| ᠮᠣᠩᠭᠤᠯᠴᠤᠳ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠥᠷᠯᠥᠭᠡ ᠡᠷᠲᠡ ᠪᠣᠰᠴᠤ᠂ ᠰᠠᠩ ᠤᠨ | ᠶᠡᠨᠳᠡᠷ ᠤᠨ ᠳᠡᠷᠭᠡᠳᠡ ᠵᠩᠡ ᠭᠠᠯ ᠨᠣᠴᠣᠭᠠᠨ ᠰᠢᠨᠡᠯᠡᠬᠦ ᠶᠣᠰᠣ ᠪᠠᠨ ᠭᠦᠢᠴᠡᠳᠬᠡᠭᠡᠳ ᠭᠡᠷ ᠲᠡᠭᠡᠨ ᠣᠷᠣᠵᠤ᠂ ᠠᠪᠤ | ᠡᠵᠢ᠂ ᠠᠬᠠᠰ ᠵᠠᠬᠠᠰ ᠲᠠᠢ ᠪᠠᠨ ᠰᠢᠨᠡᠯᠡᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠰᠢᠨᠡ ᠵᠢᠯ ᠳᠤ ᠠᠩᠬᠠ ᠤᠳᠠᠭᠠ ᠮᠥᠷ ᠭᠠᠷᠭᠠᠵᠤ | ᠨᠢᠭᠡ ᠵᠢᠯ ᠤᠨ ᠣᠯᠵᠠ ᠣᠮᠤᠭ᠂ ᠮᠠᠯ ᠰᠥᠷᠥᠭ ᠤᠨ ᠥᠭᠡᠳᠡ ᠡᠰᠡᠷᠡᠭ ᠢ ᠵᠥᠩᠨᠡᠨ ᠪᠡᠯᠭᠡᠳᠡᠳᠡᠭ ᠪᠢᠯᠡ᠃ | ᠮᠥᠷ ᠭᠠᠷᠭᠠᠬᠤ ᠨᠢ ᠰᠢᠨᠡ ᠨᠢᠭᠡᠨ ᠵᠢᠯ ᠳᠡᠭᠡᠨ ᠬᠡᠢ ᠮᠣᠷᠢ ᠲᠠᠢ᠂ ᠪᠤᠶᠠᠨ ᠬᠡᠰᠢᠭ ᠳᠡᠯᠭᠡᠷᠡᠵᠦ᠂ ᠠᠯᠢᠪᠠ | ᠪᠥᠭᠦᠨ ᠰᠠᠶᠢᠨ ᠰᠠᠶᠢᠬᠠᠨ ᠪᠠᠶᠢᠬᠤ ᠶᠢ ᠵᠥᠩᠨᠡᠨ ᠪᠡᠯᠭᠡᠰᠢᠶᠡᠭᠰᠡᠨ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠢ | ᠦᠨᠳᠦᠰᠦᠯᠡᠪᠡᠯ᠂ ᠮᠥᠷ ᠭᠠᠷᠭᠠᠬᠤ ᠬᠡᠳᠡᠭ ᠨᠢ ᠳᠠᠷᠤᠢ ᠨᠠᠢᠮᠠᠨ ᠰᠠᠭᠤᠳᠠᠯ ᠢᠶᠠᠷ ᠲᠣᠭᠠᠯᠠᠵᠤ ᠰᠠᠶᠢᠨ ᠴᠠᠭ᠂ ᠰᠠᠶᠢᠨ | ᠵᠦᠭ ᠲᠤ ᠮᠣᠷᠢ ᠲᠡᠮᠡᠭᠡ ᠪᠠᠨ ᠤᠨᠤᠵᠤ ᠮᠣᠷᠳᠠᠨ ᠭᠠᠷᠤᠭᠠᠳ ᠭᠠᠵᠠᠷ ᠤᠨ ᠥᠨᠳᠥᠷ ᠳᠡᠭᠡᠷᠡ ᠭᠠᠷᠴᠤ ᠰᠠᠩ | ᠲᠠᠯᠪᠢᠵᠤ ᠬᠡᠢ ᠮᠣᠷᠢ ᠬᠡᠶᠢᠰᠬᠡᠨ ᠮᠥᠷᠭᠦᠭᠡᠳ ᠰᠠᠶᠢᠨ ᠵᠦᠭ ᠠᠴᠠ ᠪᠠᠨ ᠬᠠᠷᠢᠵᠤ ᠢᠷᠡᠬᠦ ᠶᠢ ᠶᠠᠷᠢᠵᠤ ᠪᠠᠶᠢᠨᠠ᠃ | ᠨᠡᠶᠢᠮᠠᠨ ᠰᠠᠭᠤᠳᠠᠯ ᠬᠡᠳᠡᠭ ᠨᠢ ᠭᠠᠯ᠂ ᠰᠢᠷᠣᠢ᠂ ᠲᠡᠮᠦᠷ᠂ ᠣᠭᠲᠠᠷᠭᠤᠢ᠂ ᠤᠰᠤ᠂ ᠠᠭᠤᠯᠠ᠂ ᠮᠣᠳᠣ᠂ ᠬᠡᠢ ᠵᠡᠷᠭᠡ ᠨᠡᠶᠢᠮᠠᠨ | ᠵᠦᠢᠯ ᠤᠨ ᠰᠠᠭᠤᠳᠠᠯ ᠢ ᠶᠠᠷᠢᠵᠤ ᠪᠤᠢ᠃ ᠰᠠᠶᠢᠨ ᠵᠦᠭ ᠬᠡᠳᠡᠭ ᠨᠢ ᠪᠤᠶᠠᠨ ᠬᠡᠰᠢᠭ᠂ ᠴᠤᠭ ᠵᠠᠯᠢ᠂ ᠠᠮᠢᠨ ᠥᠯᠵᠡᠢ᠂ ᠡᠮ | ᠡᠨᠡ ᠳᠥᠷᠪᠡ ᠶᠢ ᠰᠠᠶᠢᠨ ᠵᠦᠭ ᠭᠡᠨᠡ᠃ ᠮᠠᠭᠤ ᠵᠦᠭ ᠬᠡᠳᠡᠭ ᠨᠢ ᠬᠤᠣᠷ ᠠᠳᠠ᠂ ᠲᠠᠪᠤᠨ ᠡᠯᠢᠶᠡ᠂ ᠪᠡᠶᠡ ᠵᠡᠳᠬᠡᠷ᠂ | ᠰᠢᠯᠮᠤ ᠶᠢ ᠲᠥᠷᠪᠡᠨ ᠮᠠᠭᠤ ᠵᠦᠭ ᠭᠡᠵᠦ ᠴᠤᠭ ᠵᠠᠯᠢ ᠪᠤᠶᠤ ᠠᠮᠢᠨ ᠥᠯᠵᠡᠢ ᠵᠦᠭ ᠲᠤ ᠭᠠᠷᠤᠭᠠᠳ ᠪᠤᠶᠠᠨ | ᠬᠡᠰᠢᠭ ᠤᠨ ᠵᠦᠭ ᠠᠴᠠ ᠬᠠᠷᠢᠵᠤ ᠢᠷᠡᠪᠡᠯ ᠰᠠᠶᠢᠨ ᠭᠡᠰᠡᠨ ᠵᠥᠩᠨᠡᠯ ᠪᠡᠯᠭᠡᠳᠡᠯ ᠢ ᠶᠠᠷᠢᠵᠤ ᠪᠠᠶᠢᠭᠠ ᠶᠤᠮ᠃ | ᠮᠣᠩᠭᠤᠯᠴᠤᠳ ᠵᠢᠯ ᠴᠠᠭᠠᠨ ᠰᠠᠷᠠ ᠪᠣᠯᠣᠭᠰᠠᠭᠠᠷ ᠰᠢᠨᠡᠯᠡᠬᠦ ᠪᠡᠯᠡᠳᠬᠡᠯ ᠢᠶᠠᠨ ᠱᠠᠯᠠᠪᠳᠠᠨ ᠬᠢᠳᠡᠭ᠃ | ᠡᠭᠦᠨ ᠳᠤ ᠰᠢᠨᠡᠯᠡᠬᠦ ᠰᠠᠶᠢᠨ ᠴᠠᠭ᠂ ᠮᠥᠷ ᠭᠠᠷᠭᠠᠬᠤ ᠰᠠᠶᠢᠨ ᠵᠦᠭ ᠥᠵᠡᠭᠦᠯᠭᠦ ᠪᠣᠯ ᠪᠠᠰᠠ ᠨᠢᠭᠡᠨ ᠲᠤᠲᠠᠭᠳᠠᠵᠤ | ᠪᠣᠯᠣᠰᠢ ᠦᠭᠡᠢ ᠠᠵᠢᠯ ᠶᠤᠮ᠃ ᠮᠥᠷ ᠭᠠᠷᠭᠠᠬᠤ ᠰᠠᠶᠢᠨ ᠵᠦᠭ ᠥᠵᠡᠭᠦᠯᠭᠦ ᠳᠤ ᠣᠯᠠᠩᠬᠢ ᠳᠠᠭᠠᠨ ᠡᠷᠳᠡᠮ | ᠴᠢᠳᠠᠪᠤᠷᠢ ᠶᠡᠬᠡᠲᠡᠢ ᠯᠠᠮᠠ ᠬᠥᠮᠥᠨ ᠢᠶᠠᠷ ᠰᠠᠭᠤᠳᠠᠯ ᠲᠣᠭᠠᠯᠠᠭᠤᠯᠵᠤ᠂ ᠪᠥᠭᠦ ᠭᠡᠷ ᠤᠨ ᠠᠮᠠ ᠪᠦᠯᠢ ᠨᠢᠭᠡᠪᠦᠷᠢ ᠶᠢᠨ | ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠮᠥᠷ ᠭᠠᠷᠭᠠᠬᠤ ᠰᠠᠶᠢᠨ ᠵᠦᠭ ᠢ ᠮᠡᠳᠡᠵᠤ ᠠᠪᠤᠭᠰᠠᠨ ᠤ ᠲᠠᠷᠠᠭᠠ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ | ᠲᠡᠷᠡᠬᠦ ᠦᠵᠡᠭᠦᠯᠦᠭᠰᠡᠨ ᠶᠣᠰᠣ ᠪᠠᠷ ᠮᠥᠷ ᠭᠠᠷᠭᠠᠳᠠᠭ ᠪᠠᠶᠢᠨᠠ᠃ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠰᠢᠨᠡᠯᠡᠵᠤ ᠪᠠᠷᠠᠭᠰᠠᠨ ᠤ | ᠲᠠᠷᠠᠭᠠ ᠭᠡᠶᠢᠴᠢᠨ ᠵᠣᠴᠢᠨ ᠢᠷᠡᠬᠦ ᠠᠴᠠ ᠡᠮᠦᠨᠡ ᠰᠢᠨᠡ ᠲᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠡᠳ ᠬᠤᠲᠠᠨ | ᠳᠣᠲᠣᠷᠠᠬᠢ ᠲᠠᠷᠭᠤ ᠬᠦᠴᠦ ᠰᠠᠶᠢᠲᠠᠢ ᠠᠳᠤᠭᠤ ᠲᠡᠮᠡᠭᠡ ᠪᠠᠨ ᠤᠨᠤᠵᠤ ᠬᠡᠢ ᠮᠣᠷᠢ ᠶᠢᠨ ᠵᠦᠭ ᠲᠤ ᠭᠠᠵᠠᠷ ᠤᠨ | ᠥᠨᠳᠥᠷ ᠢ ᠰᠣᠩᠭᠤᠵᠤ᠂ ᠰᠠᠩ ᠲᠠᠯᠪᠢᠵᠤ ᠠᠷᠴᠠ ᠬᠦᠵᠢ ᠤᠭᠤᠭᠢᠭᠤᠯᠤᠨ ᠬᠡᠢ ᠮᠣᠷᠢ ᠪᠠᠨ ᠮᠠᠨᠳᠤᠭᠤᠯᠤᠭᠰᠠᠨ ᠤ | ᠲᠠᠷᠠᠭᠠ ᠬᠡᠰᠢᠭ ᠪᠤᠶᠠᠨ ᠤ ᠵᠦᠭ ᠠᠴᠠ ᠬᠠᠷᠢᠵᠤ ᠢᠷᠡᠳᠡᠭ ᠶᠣᠰᠣ ᠲᠠᠢ᠃ ᠡᠨᠡ ᠨᠢ ᠭᠤᠣᠯᠳᠠᠭᠤ ᠵᠢᠯ ᠤᠨ ᠡᠬᠢᠨ ᠤ | ᠡᠳᠦᠷ ᠰᠠᠶᠢᠨ ᠵᠦᠭ ᠲᠤ ᠮᠥᠷ ᠭᠠᠷᠭᠠᠵᠤ᠂ ᠪᠥᠭᠦ ᠵᠢᠯ ᠤᠨ ᠬᠡᠢ ᠮᠣᠷᠢ᠂ ᠬᠡᠰᠢᠭ ᠪᠤᠶᠠᠨ ᠡᠨᠡᠬᠦ ᠮᠥᠷ ᠢᠶᠠᠷ ᠮᠠᠨᠳᠤᠵᠤ᠂ | ᠳᠡᠯᠭᠡᠷᠡᠬᠦ ᠪᠣᠯᠲᠤᠭᠠᠢ ᠭᠡᠰᠡᠨ ᠪᠡᠯᠭᠡᠳᠡᠯ ᠤᠨ ᠰᠠᠨᠠᠭᠠ ᠲᠠᠢ ᠶᠤᠮ᠃ ᠬᠡᠷᠪᠡ ᠮᠥᠷ ᠭᠠᠷᠭᠠᠬᠤ ᠵᠦᠭ ᠢᠶᠠᠨ | ᠦᠵᠡᠭᠦᠯᠦᠭᠡᠳ ᠬᠠᠨᠢ ᠨᠥᠬᠦᠷ ᠬᠤᠭᠤᠷᠣᠨᠳᠤ ᠪᠠᠨ ᠰᠠᠭᠤᠳᠠᠯ ᠨᠡᠶᠢᠯᠡᠭᠰᠡᠨ ᠪᠠᠶᠢᠪᠠᠯ ᠯᠠᠮᠠ ᠬᠤᠸᠠᠷᠠᠭ ᠵᠠᠯᠠᠵᠤ | ᠰᠠᠭᠤᠳᠠᠯ ᠰᠠᠯᠭᠠᠬᠤ ᠠᠷᠭᠠ ᠵᠠᠰᠠᠯ ᠬᠢᠳᠡᠭ᠃ ᠠᠪᠤ ᠡᠵᠢ᠂ ᠦᠷᠡ ᠬᠡᠦᠬᠡᠳ ᠬᠤᠭᠤᠷᠣᠨᠳᠤ ᠪᠠᠨ ᠰᠠᠭᠤᠳᠠᠯ | ᠨᠡᠶᠢᠯᠡᠭᠰᠡᠨ ᠪᠣᠯ ᠰᠠᠭᠤᠳᠠᠯ ᠰᠠᠯᠭᠠᠬᠤ ᠦᠭᠡᠢ᠃ ᠪᠦᠬᠦᠯᠢ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤ ᠬᠥᠷᠤᠬᠡᠳᠤᠢ ᠬᠡᠦᠬᠡᠳ ᠬᠥᠮᠥᠨ | ᠪᠣᠯ ᠬᠤᠪᠢ ᠪᠠᠷ ᠢᠶᠠᠨ ᠮᠥᠷ ᠭᠠᠷᠭᠠᠬᠤ ᠵᠦᠭ ᠥᠵᠡᠭᠦᠯᠭᠦ ᠦᠭᠡᠢ᠂ ᠡᠵᠢ ᠠᠪᠤ ᠪᠠᠨ ᠲᠠᠭᠠᠵᠤ ᠮᠥᠷ ᠭᠠᠷᠭᠠᠪᠠᠯ | ᠪᠣᠯᠴᠢᠬᠠᠳᠠᠭ ᠶᠤᠮ ᠭᠡᠵᠦ ᠶᠠᠷᠢᠵᠤ ᠪᠢᠯᠡ᠃ | | |