| ᠬᠥᠬᠡ ᠯᠤᠤ ᠵᠢᠯ ᠠᠶᠠᠷᠯᠠᠨ ᠣᠳᠴᠤ᠂ ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠭᠦᠷ ᠨᠠᠷᠭᠢᠶᠠᠨ ᠲᠠᠢ ᠴᠠᠭᠠᠨ ᠰᠠᠷᠠ ᠶᠢᠨ | ᠳᠤᠮᠳᠠ ᠬᠤᠷᠸᠠ ᠳᠤ ᠰᠠᠭᠠᠲᠠᠯᠠ᠂ ᠭᠡᠪᠡᠴᠦ ᠣᠨ ᠤ ᠡᠬᠢᠨ ᠳᠤ ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠮᠥᠨ ᠯᠡ ᠨᠠᠮᠵᠢᠭᠤᠨ | ᠲᠣᠭᠲᠠᠭᠤᠨ ᠦᠭᠡᠢ᠂ ᠲᠠᠶᠢᠨ ᠳᠠᠵᠢᠨ᠂ ᠠᠯᠠᠯᠳᠤᠭᠠᠨ ᠲᠤᠯᠤᠯᠳᠤᠭᠠᠨ᠂ ᠵᠡᠪᠰᠡᠭ ᠤᠨ ᠲᠡᠮᠡᠴᠡᠯ᠂ ᠠᠷᠠᠯᠵᠢᠶᠠᠨ ᠤ | ᠲᠡᠮᠡᠴᠡᠯ ᠁ ᠶᠡᠷᠦ ᠨᠢ ᠲᠠᠶᠢᠪᠤᠩ ᠪᠤᠰᠤ ᠶᠢᠨ ᠳᠤᠮᠳᠠ ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠲᠠᠶᠢᠪᠤᠩ ᠴᠠᠭᠠᠨ ᠬᠦᠰᠡᠯ | ᠡᠰᠡᠨᠢᠭᠦᠯᠦᠨ᠂ ᠡᠩᠬᠡ ᠲᠦᠪᠰᠢᠨ ᠲᠦᠮᠡᠨ ᠵᠢᠷᠭᠠᠯ ᠢ ᠪᠡᠯᠭᠡᠳᠡᠨ᠂ ᠬᠥᠮᠥᠨ ᠠᠷᠠᠳ ᠤᠨ ᠪᠡᠯᠭᠡᠰᠢᠶᠡᠳᠠᠢ ᠦᠭᠡᠰ ᠤᠨ | ᠳᠤᠮᠳᠠ ᠬᠦᠷᠴᠦ ᠢᠷᠡᠯᠠ᠃ | ᠴᠠᠭᠠᠨ ᠰᠠᠷᠠ ᠪᠠᠷ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠤ ᠰᠢᠨᠡᠯᠡᠭᠰᠡᠨ ᠪᠢᠯᠡ᠃ ᠨᠤᠲᠤᠭ ᠤᠨ ᠮᠢᠨᠢ ᠴᠠᠭᠠᠨ ᠰᠠᠷᠠ ᠭᠡᠵᠦ | ᠵᠤᠷᠰᠢᠯ ᠶᠣᠰᠣᠭᠠᠷ ᠰᠠᠶᠢᠬᠠᠨ ᠪᠠᠶᠢᠪᠠ᠃ ᠮᠢᠬᠠ ᠪᠠᠩᠰᠢ ᠲᠠᠪᠠᠭ ᠳᠦᠭᠦᠷᠡᠩ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠰᠢᠷᠡᠭᠡ | ᠳᠦᠭᠦᠷᠡᠩ ᠦᠷᠤᠵᠤ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠪᠦᠲᠦᠭᠡᠭᠳᠡᠬᠦᠨ ᠰᠢᠨᠡ ᠶᠢᠨ ᠢᠳᠡᠭᠡᠨ ᠤ | ᠭᠤᠣᠯ ᠢᠳᠡᠭᠡᠨ ᠪᠣᠯᠵᠤ᠂ ᠥᠩᠭᠡ ᠶᠢᠨ ᠲᠡᠷᠯᠢᠭ ᠢᠶᠠᠷ ᠴᠢᠮᠡᠭᠰᠡᠨ ᠬᠥᠮᠥᠰ ᠠᠬᠠ ᠳᠡᠭᠦᠦ ᠲᠦᠷᠤᠯ ᠰᠠᠳᠤᠨ ᠢᠶᠠᠷ | ᠢᠶᠠᠨ ᠲᠣᠭᠤᠷᠢᠵᠤ ᠰᠢᠨᠡ ᠶᠢᠨ ᠮᠠᠨᠳᠤ ᠬᠦᠷᠭᠡᠨ᠂ ᠤᠯᠠᠮᠵᠢᠯᠠᠯᠲᠤ ᠵᠠᠩᠰᠢᠯ ᠶᠣᠰᠣᠭᠠᠷ ᠭᠦᠷ ᠬᠥᠭᠵᠢᠶᠡᠨᠲᠡᠢ ᠰᠢᠨᠡᠯᠡᠵᠤ | ᠪᠠᠶᠢᠭᠰᠠᠨ ᠪᠠᠶᠢᠳᠠᠯ ᠥᠷᠨᠢᠭᠦᠨ ᠪᠠᠳᠠᠷᠠᠭᠤᠨ ᠬᠠᠷᠠᠭᠳᠠᠵᠤ ᠪᠠᠶᠢᠯᠠ᠃ ᠴᠠᠭᠠᠨ ᠰᠠᠷᠠ ᠶᠢᠨ ᠲᠠᠪᠠᠭ ᠪᠣᠯ ᠠᠶᠢᠯ ᠪᠦᠷᠢ | ᠶᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠴᠢᠮᠡᠭ ᠪᠣᠯᠵᠤ ᠲᠠᠭᠠᠷᠠᠨᠠ᠃ ᠴᠠᠭᠠᠨ ᠢᠳᠡᠭᠡᠨ ᠤ ᠦᠢᠯᠡᠰ ᠤᠨ ᠬᠥᠭᠵᠢᠯᠲᠡ ᠶᠢ | ᠳᠠᠭᠠᠯᠳᠤᠨ ᠤᠳᠤ ᠴᠠᠭᠠᠨ ᠰᠠᠷᠠ ᠶᠢᠨ ᠲᠠᠪᠠᠭ ᠤᠨ ᠭᠡᠯᠪᠡᠷᠢ ᠶᠠᠩᠵᠤ ᠴᠤ ᠤᠯᠠᠨ ᠪᠣᠯᠵᠠᠢ᠂ ᠵᠠᠷᠢᠮ ᠨᠢ | ᠤᠯᠠᠮᠵᠢᠯᠠᠯᠲᠤ ᠮᠠᠶ᠋ᠢᠭ ᠤᠨ ᠲᠣᠭᠤᠷᠢᠭ ᠬᠤᠷᠤᠳ ᠢᠶᠠᠷ ᠲᠠᠪᠠᠭᠯᠠᠵᠤ ᠪᠠᠶᠢᠬᠤ ᠳᠤ ᠵᠠᠷᠢᠮ ᠨᠢ ᠬᠠᠷᠢᠨ ᠲᠤᠰᠬᠠᠢ | ᠬᠢᠯᠭᠡᠭᠰᠡᠨ ᠬᠤᠷᠤᠳ ᠢᠶᠠᠷ ᠢᠨᠳᠡᠷᠯᠡᠭᠦᠯᠦᠨ ᠲᠠᠪᠠᠭᠯᠠᠭᠰᠠᠨ ᠰᠤᠪᠤᠷᠭᠠᠨ ᠭᠡᠯᠪᠡᠷᠢ ᠶᠢᠨ ᠤᠷᠳᠤ ᠳᠥᠷᠪᠡᠯᠵᠢᠨ ᠲᠠᠪᠠᠭ | ᠴᠤ ᠬᠠᠷᠠᠭᠳᠠᠵᠤ ᠪᠤᠢ᠃ | ᠴᠠᠭᠠᠨ ᠰᠠᠷᠠ ᠭᠡᠬᠦᠯᠡᠷ ᠬᠥᠮᠥᠰ ᠲᠤ ᠨᠢᠭᠡ ᠵᠦᠢᠯ ᠤᠨ ᠮᠥᠷᠥᠭᠡᠳᠦᠯᠲᠦ ᠬᠦᠰᠡᠯ ᠠᠮᠢᠯᠠᠭᠤᠯᠳᠠᠭ ᠨᠢ ᠦᠨᠡᠨ᠃ | ᠴᠠᠭᠠᠨ ᠰᠠᠷᠠ ᠬᠦᠷᠴᠦ ᠢᠷᠡᠬᠦᠯᠡᠷ ᠬᠥᠮᠥᠨ ᠪᠦᠭᠦᠨ ᠤ ᠴᠢᠷᠠᠢ ᠳᠤ ᠪᠠᠶᠠᠷ ᠤᠨ ᠮᠦᠰᠢᠶᠡᠳᠦ ᠪᠢᠯᠬᠠᠵᠤ᠂ ᠬᠤᠷᠸᠠ | ᠶᠢᠷᠲᠢᠨᠴᠦ ᠶᠢᠨ ᠬᠤᠭ ᠲᠣᠭᠤᠰᠣ ᠨᠢ ᠴᠥᠮ ᠠᠷᠢᠯᠵᠤ᠂ ᠨᠢᠭᠡ ᠵᠦᠢᠯ ᠤᠨ ᠵᠢᠷᠭᠠᠯᠲᠤ ᠠᠭᠤᠷ ᠠᠮᠢᠰᠬᠤᠯ ᠤᠨ | ᠳᠤᠮᠳᠠ ᠱᠤᠩᠪᠠᠵᠦ ᠪᠠᠶᠢᠳᠠᠭ᠃ ᠥᠲᠡᠭᠦᠰ ᠪᠤᠭᠤᠷᠤᠯ ᠠᠴᠠ ᠥᠰᠪᠦᠷᠢ ᠪᠠᠭᠠᠴᠤᠤᠯ ᠭᠦᠷᠳᠡᠯᠠ ᠴᠠᠭᠠᠨ ᠰᠠᠷᠠ ᠶᠢ | ᠰᠠᠶᠢᠨ ᠰᠠᠶᠢᠬᠠᠨ ᠪᠦᠭᠦᠨ ᠤ ᠡᠬᠢᠯᠡᠯ᠂ ᠮᠠᠭᠤ ᠮᠠᠭᠤᠬᠠᠢ ᠶᠢᠨ ᠲᠠᠶᠠᠭᠳᠠᠯ ᠢᠶᠠᠷ ᠦᠵᠡᠨ᠂ ᠴᠠᠭᠠᠨ ᠰᠠᠷᠠ ᠶᠢᠨ | ᠮᠡᠨᠳᠦᠴᠢᠯᠡᠭᠡ ᠳᠡᠭᠡᠨ ᠰᠠᠶᠢᠨ ᠤ ᠢᠷᠦᠭᠡᠯ ᠢᠶᠠᠨ ᠳᠡᠪᠰᠢᠭᠦᠯᠵᠦ᠂ ᠰᠠᠨᠠᠭᠠᠨ ᠤ ᠠᠷᠢᠭᠤᠨ ᠢ ᠡᠷᠬᠢᠮᠯᠡᠨ᠂ ᠬᠤᠷᠸᠠ | ᠨᠡᠶᠢᠭᠡᠮ᠂ ᠬᠥᠮᠥᠨ ᠪᠠᠶᠢᠭᠠᠯᠢ ᠶᠢᠨ ᠡᠩᠬᠡ ᠲᠠᠶᠢᠪᠤᠩ᠂ ᠵᠣᠯ ᠵᠢᠷᠭᠠᠯ ᠢ ᠵᠥᠩᠨᠡᠨ᠂ ᠬᠠᠳᠠᠬᠯᠠᠬᠰᠠᠠ ᠬᠠᠳᠠᠭ᠂ | ᠭᠦᠭᠦᠷᠯᠡᠭᠰᠡᠡ ᠬᠦᠬᠦᠷ ᠢᠷᠠᠭᠤ ᠡᠭᠡᠰᠢᠭ ᠬᠠᠩᠭᠢᠨᠠᠬᠤ ᠮᠡᠲᠦ ᠶᠢᠰᠦᠨ ᠴᠠᠭᠠᠨ ᠬᠦᠰᠡᠯ ᠤᠨ ᠢᠷᠦᠭᠡᠯ ᠢᠶᠠᠨ ᠳᠡᠯᠭᠡᠨᠡᠮ᠃ | | ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠥᠯᠵᠡᠢ ᠬᠡᠶᠢᠮᠣᠷᠢ ᠲᠠᠢ ᠪᠣᠯᠲᠤᠭᠠᠢ︕ | | |