| ᠨᠠᠷᠠᠨ ᠰᠠᠷᠠᠨ ᠤ ᠣᠷᠴᠢᠬᠤ ᠣᠰᠣᠨ ᠤ ᠤᠷᠤᠰᠬᠠᠯ ᠮᠡᠲᠦ᠂ ᠨᠠᠮᠤᠷ ᠬᠠᠪᠤᠷ ᠡᠭᠡᠯᠵᠢᠯᠡᠨ ᠴᠠᠭ ᠤᠯᠠᠷᠢᠯ | ᠰᠣᠯᠢᠭᠳᠠᠵᠤ ᠨᠢᠭᠡ ᠮᠡᠳᠡᠬᠦ ᠳᠤ ᠬᠥᠬᠡ ᠯᠣᠣ ᠵᠢᠯ ᠭᠦᠷᠪᠡᠯᠵᠡᠨ ᠣᠳᠴᠤ᠂ ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠤᠨ ᠰᠢᠵᠢᠷ | ᠲᠤᠶᠠᠭᠠ ᠰᠢᠯ ᠭᠡᠭᠡᠪᠴᠢ ᠪᠠᠷ ᠲᠣᠰᠣᠨᠠ᠃ ᠡᠬᠡ ᠤᠯᠤᠰ ᠤᠨ ᠤᠮᠠᠷᠠᠲᠤ ᠣᠷᠣᠨ ᠤ ᠴᠠᠰᠤᠲᠤ ᠥᠨᠳᠦᠷᠯᠢᠭ ᠠᠴᠠ | ᠡᠮᠦᠨᠡᠲᠦ ᠣᠷᠣᠨ ᠤ ᠬᠠᠯᠠᠭᠤᠨ ᠪᠦᠰᠡᠨ ᠤ ᠪᠣᠷᠣᠭᠠᠨᠲᠤ ᠣᠶ ᠭᠦᠷᠲᠡᠯᠡ᠂ ᠨᠡᠯᠦᠭᠡᠷ ᠶᠡᠭᠡ ᠲᠡᠯᠡᠶ ᠠᠴᠠ ᠠᠯᠲᠠᠢ | ᠠᠭᠤᠯᠠ ᠨᠢᠷᠤᠭᠤᠳ ᠭᠦᠷᠲᠡᠯᠡ᠂ ᠰᠢᠨᠡ ᠵᠢᠯ ᠤᠨ ᠠᠯᠬᠤᠭᠠ︽ᠬᠠᠳᠤᠷᠴᠤ ᠥᠩᠭᠡᠷᠡᠬᠦ ᠰᠠᠯᠬᠢᠨ ᠳᠤ ᠮᠥᠩᠭᠦᠨ ᠴᠠᠰᠤ | ᠪᠤᠲᠠᠷᠠᠭᠤᠯᠤᠭᠰᠠᠭᠠᠷ᠂ ᠬᠠᠷᠠᠬᠤ ᠬᠤᠶᠠᠷ ᠨᠢᠳᠦᠨ ᠳᠤ ᠡᠪᠦᠯ ᠤᠨ ᠳᠡᠯᠡᠬᠡᠢ ᠭᠢᠯᠠᠯᠵᠠᠭᠤᠯᠤᠭᠰᠠᠭᠠᠷ︾᠂ ᠬᠤᠪᠢᠯᠭᠠᠨ | ᠣᠷᠣᠨ ᠤ ᠭᠠᠵᠠᠷ ᠪᠦᠭᠦᠨᠡ ᠥᠭᠡᠷᠡᠴᠢᠯᠡᠯᠲᠡ ᠶᠢᠨ ᠪᠦᠷᠢᠶᠡ ᠬᠠᠩᠭᠢᠨᠠᠭᠤᠯᠵᠤ᠂ ᠰᠠᠪᠠ ᠶᠢᠷᠲᠢᠨᠴᠦ ᠳᠤ ᠠᠮᠢᠯᠠᠯ | ᠰᠡᠷᠭᠦᠭᠡᠨ ᠮᠦᠰᠢᠶᠡᠵᠦ᠂ ᠲᠠᠷᠭᠤ ᠰᠠᠶᠢᠲᠠᠢ ᠲᠠᠷᠭᠤᠨ ᠰᠥᠷᠦᠭ ᠤᠨ ᠮᠥᠭᠡᠷᠡᠯ ᠮᠠᠶᠢᠯᠠᠭᠠᠨ ᠲᠠᠢ᠂ ᠬᠥᠨᠥᠭ ᠳᠦᠭᠦᠷᠡᠩ | ᠲᠠᠷᠠᠭ ᠠᠶᠢᠷᠠᠭ ᠤᠨ ᠰᠡᠩᠭᠢᠨᠡᠯ ᠪᠢᠯᠬᠠᠭᠠᠨ ᠲᠠᠢ᠂ ᠡᠯᠪᠡᠭ ᠬᠤᠷᠢᠶᠠᠭᠰᠠᠨ ᠲᠠᠪᠤᠨ ᠲᠠᠷᠢᠶᠠᠨ ᠤ ᠥᠩᠭᠡ | ᠪᠣᠯᠪᠠᠰᠤᠷᠠᠯ ᠲᠠᠢ᠂ ᠥᠷᠨᠢᠨ ᠬᠥᠭᠵᠢᠭᠰᠡᠨ ᠬᠤᠲᠠ ᠬᠥᠳᠡᠭᠡ ᠶᠢᠨ ᠰᠢᠨᠡ ᠬᠤᠪᠢᠷᠠᠯᠲᠠ ᠶᠢᠨ ᠬᠠᠮᠲᠤ᠂ ᠭᠦᠯᠥᠭ ᠤᠨ | ᠲᠤᠭᠤᠷᠠᠢ ᠳᠤ ᠵᠢᠭᠦᠷ ᠤᠷᠭᠤᠭᠤᠯᠤᠨ᠂ ᠬᠦᠰᠡᠯ ᠤᠨ ᠦᠵᠦᠭᠦᠷ ᠰᠣᠯᠣᠩᠭᠠ ᠲᠠᠲᠠᠭᠤᠯᠤᠭᠰᠠᠭᠠᠷ᠂ ᠬᠠᠯᠠᠭᠤᠨ | ᠳᠤᠯᠠᠭᠠᠨ ᠥᠯᠥᠭᠡᠢ ᠨᠤᠲᠤᠭ ᠤᠨ ᠮᠢᠨᠢ ᠠᠭᠤᠳᠠᠮ ᠥᠷᠥᠴᠡᠨ ᠳᠤ ᠪᠣᠯᠵᠤᠭᠠ ᠶᠣᠰᠣᠭᠠᠷ ᠭᠦᠷᠥᠭᠡᠳ ᠢᠷᠡᠯᠡ᠂ | ᠪᠠᠭ᠋ᠠᠳᠤᠯᠲᠤ ᠰᠡᠳᠬᠢᠯᠭᠡ ᠶᠢ ᠡᠪᠦᠷᠯᠡᠭᠡᠳ ᠢᠷᠡᠯᠡ᠂ ᠪᠠᠶᠠᠷ ᠵᠢᠷᠭᠠᠯ ᠢ ᠬᠦᠷᠭᠡᠭᠡᠳ ᠢᠷᠡᠯᠡ᠃ ᠡᠨᠡ ᠦᠨᠡᠬᠡᠷ | ︽ᠭᠡᠭᠡᠪᠴᠢ ᠶᠢᠨ ᠭᠠᠳᠠᠨᠠᠬᠢ ᠨᠠᠷᠠᠨ ᠤ ᠲᠤᠶᠠᠭᠠ ᠬᠤᠷᠤᠭᠤ ᠳᠠᠷᠤᠬᠤᠶᠠ ᠰᠢᠨᠡᠲᠦᠭᠡᠳ᠂ ᠭᠡᠷ ᠤᠨ ᠳᠣᠲᠣᠷᠠᠬᠢ | ᠴᠡᠴᠡᠭ ᠤᠨ ᠰᠡᠭᠦᠳᠡᠷ ᠨᠢᠳᠦ ᠢᠷᠮᠡᠬᠦᠶᠡ ᠰᠣᠯᠢᠭᠳᠠᠪᠠᠢ︾᠃ | ᠥᠩᠭᠡᠷᠡᠨ ᠣᠲᠣᠭᠰᠠᠨ ᠨᠢᠭᠡ ᠵᠢᠯ ᠳᠤ ᠠᠭᠤᠤ ᠶᠡᠭᠡ ᠡᠬᠡ ᠤᠯᠤᠰ ᠤᠨ ᠮᠢᠨᠢ ᠭᠠᠵᠠᠷ ᠪᠦᠭᠦᠨᠡ᠂ | ᠦᠨᠳᠦᠰᠦᠲᠡᠨ ᠨᠦᠭᠦᠳ ᠤᠨ ᠠᠷᠠᠳ ᠲᠦᠮᠡᠨ︽ᠳᠤᠤᠭᠠᠷᠪᠠᠯ ᠳᠠᠭᠤᠨ ᠨᠢᠭᠡᠲᠡᠢ ᠳᠤᠭᠲᠤᠷᠪᠠᠯ ᠬᠦᠴᠦᠨ ᠨᠢᠭᠡᠲᠡᠢ︾ | ᠪᠦᠯᠬᠦᠮᠳᠡᠯ ᠤᠨ ᠬᠦᠴᠦᠨ ᠢ ᠪᠠᠳᠠᠷᠠᠭᠤᠯᠤᠨ᠂︽ᠵᠣᠷᠢᠪᠠᠰᠤ ᠦᠯᠦ ᠬᠦᠷᠬᠦ ᠭᠠᠵᠠᠷ ᠠᠯᠠᠭᠠ᠂ ᠵᠣᠷᠢᠭᠯᠠᠪᠠᠰᠤ ᠦᠯᠦ | ᠪᠦᠲᠦᠬᠦ ᠬᠡᠷᠡᠭ ᠠᠯᠠᠭᠠ︾ ᠭᠡᠬᠦ ᠭᠠᠩ ᠬᠠᠲᠠᠭᠤ ᠵᠣᠷᠢᠭ ᠢᠶᠠᠨ ᠬᠥᠪᠴᠢᠯᠡᠨ᠂ ᠰᠢᠨᠡ ᠶᠢ ᠡᠭᠦᠳᠬᠦ ᠶᠢ ᠪᠠᠷᠢᠮᠲᠠᠯᠠᠨ᠂ | ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠪᠠ ᠥᠷᠢᠰᠦᠯᠳᠦᠭᠡᠨ ᠢ ᠠᠷᠭᠠᠴᠠᠬᠤ ᠳᠤᠮᠳᠠ ᠡᠷᠡᠮᠡᠬᠡᠶᠢᠯᠡᠨ ᠤᠷᠤᠭᠰᠢᠯᠠᠭᠰᠠᠨ ᠠᠴᠠ ᠲᠠᠪᠤᠨ | ᠲᠢᠪ ᠳᠥᠷᠪᠡᠨ ᠳᠠᠯᠠᠢ ᠶᠢ ᠳᠣᠩᠰᠣᠯᠭᠠᠭᠰᠠᠨ ᠰᠢᠨᠡ ᠬᠤᠪᠢᠷᠠᠯᠲᠠ ᠭᠠᠷᠴᠤ᠂ ᠡᠩ ᠶᠢᠷᠲᠢᠨᠴᠦ ᠶᠢᠨ ᠬᠠᠷᠠᠭᠠᠨ ᠳᠤ | ︽ᠳᠤᠮᠳᠠᠳᠤ ᠤᠯᠤᠰ︾ ᠤᠨ ᠠᠭᠤᠤ ᠠᠯᠳᠠᠷ ᠢ ᠮᠠᠨᠳᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠴᠠᠩ ᠧ ᠵᠢᠷᠭᠤᠳᠤᠭᠠᠷ ᠠᠩᠬᠠ | ᠤᠳᠠᠭᠠ ᠰᠠᠷᠠᠨ ᠪᠥᠮᠪᠥᠷᠴᠡᠭ ᠤᠨ ᠠᠷᠤ ᠲᠠᠯᠠ ᠠᠴᠠ ᠦᠯᠢᠭᠡᠷ ᠠᠪᠴᠤ᠂ ᠬᠦᠰᠡᠯ ᠨᠡᠷᠡᠮᠵᠢᠲᠦ ᠶᠡᠭᠡ ᠳᠠᠯᠠᠢ ᠪᠠᠷ | ᠬᠠᠶᠢᠨ ᠰᠢᠨᠵᠢᠯᠡᠵᠦ᠂ ᠱᠧᠨᠵᠧᠨ ᠠᠴᠠ ᠵᠦᠩᠱᠠᠨ ᠬᠦᠷᠬᠦ ᠨᠡᠪᠲᠡᠷᠡᠬᠦ ᠵᠠᠮ ᠳᠠᠯᠠᠢ ᠲᠠᠩᠭᠢᠰ ᠢ ᠰᠤᠨᠳᠠᠯᠠᠨ ᠮᠤᠷᠤᠯᠵᠠᠵᠤ᠂ | ᠡᠮᠦᠨᠡᠲᠦ ᠲᠤᠶᠢᠯ ᠤᠨ ᠴᠢᠨ ᠯᠢᠩ ᠥᠷᠲᠡᠭᠡ ᠮᠥᠰᠥᠲᠦ ᠲᠠᠯᠠ ᠳᠤ ᠰᠡᠬᠦᠶᠢᠨ ᠪᠣᠰᠴᠤ᠂ ᠳᠤᠮᠳᠠᠳᠤᠴᠤᠳ ᠤᠨ | ᠣᠳᠣᠲᠤ ᠣᠭᠲᠠᠷᠭᠤᠢ ᠠᠨᠠᠪᠠᠳ ᠳᠠᠯᠠᠢ ᠠᠴᠠ ᠬᠦᠰᠡᠯ ᠵᠡᠭᠦᠳᠦ ᠪᠠᠨ ᠡᠷᠢᠯᠬᠢᠯᠡᠬᠦ ᠶᠡᠭᠡ ᠣᠮᠤᠭ ᠵᠣᠷᠢᠭ ᠢ | ᠢᠯᠡᠷᠡᠭᠦᠯᠪᠡ ᠁ ᠶᠠᠭᠤᠲᠠᠢ ᠪᠠᠶᠠᠷ᠂ ᠶᠠᠭᠤᠲᠠᠢ ᠭᠠᠶᠢᠬᠠᠮᠰᠢᠭ︕ | ᠠᠮᠵᠢᠯᠲᠠ ᠪᠦᠲᠦᠭᠡᠯ ᠥᠩᠭᠡᠷᠡᠭᠰᠡᠨ ᠢ ᠲᠡᠮᠳᠡᠭᠯᠡᠳᠡᠭ ᠴᠦ ᠠᠬᠢᠨ ᠲᠠᠪᠰᠢᠬᠤ ᠡᠷᠴᠢ ᠵᠣᠷᠢᠭ ᠨᠡᠩ | ᠣᠷᠭᠢᠯᠣᠭᠤᠨ᠃ ︽ᠬᠠᠶᠢᠷᠰᠤ ᠬᠤᠶᠠᠭ ᠴᠠᠶᠢᠷᠠᠰ ᠴᠠᠶᠢᠷᠠᠰ ᠦᠷᠦᠭᠰᠡᠨ ᠬᠠᠰ ᠰᠢᠭ᠋᠂ ᠬᠠᠮᠤᠭ ᠪᠡᠶᠡ ᠭᠢᠯᠪᠠᠰ ᠭᠢᠯᠪᠠᠰ | ᠳᠤᠭᠤᠶᠢᠯᠠᠭᠰᠠᠨ ᠮᠥᠩᠭᠦ ᠮᠡᠲᠦ︾ ᠠᠯᠲᠠᠨ ᠮᠣᠭᠠᠢ ᠤᠷᠢᠬᠠᠨ ᠬᠠᠪᠤᠷ ᠢ ᠠᠴᠢᠭᠠᠳ ᠡᠬᠡ ᠭᠠᠵᠠᠷ ᠲᠤ ᠰᠠᠭᠠᠲᠠᠬᠤᠶᠠ᠂ | ᠠᠭᠤᠯᠠ ᠤᠰᠤᠨ ᠰᠢᠨᠡ ᠳᠦᠷᠰᠦ ᠪᠠᠷ ᠰᠣᠯᠢᠭᠳᠠᠵᠤ᠂ ᠰᠢᠨᠡ ᠠᠭᠤᠷ ᠠᠮᠢᠰᠬᠤᠯ ᠪᠢᠯᠬᠠᠭᠠᠳ᠂ ᠬᠥᠮᠥᠨ ᠠᠷᠠᠳ | ᠬᠦᠰᠡᠯᠡᠩ ᠤᠨ ᠳᠥᠷᠥᠭᠡ ᠢᠰᠬᠦᠯᠵᠦ᠂ ᠬᠤᠲᠠ ᠬᠥᠳᠡᠭᠡ ᠬᠥᠭᠵᠢᠯ ᠤᠨ ᠰᠣᠯᠣᠩᠭᠠ ᠮᠢᠷᠠᠯᠵᠠᠭᠤᠯᠤᠨᠠᠮ᠃ ᠡᠰᠢ | ᠡᠷᠬᠡᠲᠡᠨ ᠢ ᠲᠡᠮᠳᠡᠭᠯᠡᠬᠦ ᠠᠷᠭᠠ ᠵᠢᠴᠢ ᠲᠠᠪᠤᠨ ᠮᠠᠬᠠᠪᠤᠳ ᠤᠨ ᠲᠤᠬᠠᠢ ᠬᠡᠯᠡᠯᠭᠡ ᠠᠴᠠ ᠦᠨᠳᠦᠰᠦᠯᠡᠪᠡᠯ᠂ ᠡᠨᠡ ᠵᠢᠯ | ᠪᠣᠯ ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠪᠤᠯᠬᠤ ᠮᠥᠷᠲᠡᠭᠡᠨ ᠪᠠᠰᠠ ᠠᠯᠲᠠᠨ ᠮᠣᠭᠠᠢ ᠵᠢᠯ ᠭᠡᠳᠡᠭ᠃ ︽ᠠᠯᠲᠠ︾ ᠨᠢ ᠡᠳ᠋ | ᠪᠠᠶᠠᠯᠢᠭ᠂ ᠪᠠᠶᠢᠷᠢ ᠰᠠᠭᠤᠷᠢ ᠪᠠ ᠲᠣᠭᠲᠠᠭᠤᠨ ᠪᠠᠶᠢᠳᠠᠯ ᠢ ᠪᠡᠯᠭᠡᠳᠡᠳᠡᠭ ᠤᠨ ᠤᠴᠢᠷ ᠠᠴᠠ ᠠᠯᠲᠠᠨ ᠮᠣᠭᠠᠢ ᠵᠢᠯ ᠢ | ᠲᠤᠶᠢᠯ ᠤᠨ ᠥᠭᠡᠳᠡ ᠡᠰᠡᠷᠡᠭ᠂ ᠲᠦᠮᠡᠨ ᠢᠶᠠᠷ ᠢᠶᠠᠨ ᠪᠠᠶᠠᠵᠢᠨ ᠬᠥᠷᠥᠩᠭᠡᠵᠢᠬᠦ ᠣᠨ ᠵᠢᠯ ᠭᠡᠳᠡᠭ᠃ ︽ᠠᠮᠠᠨ ᠤ ᠪᠡᠯᠭᠡ | ᠠᠴᠠ ᠠᠰᠢᠳᠠ ᠶᠢᠨ ᠪᠡᠯᠭᠡ︾ ᠭᠡᠲᠡᠭ ᠢᠶᠠᠷ᠂ ᠰᠠᠶᠢᠨ ᠢ ᠰᠠᠨᠠᠵᠤ ᠰᠠᠷᠠᠭᠤᠯ ᠭᠡᠭᠡᠨ ᠢ ᠵᠣᠷᠢᠵᠤ ᠶᠠᠪᠤᠪᠠᠯ ᠠᠮᠵᠢᠯᠲᠠ | ᠠᠴᠠ ᠠᠮᠵᠢᠯᠲᠠ ᠳᠤ ᠬᠦᠷᠬᠦ ᠭᠡᠲᠡᠭ ᠨᠢ ᠯᠠᠪᠲᠠᠢ᠃ | ᠠᠶᠠᠷᠯᠠᠨ ᠣᠲᠣᠭᠰᠠᠨ ᠬᠥᠬᠡ ᠯᠤᠤ ᠵᠢᠯ ᠣᠮᠤᠭ ᠪᠠᠭ᠋ᠠᠳᠤᠯ ᠪᠢᠯᠬᠠᠭᠠᠳ᠂ ᠠᠯᠳᠠᠷ ᠭᠠᠪᠢᠶᠠ ᠪᠠᠨ ᠲᠡᠦᠬᠡᠨ ᠳᠤ | ᠳᠠᠩᠰᠠᠯᠠᠭᠤᠯᠵᠤ ᠠᠮᠵᠢᠯᠲᠠ ᠶᠢᠨ ᠮᠥᠷ ᠢᠶᠠᠨ ᠲᠠᠮᠠᠭᠠᠯᠠᠯᠠ᠃ ᠠᠯᠲᠠᠨ ᠮᠣᠭᠠᠢ ᠵᠢᠯ ᠭᠢᠯᠪᠠᠭᠠ ᠰᠠᠴᠤᠷᠠᠭᠤᠯᠤᠨ ᠡᠬᠡ | ᠣᠷᠣᠨ ᠳᠤ ᠮᠢᠨᠢ ᠰᠠᠭᠠᠲᠠᠵᠤ᠂ ᠠᠬᠢᠨ ᠳᠠᠪᠰᠢᠬᠤ ᠡᠷᠴᠢ ᠵᠣᠷᠢᠭ ᠢ ᠦᠨᠳᠦᠰᠦᠲᠡᠨ ᠲᠦᠮᠡᠨ ᠳᠡᠭᠡᠨ ᠬᠥᠪᠴᠢᠯᠡᠨᠡᠮ᠂ | ᠰᠢᠨᠡ ᠵᠢᠯ ᠳᠤ ᠡᠬᠡ ᠤᠯᠤᠰ ᠮᠢᠨᠢ ᠥᠷᠨᠢᠭᠦᠨ ᠬᠥᠭᠵᠢᠯᠲᠡ ᠲᠠᠢ᠂ ᠡᠯᠢᠭᠡᠨ ᠲᠦᠮᠡᠨ ᠮᠢᠨᠢ ᠢᠳᠡᠷᠡᠭᠦᠨ ᠠᠮᠤᠭᠤᠯᠠᠩ | ᠪᠠᠶᠢᠭᠠᠰᠠᠢ︕ | | |