| ᠲᠣᠯᠣᠭᠠᠢ ᠳᠡᠭᠡᠷᠡ ᠪᠠᠨ ᠳᠤᠭᠤᠢ ᠬᠠᠷᠠ ᠲᠠᠢ᠂ ᠲᠠᠬᠳᠠᠭᠠ ᠠᠴᠠ ᠪᠠᠭᠠ ᠰᠢᠭ᠋ ᠬᠤᠯᠠᠨ ᠵᠢᠷᠤᠭᠠ ᠭᠡᠳᠡᠭ | ᠴᠠᠶᠢᠪᠤᠷ ᠪᠣᠷᠣ ᠰᠢᠪᠠᠭᠤ ᠮᠠᠨ ᠤ ᠨᠤᠲᠤᠭ ᠲᠤ ᠪᠠᠶᠢᠩᠭᠤ ᠨᠤᠲᠤᠭᠰᠢᠳᠠᠭ᠃ ᠬᠤᠶᠠᠷ ᠬᠥᠯ ᠢᠶᠠᠨ ᠵᠢᠷᠢᠯᠵᠡᠭᠦᠯᠦᠨ | ᠬᠤᠷᠳᠤᠨ ᠭᠦᠶᠦᠳᠡᠭ ᠢᠶᠠᠷ ᠨᠢ ᠬᠤᠯᠠᠨ ᠵᠢᠷᠤᠭᠠ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠪᠠᠶᠢᠵᠤ ᠪᠤᠯᠬᠤ ᠶᠤᠮ᠃ ᠮᠠᠨ ᠤ ᠨᠤᠲᠤᠭ ᠤᠨ | ᠬᠢᠨ ᠬᠤᠯᠠᠨ ᠵᠢᠷᠤᠭᠠ ᠶᠢ ᠮᠡᠷᠭᠡᠨ ᠰᠢᠪᠠᠭᠤ ᠭᠡᠯᠴᠡᠨᠡ᠃ | | | | | | | | | ᠬᠤᠨᠢ ᠬᠠᠷᠢᠭᠤᠯᠤᠨ ᠶᠠᠪᠤᠲᠠᠯᠠ ᠳᠡᠭᠡᠶᠢᠭᠰᠡᠨ ᠥᠨᠳᠥᠷ ᠦᠨᠳᠦᠰᠦ ᠲᠠᠢ ᠰᠡᠭᠰᠡᠭᠡᠷ ᠲᠣᠮᠣᠬᠠᠨ ᠲᠣᠷᠯᠤᠭ ᠤᠨ | ᠴᠠᠭᠠᠭᠤᠷ ᠬᠤᠯᠠᠨ ᠵᠢᠷᠤᠭᠠ ᠨᠠᠭᠠᠰᠢ ᠴᠠᠭᠠᠰᠢ ᠭᠦᠶᠦᠵᠦ ᠬᠠᠷᠠᠭᠳᠠᠯᠠ᠃ ᠪᠢ ᠲᠣᠷᠯᠤᠭ ᠢ ᠲᠣᠭᠤᠷᠢᠨ ᠡᠷᠭᠢᠪᠡᠯ | ᠲᠡᠷᠡ ᠪᠠᠰᠠ ᠡᠷᠭᠢᠨᠡ᠃ ᠪᠢ ᠵᠣᠭᠰᠣᠪᠠᠯ ᠲᠡᠷᠡ ᠴᠦ ᠵᠣᠭᠰᠣᠨᠠ᠃ ᠶᠠᠭ ᠯᠠ ᠨᠠᠳᠠ ᠲᠠᠢ ᠨᠢᠭᠤᠯᠴᠠᠭᠠ ᠬᠢᠨ | ᠨᠠᠭᠠᠳᠴᠤ ᠪᠠᠶᠢᠬᠤ ᠰᠢᠭ᠋᠃ ︽ᠬᠢᠷᠢ ᠳᠡᠭᠡᠨ ᠮᠡᠷᠭᠡᠨ ᠠᠮᠢᠳᠠᠨ ᠶᠤᠮ ᠭᠡᠴᠢ︕︾ ᠭᠡᠵᠦ ᠪᠤᠳᠤᠨ ᠴᠠᠰᠢ ᠬᠠᠨᠳᠤᠲᠠᠯᠠ | ᠬᠠᠵᠠᠭᠤᠬᠠᠨ ᠠᠴᠠ ᠪᠠᠰᠠ ᠨᠢᠭᠡ ᠬᠤᠯᠠᠨ ᠵᠢᠷᠤᠭᠠ ᠭᠠᠷᠴᠤ ᠢᠷᠠᠨ᠂ ᠬᠤᠷᠳᠤᠨ ᠬᠤᠷᠳᠤᠨ ᠵᠢᠷᠭᠢᠵᠦ ᠣᠶᠢᠷᠠ | ᠣᠶᠢᠷᠠ ᠨᠢᠰᠴᠦ ᠪᠠᠭᠤᠨᠠ᠃ ᠬᠥᠳᠡᠯᠦᠯ ᠪᠠᠷᠢᠯ ᠠᠴᠠ ᠨᠢ ᠣᠶᠢᠷᠠ ᠬᠠᠪᠢ ᠳᠤ ᠡᠭᠦᠷ ᠨᠢ ᠪᠠᠶᠢᠬᠤ ᠶᠢ ᠪᠠᠷᠤᠭᠯᠠᠭᠰᠠᠨ | ᠪᠢ ᠡᠶᠢᠰᠢ ᠲᠡᠶᠢᠰᠢ ᠬᠠᠷᠠᠭᠠ ᠭᠦᠶᠦᠯᠭᠡᠪᠡ᠃ | ᠲᠣᠮᠣᠬᠠᠨ ᠵᠠᠭ ᠤᠨ ᠣᠷᠣᠢ ᠳᠠᠬᠢ ᠡᠪᠦᠭᠡ ᠶᠢᠨ ᠮᠣᠳᠣᠨ ᠠᠶᠠᠭᠠ ᠰᠢᠭ᠋ ᠪᠣᠮᠪᠣᠭᠤᠷ ᠪᠣᠷᠣ ᠡᠭᠦᠷ ᠲᠤ ᠲᠤᠪᠤ | ᠲᠤᠪᠤ ᠴᠣᠬᠤᠷ ᠲᠦᠷᠪᠡᠨ ᠴᠡᠩᠬᠡᠷ ᠪᠣᠷᠣ ᠥᠨᠳᠡᠭᠡ ᠲᠤᠪᠤᠶᠢᠵᠤ ᠪᠠᠶᠢᠨᠠ᠃ ︽ᠬᠤᠯᠠᠨ ᠵᠢᠷᠤᠭᠠ ᠶᠢᠨ ᠡᠭᠦᠷ ᠲᠤ | ᠶᠢᠰᠦᠨ ᠵᠣᠭᠤᠰ ᠬᠢᠪᠡᠯ ᠬᠤᠯᠠᠨ ᠵᠢᠷᠤᠭᠠ ᠲᠡᠳᠡᠭᠡᠷ ᠵᠣᠭᠤᠰ ᠢ ᠭᠠᠵᠠᠷ ᠲᠤ ᠪᠤᠯᠠᠨᠠ᠃ ᠭᠠᠵᠠᠷ ᠲᠤ ᠪᠤᠯᠠᠭᠰᠠᠨ | ᠵᠣᠭᠤᠰ ᠢ ᠣᠯᠵᠤ ᠲᠡᠶᠢᠯᠪᠡᠯ ᠮᠡᠷᠭᠡᠨ ᠪᠤᠯᠳᠠᠭ︕︾ ᠭᠡᠵᠦ ᠬᠥᠮᠥᠰ ᠬᠡᠯᠡᠯᠴᠡᠵᠦ ᠪᠠᠶᠢᠬᠤ ᠶᠢ ᠣᠯᠠᠨᠲᠠ | ᠰᠣᠨᠣᠰᠤᠭᠰᠠᠨ ᠪᠢ ᠬᠤᠯᠠᠨ ᠵᠢᠷᠤᠭᠠ ᠶᠢᠨ ᠡᠭᠦᠷ ᠲᠤ ᠵᠣᠭᠤᠰ ᠪᠤᠯᠠᠵᠤ ᠮᠡᠷᠭᠡᠨ ᠪᠤᠯᠬᠤ ᠶᠢ ᠰᠠᠨᠠᠯᠠ᠃ ᠨᠠᠳᠠ | ᠬᠠᠮᠢᠭᠠ ᠠᠴᠠ ᠶᠢᠰᠦᠨ ᠵᠣᠭᠤᠰ ᠪᠠᠶᠢᠬᠤ ᠪᠤᠢ᠃ ᠶᠢᠰᠦᠨ ᠬᠤᠨᠢᠨ ᠤ ᠬᠤᠷᠭᠤᠯ ᠲᠡᠭᠦᠵᠦ᠂ ᠪᠤᠰᠤᠳ ᠬᠤᠷᠭᠤᠯ ᠠᠴᠠ | ᠢᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠪᠤᠲᠠᠨ ᠤ ᠮᠥᠴᠢᠷ ᠢᠶᠠᠷ ᠪᠥᠭᠡᠷᠡᠨ ᠳᠡᠭᠡᠷᠡ ᠨᠢ ᠵᠢᠵᠢᠭᠬᠡᠨ ᠨᠦᠬᠡ ᠭᠠᠷᠭᠠᠭᠠᠳ ᠬᠤᠯᠠᠨ | ᠵᠢᠷᠤᠭᠠ ᠶᠢᠨ ᠡᠭᠦᠷ ᠲᠤ ᠬᠢᠵᠦ ᠵᠠᠶᠢᠲᠠᠢ ᠭᠠᠵᠠᠷ ᠠᠴᠠ ᠬᠠᠷᠠᠵᠤ ᠰᠠᠭᠤᠪᠠ᠃ ᠬᠤᠯᠠᠨ ᠵᠢᠷᠤᠭᠠ ᠡᠭᠦᠷ ᠲᠤᠨᠢ ᠬᠢᠭᠰᠡᠨ | ᠬᠤᠷᠭᠤᠯ ᠢ ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠵᠠᠭᠤᠨ ᠡᠶᠢᠰᠢ ᠲᠡᠶᠢᠰᠢ ᠭᠦᠶᠦᠵᠦ ᠠᠳᠡ ᠲᠡᠨᠳᠡ ᠪᠤᠯᠠᠨᠠ᠃ ᠪᠢ ᠬᠠᠮᠢᠭᠠ | ᠬᠠᠮᠢᠭᠠ ᠪᠤᠯᠠᠬᠤ ᠶᠢ ᠨᠢ ᠰᠠᠶᠢᠲᠤᠷ ᠠᠩᠬᠠᠷᠴᠤ ᠨᠠᠷᠢᠨ ᠲᠣᠭᠲᠠᠭᠠᠵᠤ ᠠᠪᠤᠭᠠᠳ ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠣᠯᠵᠤ | ︽ᠬᠤᠯᠠᠨ ᠵᠢᠷᠤᠭᠠ ᠰᠢᠭ᠋ ᠮᠡᠷᠭᠡᠨ ᠪᠣᠯᠣᠭᠠᠰᠠᠢ︕︾ ᠭᠡᠵᠦ ᠰᠢᠪᠰᠢᠨ ᠶᠢᠰᠦᠨ ᠬᠤᠷᠭᠤᠯ ᠤᠨ ᠢᠶᠠᠨ ᠨᠢᠭᠡ ᠲᠠᠯᠠ ᠶᠢᠨ | ᠬᠢᠨᠢ ᠬᠠᠷᠠ ᠬᠠᠯᠢᠰᠤ ᠶᠢ ᠬᠠᠭᠤᠯᠵᠤ ᠬᠠᠷᠠ᠂ ᠴᠠᠭᠠᠨ ᠬᠤᠶᠠᠷ ᠲᠠᠯᠠ ᠲᠠᠢ ᠪᠣᠯᠭᠠᠨ ᠬᠢᠯᠭᠠᠰᠤ ᠪᠠᠷ ᠬᠡᠯᠬᠢᠵᠦ | ᠡᠪᠦᠷᠲᠦᠯᠡᠪᠡ᠃ ᠰᠡᠭᠦᠯ ᠳᠤᠨᠢ ᠪᠦᠷ ᠤᠲᠠᠰᠤ ᠪᠠᠷ ᠬᠡᠯᠬᠢᠵᠦ ᠠᠪᠤᠯᠠ᠃ | ᠠᠪᠤ ᠵᠣᠭᠤᠰ ᠤᠷᠭᠢᠪᠡ᠃ ᠠᠪᠤ ᠨᠠᠷᠢᠬᠠᠨ ᠰᠤᠷ ᠢᠶᠠᠷ ᠬᠡᠯᠬᠢᠭᠰᠡᠨ ᠶᠢᠰᠦᠨ ᠵᠣᠭᠤᠰ ᠢ ᠦᠷᠭᠦᠯᠵᠢ | ᠪᠡᠶᠡ ᠳᠡᠭᠡᠨ ᠠᠪᠴᠤ ᠶᠠᠪᠤᠳᠠᠭ ᠴᠦ ᠲᠡᠷᠡ ᠪᠣᠯᠭᠠᠨ ᠶᠠᠭᠤᠮᠠᠨ ᠳᠤ ᠤᠷᠭᠢᠳᠠᠭ ᠦᠭᠡᠢ᠃ ᠬᠠᠮᠢᠭᠠ ᠴᠠᠭᠠᠨᠠ ᠬᠠᠪᠬᠠ | ᠡᠷᠭᠢᠬᠦ ᠪᠠᠷ ᠶᠠᠪᠤᠬᠤ ᠳᠠᠭᠠᠨ ᠤᠷᠭᠢᠨᠠ᠃ ᠠᠪᠤ ᠬᠠᠪᠬᠠ ᠪᠠᠨ ᠡᠷᠭᠢᠬᠦ ᠪᠠᠷ ᠶᠠᠪᠤᠬᠤ ᠨᠢ ᠭᠡᠳᠡᠭ ᠢ ᠭᠠᠳᠠᠷᠯᠠᠭᠰᠠᠨ ᠪᠢ | ᠥᠪᠡᠷ ᠤᠨ ᠠᠯᠢ ᠵᠡᠷᠭᠡ ᠮᠡᠷᠭᠡᠨ ᠪᠣᠯᠵᠤ ᠪᠠᠶᠢᠭᠠ ᠪᠠᠨ ᠰᠢᠯᠭᠠᠬᠤ ᠪᠠᠷ ᠭᠠᠳᠠᠨᠠ ᠭᠠᠷᠴᠤ᠂ ︽ᠠᠪᠤ ᠶᠢᠨ ᠬᠠᠪᠬᠠᠨ ᠳᠤ | ᠵᠡᠭᠡᠷᠡ ᠣᠷᠣᠵᠤ ᠤᠤ︖︾ ᠭᠡᠵᠦ ᠰᠢᠪᠰᠢᠭᠡᠳ ︽ᠵᠣᠭᠤᠰ ᠤᠷᠭᠢᠪᠡ︾᠃ ᠪᠥᠭᠡᠷᠡᠩᠬᠡᠢ ᠬᠤᠷᠭᠤᠯ ᠪᠤᠨᠲᠣᠭᠤᠷ | ᠵᠢᠵᠢᠭᠬᠡᠨ ᠠᠯᠠᠭᠠᠨ ᠳᠡᠭᠡᠷᠡ ᠮᠢᠨᠢ ᠲᠣᠭᠲᠠᠬᠤ ᠦᠭᠡᠢ ᠡᠶᠢᠰᠢ ᠲᠡᠶᠢᠰᠢ ᠤᠨᠠᠨᠠ᠃ | ︽ᠠᠪᠤ ᠶᠢᠨ ᠬᠢᠨᠢ ᠬᠠᠪᠬᠠᠨ ᠳᠤ ᠵᠡᠭᠡᠷᠡ ᠣᠷᠣᠬᠤ ᠨᠢ ᠤᠤ︖︾ ᠭᠡᠯᠡ᠃ ᠪᠢ ᠰᠣᠴᠢᠨ ︽ᠶᠢᠰᠦᠨ ᠵᠣᠭᠤᠰ︾ | ᠢᠶᠠᠨ ᠠᠷᠤ ᠳᠠᠭᠠᠨ ᠨᠢᠭᠤᠲᠠᠯᠠ ᠬᠤᠶᠠᠷ ᠨᠢ ᠭᠠᠵᠠᠷ ᠤᠨᠠᠪᠠ᠃ ᠠᠪᠦ ᠨᠢᠭᠡ ᠶᠢ ᠨᠢ ᠠᠪᠴᠤ ᠡᠷᠭᠢᠭᠦᠯᠵᠦ | ᠲᠣᠭᠤᠷᠢᠭᠤᠯᠤᠨ ᠬᠡᠰᠡᠭ ᠦᠵᠡᠭᠡᠳ᠄ ︽ᠮᠢᠨᠤ ᠬᠦᠦ ᠶᠢᠨ ᠵᠣᠭᠤᠰ ᠭᠤᠶᠤ ᠪᠠᠶᠢᠨᠠ︕︾ ᠭᠡᠯᠡ᠃ ᠠᠪᠤ ᠶᠢᠨ | ᠦᠭᠡᠨ ᠳᠤ ᠤᠷᠮᠠᠰᠢᠭᠰᠠᠨ ᠪᠢ ︽ᠬᠤᠯᠠᠨ ᠵᠢᠷᠤᠭᠠ ᠶᠢᠨ ᠡᠭᠦᠷ ᠲᠤ ᠬᠢᠭᠰᠡᠨ ᠶᠤᠮ ᠴᠢᠨᠢ︕︾ ᠭᠡᠵᠦ ᠨᠡᠮᠡᠯᠡ᠃ ᠠᠪᠤ᠄ | ︽ᠦ᠂ ᠪᠠᠰᠠ ᠤᠤ︖︾ ᠭᠡᠳ ᠵᠤᠯᠠᠢ ᠳᠡᠭᠡᠷᠡ ᠮᠢᠨᠢ ᠦᠨᠦᠰᠦᠭᠡᠳ ᠮᠣᠷᠳᠠᠪᠠ᠃ | ᠲᠡᠳᠦᠢ ᠯᠠ ᠤᠳᠠᠭᠰᠠᠨ ᠦᠭᠡᠢ ᠠᠪᠤ ᠲᠠᠷᠭᠤᠨ ᠣᠭᠤᠨᠣ ᠡᠭᠦᠷᠴᠦ ᠢᠷᠡᠭᠡᠳ ᠡᠳ᠋ᠯᠡᠬᠦ ᠳᠤ ᠨᠢ᠂ ᠡᠪᠴᠢᠭᠦᠦ | ᠲᠦᠰᠢᠵᠦ ᠰᠠᠭᠤᠭᠰᠠᠨ ᠪᠢ ︽ᠠᠪᠤ ᠶᠢᠨ ᠵᠣᠭᠤᠰ ᠦᠨᠡᠬᠡᠷ ᠮᠡᠷᠭᠡᠨ᠂ ᠬᠤᠯᠠᠨ ᠵᠢᠷᠤᠭᠠ ᠶᠢᠨ ᠡᠭᠦᠷ ᠲᠤ ᠪᠤᠯᠠᠭᠠᠳ | ᠯᠠ ᠮᠡᠷᠭᠡᠨ ᠪᠣᠯᠤᠭᠰᠠᠨ ᠪᠢᠵᠡ︖︾ ᠭᠡᠯᠡ᠃ ︽ᠬᠠᠨᠠᠰᠠ ᠠᠴᠠ ᠳ᠋ᠠ᠂ ᠬᠦᠦ ᠮᠢᠨᠢ︕ ᠪᠢ ᠴᠢᠨᠦ ᠨᠠᠰᠤᠨ ᠳᠤ | ᠪᠠᠶᠢᠬᠤ ᠳᠠᠭᠠᠨ ᠬᠤᠯᠠᠨ ᠵᠢᠷᠤᠭᠠ ᠶᠢᠨ ᠡᠭᠦᠷ ᠲᠤ ᠶᠢᠰᠦᠨ ᠵᠣᠭᠤᠰ ᠬᠢᠭᠡᠳ ᠬᠤᠯᠠ ᠠᠴᠠ ᠳᠤᠷᠠᠨᠳᠠᠵᠤ ᠪᠠᠶᠢᠭᠠᠳ | ᠪᠦᠭᠦᠳᠡ ᠶᠢ ᠨᠢ ᠴᠤᠭᠯᠠᠭᠤᠯᠵᠤ ᠠᠪᠤᠭᠰᠠᠨ ᠶᠤᠮ᠃ ᠶᠠᠮᠠᠷ ᠮᠡᠷᠭᠡᠨ ᠳᠤ ᠲᠣᠭᠠᠴᠠᠭᠳᠠᠬᠤ ᠪᠤᠢ᠃ ᠠᠪᠤ ᠨᠢ | ᠵᠣᠭᠤᠰᠤᠨ ᠤ ᠮᠡᠷᠭᠡᠨ ᠢᠶᠠᠷ ᠵᠡᠭᠡᠷᠡ ᠭᠥᠷᠥᠭᠡᠰᠦ ᠪᠠᠷᠢᠵᠤ ᠪᠠᠶᠢᠭᠠ ᠦᠭᠡᠢ ᠬᠠᠷᠢᠨ ᠬᠠᠨ ᠳᠡᠯᠡᠬᠡᠢ ᠶᠢᠨ ᠢᠪᠡᠭᠡᠯ ᠢᠶᠠᠷ | ᠬᠠᠪᠬᠠᠨ ᠳᠤ ᠮᠢᠨᠢ ᠣᠭᠤᠨᠣ ᠰᠢᠷᠠᠭᠴᠢᠨ ᠣᠷᠣᠳᠠᠭ ᠶᠤᠮ᠃ ᠠᠩ ᠭᠥᠷᠥᠭᠡᠨ ᠳᠤ ᠶᠠᠪᠤᠬᠤ᠂ ᠬᠠᠪᠬᠠ ᠡᠷᠭᠢᠬᠦ᠂ | ᠡᠷᠢᠯ ᠳᠤ ᠶᠠᠪᠤᠬᠤ ᠳᠤ ᠬᠤᠯᠠᠨ ᠵᠢᠷᠤᠭᠠ ᠣᠷᠪᠣᠭ ᠪᠤᠲᠠᠨ ᠤ ᠣᠷᠣᠢ ᠳᠤ ᠰᠠᠭᠤᠨ᠂ ᠢᠯᠡ ᠪᠠᠷᠠ ᠲᠠᠢ ᠭᠠᠵᠠᠷ | ᠵᠢᠷᠭᠢᠵᠦ ᠪᠠᠶᠢᠪᠠᠯ ᠭᠠᠨᠵᠤᠭᠠ ᠲᠣᠰᠣᠳᠠᠵᠤ ᠡᠷᠢᠯ ᠣᠯᠳᠠᠨᠠ᠃ ᠬᠤᠯᠠᠨ ᠵᠢᠷᠤᠭᠠ ᠣᠷᠪᠣᠭ ᠪᠤᠲᠠᠨ ᠤ ᠴᠠᠭᠠᠭᠤᠷ | ᠨᠢᠭᠤᠭᠳᠠᠨ ᠮᠠᠭᠤᠬᠠᠢ ᠲᠠᠭᠤ ᠪᠠᠷ ᠵᠢᠷᠭᠢᠵᠦ ᠪᠠᠶᠢᠪᠠᠯ ᠬᠠᠪᠬᠠᠨ ᠳᠤ ᠶᠠᠭᠤᠮᠠ ᠣᠷᠣᠳᠠᠭ ᠦᠭᠡᠢ᠂ ᠠᠶᠠᠭᠦᠢ ᠪᠣᠯ | ᠬᠠᠪᠬᠠᠨ ᠳᠤ ᠣᠷᠣᠭᠰᠠᠨ ᠵᠡᠭᠡᠷᠡ ᠬᠤᠯᠠᠨ ᠲᠠᠰᠤᠷᠠᠭᠠᠳ ᠶᠠᠪᠤᠭᠰᠠᠨ ᠴᠦ ᠪᠠᠶᠢᠵᠤ ᠮᠡᠳᠡᠬᠦ ᠶᠤᠮ᠃ ᠶᠠᠭᠤ ᠴᠦ ᠭᠡᠰᠡᠨ | ᠠᠵᠢᠯ ᠦᠢᠯᠡ ᠪᠦᠳᠦᠮᠵᠢ ᠮᠠᠭᠤᠲᠠᠢ ᠪᠠᠶᠢᠳᠠᠭ᠃ ᠬᠤᠯᠠᠨ ᠵᠢᠷᠤᠭᠠ ᠶᠢᠨ ᠮᠡᠷᠭᠡᠨ ᠨᠢ ᠦᠨᠡᠨ ᠴᠦ ᠠᠪᠤ ᠨᠢ ᠬᠠᠷᠢᠨ | ᠪᠡᠶᠡ ᠪᠠᠨ ᠬᠠᠭᠤᠷᠤᠭᠰᠠᠨ ᠮᠡᠷᠭᠡᠴᠢ ᠰᠢᠤ︕︾ ᠭᠡᠳ ᠢᠨᠢᠶᠡᠪᠡ᠃ | ᠶᠠᠭᠠᠬᠢᠭᠠᠳ ᠳᠤ ᠴᠦ ᠶᠤᠮ᠃ ᠪᠢ ᠠᠪᠤ ᠪᠠᠨ ᠪᠡᠶᠡ ᠪᠠᠨ ᠬᠠᠭᠤᠷᠤᠭᠰᠠᠨ ᠮᠡᠷᠭᠡᠴᠢ ᠭᠡᠵᠦ ᠶᠡᠷᠦ ᠪᠤᠳᠤᠳᠠᠭ | ᠦᠭᠡᠢ᠃ ᠪᠢᠳᠠᠨ ᠢ ᠪᠠᠭᠠ ᠳᠤ ᠫᠤᠤ ᠰᠤᠮᠤ ᠪᠠᠶᠢᠭᠰᠠᠨ ᠪᠢᠰᠢ᠃ ᠠᠪᠤ ᠬᠠᠪᠬᠠ ᠪᠠᠷ ᠭᠥᠷᠥᠭᠡᠯᠡᠨᠡ᠃ ᠴᠠᠰᠤᠨ ᠤ ᠳᠠᠬᠤ᠂ | ᠨᠠᠭᠤᠷ ᠵᠠᠳᠠᠭᠠᠢ ᠶᠢᠨ ᠭᠦᠪᠡᠭᠡ᠂ ᠣᠭᠤᠨᠣ ᠶᠢᠨ ᠪᠠᠭᠠᠳᠠᠯ ᠳᠠᠭᠠᠭᠤᠯᠵᠤ ᠬᠠᠪᠬᠠ ᠪᠤᠯᠠᠨ᠂ ᠶᠢᠰᠦᠨ ᠵᠣᠭᠤᠰ ᠤᠷᠭᠢᠵᠤ | ᠬᠠᠪᠬᠠ ᠪᠠᠨ ᠡᠷᠭᠢᠨᠡ᠃ ᠠᠪᠤ ᠵᠣᠭᠤᠰ ᠢᠶᠠᠨ ᠰᠢᠪᠰᠢᠨ ᠭᠡᠳᠦ ᠲᠠᠭᠢᠨ ᠤᠷᠭᠢᠭᠠᠳ ᠭᠡᠷ ᠭᠠᠳᠠᠨᠠ ᠶᠢᠨ | ᠠᠵᠢᠯ ᠳᠠᠭᠠᠨ ᠶᠠᠭᠠᠷᠠᠵᠤ ᠪᠠᠶᠢᠪᠠᠯ ᠬᠠᠪᠬᠠᠨ ᠳᠤᠨᠢ ᠶᠠᠭᠤᠮᠠ ᠣᠷᠤᠭᠠ ᠦᠭᠡᠢ᠃ ᠬᠠᠷᠢᠨ ᠮᠣᠷᠳᠠᠭᠠᠳ ᠶᠠᠪᠤᠪᠠᠯ | ᠭᠠᠨᠵᠤᠭᠠ ᠬᠤᠭᠤᠰᠤᠨ ᠢᠷᠡᠵᠦ ᠪᠠᠶᠢᠭᠠ ᠦᠭᠡᠢ ᠶᠤᠮ ᠳ᠋ᠠᠭ᠃ | ᠨᠤᠲᠤᠭ ᠤᠨ ᠢᠶᠠᠨ ᠪᠣᠷᠣ ᠪᠣᠷᠣᠬᠠᠨ ᠬᠤᠯᠠᠨ ᠵᠢᠷᠤᠭᠠ ᠳᠠᠭᠠᠨ ᠬᠠᠶᠢᠷᠠᠲᠠᠢ ᠯᠠ ᠳ᠋ᠠ᠂ ᠪᠢ︕ | | | |