᠠᠵᠢᠯᠴᠢ ᠭᠦᠳᠡᠯᠮᠤᠷᠢᠴᠢ ᠲᠠᠷᠢᠶᠠᠴᠢᠳ ᠤᠨ ᠮᠥᠬᠦᠯᠢᠭ ᠮᠥᠬᠦᠯᠢᠭ ᠢᠶᠠᠷ | ᠳᠠᠷᠢᠭᠰᠠᠨ ᠠᠮᠤ ᠲᠠᠷᠢᠶᠠ ᠬᠤᠷᠠ ᠪᠠᠷ ᠤᠮᠳᠠᠯᠠᠭᠳᠠᠵᠤ ᠰᠤᠭᠤᠷᠠᠲᠠᠯᠠ ᠤᠷᠭᠤᠨᠠ᠃ ᠤᠷᠭᠤᠵᠦ ᠪᠤᠢ ᠲᠠᠭᠤᠨ ᠨᠢ | ᠴᠢᠬᠢᠨ ᠳᠤ ᠲᠤᠭᠤᠯᠳᠠᠬᠤ ᠴᠦ ᠰᠢᠭ᠋᠂ ᠨᠥᠮᠥᠭᠡᠨ ᠰᠠᠯᠬᠢᠨ᠂ ᠨᠣᠶᠢᠲᠠᠨ ᠪᠣᠷᠣᠭᠠᠨ ᠳᠤ ᠰᠡᠷᠪᠡᠯᠵᠡᠬᠦ ᠨᠢ ᠪᠥᠵᠢᠭᠯᠡᠵᠦ | ᠪᠠᠶᠢᠭᠠ ᠴᠦ ᠭᠡᠮᠡᠷ᠃ | ᠡᠳᠦᠷ ᠬᠤᠨᠤᠭ᠂ ᠰᠠᠷᠠ ᠵᠢᠯ ᠶᠠᠮᠠᠷ ᠴᠦ ᠬᠤᠷᠳᠤᠨ ᠠᠷᠢᠯᠤᠨ ᠥᠩᠭᠡᠷᠡᠭᠡ ᠪᠤᠢ ᠬᠡᠮᠡᠨ ᠡᠷᠭᠢᠴᠡᠭᠦᠯᠦᠨ | ᠰᠠᠭᠤᠬᠤ ᠳᠤ ᠴᠣᠩᠬᠤᠨ ᠭᠠᠳᠠᠨᠠ ᠪᠣᠷᠣᠭᠠᠨ ᠰᠢᠪᠡᠷᠡᠵᠦ᠂ ᠡᠷᠬᠡ ᠪᠠᠭᠠ ᠶᠢᠨ ᠳᠤᠷᠠᠰᠤᠮᠵᠢ ᠰᠡᠳᠡᠷᠡᠨᠠ᠃ ᠨᠠᠮᠠᠶᠢ | ᠪᠠᠭᠠ ᠪᠠᠶᠢᠬᠤ ᠳᠤ ᠨᠤᠲᠤᠭ ᠮᠢᠨᠢ ᠶᠣᠰᠣᠲᠠᠢ ᠯᠡ ᠰᠡᠪ ᠬᠢᠪᠡᠯ ᠠᠰᠬᠠᠷᠠᠮᠠ ᠪᠣᠷᠣᠭᠠᠨ ᠲᠠᠢ ᠪᠠᠶᠢᠯᠠ᠂ ᠲᠡᠷᠡ ᠦᠶᠡ | ᠶᠢᠨ ᠪᠣᠷᠣᠭᠠᠨ ᠭᠡᠵᠦ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠬᠠᠷᠠ ᠡᠭᠦᠯᠡ ᠨᠡᠳᠦᠰᠭᠡᠪᠠᠯ ᠪᠣᠷᠣᠭᠠᠨ ᠴᠢᠳᠬᠤᠵᠤ ᠭᠠᠷᠤᠨᠠ᠂ | ᠪᠠᠰᠠ ᠬᠡᠳᠦᠨ ᠡᠳᠦᠷ ᠢᠶᠠᠷ ᠦᠷᠭᠦᠯᠵᠢᠯᠡᠳᠡᠭ ᠠᠴᠠ ᠤᠴᠠᠭᠠᠷᠯᠠᠵᠤ ᠯᠡ ᠪᠠᠶᠢᠭᠰᠠᠨ ᠰᠠᠨ᠃ ᠪᠣᠷᠣᠭᠠᠨ ᠤ ᠲᠤᠰᠤᠯ | ᠲᠤᠰᠴᠤ ᠡᠬᠢᠯᠡᠬᠦ ᠪᠠᠷ ᠡᠵᠢ ᠠᠭᠠᠷᠤᠤᠯ ᠬᠤᠷᠤᠳ ᠢᠶᠠᠨ ᠣᠷᠣᠭᠤᠯᠵᠤ ᠠᠷᠭᠠᠯ ᠲᠦᠯᠡᠰᠢ ᠪᠠᠨ ᠪᠦᠲᠡᠭᠡᠵᠦ | ᠶᠠᠭᠠᠷᠠᠨᠠ᠂ ᠪᠢ ᠲᠤᠭᠤᠯ ᠢᠶᠠᠨ ᠬᠤᠷᠢᠬᠤ ᠭᠡᠳ ᠠᠮᠢ ᠴᠦᠯᠡᠨ ᠭᠦᠶᠦᠨᠡ᠂ ᠲᠡᠭᠡᠲᠡᠯᠡ ᠲᠤᠭᠤᠯ ᠤᠳ ᠪᠣᠷᠣᠭᠠᠨ ᠳᠤ | ᠲᠣᠭᠯᠠᠬᠤ ᠶᠢ ᠪᠤᠳᠤᠭᠠᠳ ᠬᠡᠳᠦᠨ ᠲᠡᠶᠢᠰᠢ ᠪᠠᠨ ᠪᠤᠳᠠᠷᠠᠵᠤ ᠪᠥᠭᠡᠮ ᠰᠦᠢᠳ ᠪᠣᠯᠵᠤ᠂︽ᠤᠰᠤᠨ ᠬᠤᠯᠤᠭᠠᠨᠠ︾ | ᠪᠣᠯᠴᠢᠬᠠᠭᠰᠠᠨ ᠢᠶᠠᠨ ᠤᠳᠤ ᠪᠤᠳᠤᠬᠤ ᠳᠤ ᠪᠠᠶᠠᠰᠤᠯᠲᠠᠢ᠃ | ᠪᠤᠭᠤᠳᠠᠢ ᠪᠣᠯᠪᠠᠰᠤᠷᠠᠬᠤ ᠴᠠᠭ ᠢᠶᠠᠷ ᠶᠡᠷᠦ ᠨᠢ ᠬᠤᠷᠠ ᠪᠣᠷᠣᠭᠠᠨ ᠡᠯᠪᠡᠭᠰᠢᠵᠦ᠂ ᠤᠳᠤᠨ ᠮᠡᠴᠢᠳ ᠬᠠᠷᠠᠭᠠ | ᠳᠦᠭᠦᠷᠡᠩ ᠠᠨᠢᠪᠠᠯᠵᠠᠵᠤ᠂ ᠰᠢᠪᠠᠭᠤᠳ ᠵᠢᠷᠭᠢᠨ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠨᠣᠮᠢᠨ ᠳᠣᠯᠭᠢᠶᠠ ᠬᠠᠶᠠᠯᠠᠨ᠂ ᠠᠭᠤᠯᠠ ᠤᠰᠤ | ᠦᠵᠡᠮᠵᠢ ᠲᠡᠭᠦᠰ ᠪᠤᠯᠳᠠᠭ᠃ ᠠᠷᠠᠳ ᠤᠨ ᠰᠡᠴᠡᠨ ᠦᠭᠡᠨ ᠳᠤ ︽ᠬᠠᠷᠢᠶᠠᠴᠠᠢ ᠳᠣᠭᠤᠤᠷ ᠨᠢᠰᠬᠦ᠂ ᠰᠢᠷᠭᠤᠯᠵᠢ ᠰᠢᠷᠣᠢ | ᠣᠪᠣᠭᠠᠯᠠᠪᠠᠯ ᠪᠣᠷᠣᠭᠠᠨ ᠣᠷᠣᠨᠠ ᠁︾ ᠭᠡᠳᠡᠭᠴᠢᠯᠡᠨ ᠮᠠᠯᠴᠢᠳ ᠪᠣᠷᠣᠭᠠᠨ ᠠᠴᠠ ᠡᠮᠦᠨᠡᠬᠢ ᠠᠵᠤ ᠠᠮᠢᠳᠤᠷᠠᠯ | ᠢᠶᠠᠨ ᠵᠣᠬᠢᠴᠠᠭᠤᠯᠤᠨ᠂ ᠲᠥᠯ ᠮᠠᠯ᠂ ᠨᠣᠣᠰᠣ ᠨᠣᠣᠯᠣᠭᠤᠷ᠂ ᠣᠲᠣᠷᠯᠠᠨ ᠨᠡᠭᠦᠬᠦ᠂ ᠬᠠᠰᠢᠶᠠ ᠰᠠᠷᠠᠪᠴᠢ ᠪᠠᠨ | ᠰᠡᠯᠪᠢᠨ ᠵᠠᠰᠠᠬᠤ ᠭᠡᠳ ᠴᠠᠭ ᠠᠭᠠᠷ ᠤᠨ ᠪᠠᠶᠢᠳᠠᠯ ᠢ ᠰᠢᠨᠵᠢᠨ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠠᠭᠤᠰᠤᠯᠴᠠᠨ ᠪᠣᠷᠪᠢ | ᠪᠣᠬᠢᠰᠬᠢᠬᠦ ᠵᠠᠪ ᠦᠭᠡᠢ ᠶᠠᠭᠠᠷᠠᠯᠳᠤᠨᠠ᠃ | ᠪᠣᠷᠣᠭᠠᠨ - ᠪᠦᠲᠦᠨ ᠪᠠᠶᠢᠭᠠᠯᠢ ᠶᠢᠨ ᠵᠤᠨ ᠤ ᠨᠠᠶᠢᠷᠠᠯ ᠤᠨ ᠵᠢᠯᠣᠭᠤᠳᠤᠭᠴᠢ ᠪᠠᠶᠢᠵᠠᠢ᠃ | ᠪᠣᠷᠣᠭᠠᠨ ᠤ ᠴᠢᠮᠡᠭᠡ ᠪᠠᠷ ᠮᠢᠨᠤ ᠨᠤᠲᠤᠭ ᠨᠣᠭᠤᠭᠠᠨ ᠮᠠᠩᠨᠤᠭ ᠨᠥᠮᠥᠷᠦᠨᠡ᠂ ᠭᠡᠷ ᠤᠨ ᠡᠮᠦᠨᠡ ᠰᠦᠮᠪᠦᠷᠯᠡᠨ | ᠰᠦᠨᠳᠡᠷᠯᠡᠬᠦ ᠵᠢᠷᠦᠬᠡᠨ ᠱᠣᠪᠬᠤ ᠪᠠᠶᠠᠨᠵᠢᠷᠦᠬᠡ ᠣᠪᠣᠭᠠ ᠳᠡᠯᠡᠬᠡᠢ ᠳᠤ ᠬᠤᠪᠣᠷ ᠤᠯᠠᠭᠠᠨ ᠭᠠᠴᠤᠷᠠ ᠪᠠᠷ | ᠬᠤᠴᠢᠭᠳᠠᠵᠤ᠂ ᠶᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠤᠷᠠᠨ ᠭᠤᠸᠠ ᠪᠠᠨ ᠬᠠᠳᠠᠭᠠᠯᠠᠨ ᠭᠠᠶᠢᠬᠠᠭᠤᠯᠤᠨᠠ᠂ ᠡᠭᠡᠯᠵᠢᠯᠡᠬᠦ ᠲᠦᠷᠪᠡᠨ | ᠤᠯᠠᠷᠢᠯ ᠢᠶᠠᠷ ᠢᠶᠠᠨ ᠮᠥᠩᠬᠡ ᠨᠣᠭᠤᠭᠠᠨ ᠪᠠᠶᠢᠳᠠᠭ ᠡᠯᠡᠰᠦᠨ ᠭᠠᠴᠤᠷᠠ ᠨᠢ ᠨᠤᠲᠤᠭ ᠢᠶᠠᠨ ᠰᠠᠬᠢᠵᠤ ᠬᠤᠷᠠ | ᠪᠣᠷᠣᠭᠠᠨ ᠢ ᠤᠷᠢᠨᠠ᠂ ᠭᠠᠴᠤᠷᠠ ᠶᠢᠨ ᠤᠢ ᠶᠢᠨ ᠳᠤᠮᠳᠠᠭᠤᠷ ᠴᠡᠪᠡᠷ ᠲᠤᠩᠭᠠᠯᠠᠭ ᠣᠪᠣᠭᠠᠨ ᠭᠤᠣᠯ ᠡᠪᠡᠰᠦ | ᠮᠣᠳᠣᠨ ᠳᠤ ᠰᠢᠮᠡ ᠪᠠᠨ ᠬᠦᠷᠲᠡᠭᠡᠨ ᠬᠥᠮᠥᠨ ᠮᠠᠯ ᠢᠶᠠᠨ ᠤᠮᠳᠠᠯᠠᠵᠤ ᠭᠤᠷᠴᠢᠭᠢᠨᠠᠨ ᠴᠡᠩᠬᠡᠷᠲᠦᠨᠡ᠃ | ᠤᠷᠤᠰᠬᠠᠯ ᠤᠨ ᠴᠢᠮᠡᠭᠡ᠂ ᠰᠢᠪᠠᠭᠤᠳ ᠤᠨ ᠵᠢᠷᠭᠢᠭᠡ᠂ ᠮᠠᠨᠳᠤᠬᠤ ᠨᠠᠷᠠᠨ ᠤ ᠴᠢᠮᠡᠭᠡᠨ ᠲᠠᠭᠤᠨ ᠢᠶᠠᠷ ᠭᠦᠯᠦᠭ ᠤᠨ | ᠲᠤᠭᠤᠷᠠᠢ᠂ ᠬᠥᠮᠥᠨ ᠤ ᠦᠢᠮᠡᠭᠡᠨ᠂ ᠤᠷᠳᠤ ᠶᠢᠨ ᠳᠠᠭᠤᠤ ᠶᠢᠨ ᠰᠢᠷᠤᠩᠬᠠᠢ᠂ ᠪᠦᠭᠡ ᠶᠢᠨ ᠤᠷᠢᠶᠠ ᠁ ᠡᠬᠡ | ᠳᠡᠯᠡᠬᠡᠢ ᠪᠤᠴᠠᠯᠴᠢᠬᠠᠭᠰᠠᠨ ᠭᠡᠮᠡᠷ᠃ ᠪᠠᠶᠠᠨᠵᠢᠷᠦᠬᠡ ᠣᠪᠣᠭᠠ ᠶᠢᠨ ᠲᠠᠭᠢᠯᠭᠠ ᠨᠠᠶᠢᠷ ᠶᠠᠪᠤᠭᠳᠠᠵᠤ ᠪᠠᠶᠢᠬᠤ ᠨᠢ᠃ | ᠨᠤᠲᠤᠭ ᠤᠨ ᠴᠢᠮᠡᠭ ᠪᠣᠯᠤᠭᠰᠠᠨ ᠭᠦᠨ ᠨᠠᠭᠤᠷ ᠮᠠᠨᠢ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠲᠣᠯᠢ ᠮᠡᠲᠦ ᠭᠢᠯᠠᠯᠵᠠᠨ᠂ ᠬᠤᠯᠠ | ᠶᠢᠨ ᠭᠠᠵᠠᠷ ᠠᠴᠠ ᠨᠤᠲᠤᠭ ᠢᠶᠠᠨ ᠵᠣᠷᠢᠭᠰᠠᠨ ᠬᠥᠪᠡᠭᠦᠳ ᠢᠶᠠᠨ ᠤᠭᠲᠤᠨ ᠪᠠᠶᠢᠭᠠ ᠰᠢᠭ᠋ ᠬᠠᠯᠠᠭᠤᠬᠠᠨ ᠬᠠᠷᠠᠭᠳᠠᠵᠤ᠂ | ᠨᠠᠭᠤᠷ ᠤᠨ ᠤᠰᠤᠨ ᠳᠠᠭᠠᠨ ᠡᠷᠬᠡ ᠳᠤᠷᠠ ᠪᠠᠷ ᠢᠶᠠᠨ ᠱᠤᠮᠪᠠᠨ ᠨᠢᠰᠬᠦ ᠰᠢᠪᠠᠭᠤᠳ ᠨᠢ ᠴᠦ ᠲᠠᠨᠢᠯ ᠲᠠᠰᠤᠯ ᠮᠡᠲᠦ | ᠰᠡᠳᠬᠢᠯ ᠢ ᠪᠠᠶᠠᠰᠬᠠᠨᠠ᠃ ᠬᠠᠷᠠᠭᠠ ᠠᠯᠳᠠᠮᠠ ᠬᠥᠩᠭᠡᠷ ᠤᠨ ᠲᠠᠯᠠ ᠮᠢᠨᠢ ᠨᠣᠭᠤᠭᠠᠨ ᠵᠦᠯᠭᠡᠨ ᠳᠡᠭᠡᠷᠡ ᠪᠠᠨ ᠪᠡᠶᠡᠨ | ᠰᠦᠷᠦᠭ ᠢᠶᠠᠨ ᠲᠠᠪᠠᠲᠠᠢ ᠪᠡᠯᠴᠢᠭᠡᠷᠯᠡᠭᠦᠯᠵᠦ᠂ ᠦᠨᠦᠷ ᠠᠨᠬᠭᠢᠯᠦᠮᠠ ᠴᠡᠴᠡᠭ ᠬᠤᠸᠠᠷ ᠨᠢ ᠥᠩᠭᠡ ᠢᠯᠭᠠᠷᠠᠨ | ᠮᠢᠷᠠᠯᠵᠠᠵᠤ ᠥᠩᠭᠡᠲᠦ ᠳᠠᠪᠠᠯᠭᠠᠨ ᠪᠣᠰᠣᠨᠠ᠂ ᠬᠥᠮᠥᠨ ᠮᠠᠯ ᠤᠨ ᠠᠮᠢᠨ ᠲᠡᠵᠢᠭᠡᠯ ᠪᠣᠯᠤᠭᠰᠠᠨ ᠬᠥᠩᠭᠡᠷ ᠤᠨ ᠭᠤᠣᠯ | ᠤᠭᠠᠯᠵᠠᠯᠠᠨ ᠤᠷᠤᠰᠴᠤ ᠶᠡᠭᠡ ᠲᠠᠯᠠ ᠶᠢᠨ ᠥᠷᠥᠴᠡᠨ ᠳᠤ ᠡᠩᠬᠡ ᠮᠥᠩᠬᠡ ᠶᠢᠨ ᠠᠶᠢᠵᠠᠮ ᠤᠶᠠᠩᠭᠠᠯᠠᠨᠠ᠃ | ᠳᠡᠯᠭᠡᠷ ᠵᠤᠨ ᠢᠶᠠᠷ ᠨᠤᠲᠤᠭ ᠤᠨ ᠢᠶᠠᠨ ᠴᠡᠩᠬᠡᠷ ᠠᠭᠠᠷ ᠢ ᠨᠢ ᠠᠮᠢᠰᠬᠤᠵᠤ᠂ ᠨᠠᠶᠢᠷᠠᠯ ᠳᠠᠭᠤᠤ ᠳᠤᠨᠢ | ᠰᠣᠭᠲᠣᠭᠤᠷᠠᠬᠤ ᠪᠢ ᠳᠤᠷᠠᠲᠠᠢ᠃ ᠲᠡᠷᠡ ᠳᠠᠭᠤᠤ᠂ ᠬᠤᠯᠠ ᠣᠶᠢᠷᠠ ᠶᠢ ᠬᠤᠯᠪᠣᠵᠤ᠂ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠢ | ᠠᠴᠢᠶᠠᠯᠠᠨ᠂ ᠵᠤᠨ ᠵᠤᠨ ᠢᠶᠠᠷ ᠰᠢᠷᠤᠩᠬᠠᠶᠢᠯᠠᠬᠰᠠᠭᠠᠷ ᠪᠠᠶᠢᠨᠠᠮ᠃ | ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠬᠠᠷᠠ ᠡᠭᠦᠯᠡᠰ ᠬᠥᠰᠢᠭᠡᠯᠡᠨ ᠪᠣᠰᠴᠤ᠂ ᠴᠢᠭᠢᠭ ᠵᠠᠭᠤᠭᠰᠠᠨ ᠨᠣᠶᠢᠲᠠᠨ ᠰᠠᠯᠬᠢ | ᠬᠠᠴᠠᠷ ᠢ ᠠᠶᠠᠷᠬᠠᠨ ᠢᠯᠪᠢᠨ᠂ ᠬᠤᠷᠠ ᠶᠢᠨ ᠴᠢᠮᠡᠭᠡ ᠨᠠᠭᠠᠰᠢᠯᠠᠨ ᠠᠶᠢᠰᠤᠢ ᠁ | | |